《高登獵殺遊戲》(情景題變講故 ): 毒氣潛逃 高登女鬼

「毒氣雙子，除褲！」雪花糕大叫。

「乜事呀？」全場既大家當時既反應。

「除褲放屁呀！沼氣煙霧迷漫！」毒氣雙子放出毒氣。

攪到全場人仕爭相走避。

「黐很線！乜卵野人黎架！個屁散播範圍咁大既。」屎忽。





當時我地已經退返入骷髏堡裡面，總算係已經安全。

「我地呢度咁多高手，佢地都唔敢亂黎，只係放煙霧彈想走佬啫。」賭撚。

「咁又係，量佢個雪花神針都打唔晒呢度咁多人。」立花_宗茂。

「不過估唔到雪花針有D料，竟然訓練到毒氣雙子既作用出黎。」百變怪。

「咦，壞蛋丁原佢地三個冇入黎呀。」惠那。





「咦，惠那，點解你會認定佢地係壞人既？」我問。

「佢個樣好奸呀，肯定係壞蛋。」惠那回應。

「以貌取人呢家野，惠那認第二，冇人敢認第一。」歸藏可能俾人臭返正常左，而家冇再講果三隻字。

「講返丁原佢地三個先啦，佢地真係冇走黎，唔通去左追雪花糕？」屎忽。

「食開屎係唔同D，果兩條友個屁臭成咁都仲想追前去。」百變怪回應。





… (半小時之後)

我地開返門，毒氣散左，發現丁原佢地三個響門口…

「丁城主，做乜事呀？你地竟然唔夠雪花神針打？」堡主問丁原。

「屌…屌你老…老味…」丁原講完就暈左。

「究竟發生咩事呀？」堡主再問九鳥天天師。

「仆…你…條…街，你地…班人…」九鳥天天師回應。

「衝晒入去就閂左道門，我地入唔切呀？」呂阿布咁講。

「咦，細侄，咁你又冇事既？」堡主問。





「我食開屎。」呂阿布斬釘截鐵回應。

之後堡主頂唔順佢把臭口，順勢一腳抽左佢去後山。

「丁城主，你唔會怪我射左你個契仔去後山丫嘛。」堡主問。

「我理解既，不過好在有阿布佢虹吸左大量毒氣咋，唔係我同天師死呢次。」丁原。

「唔好意思呀，我有疑問。」問野既係我。

「做咩呀？」百變怪。

「你問啦。」堡主。





「丁城主同九鳥天師佢地身為高手中既高手，點解會抵擋唔到嘍囉毒氣雙子既普通攻擊？我覺得實力上面好似…好似唔係太合邏輯。」我問。

「哈哈哈。等我一陣。」堡主咁講。

「各位好友，多謝大家既蒞臨，而家個宴會完左喇，大家可以慢慢由正門離開，小僕帶大家離開先。」

堡主講完呢番話之後，其他賓客就開始離開…

而堡主自己就帶左我地七個人同丁原兩人返大廳。

「少俠，睇黎你有套唔係幾岩既諗法Set死左響你個腦裡面。」堡主咁講。

「吓！？咩意思呀？話我蠢。」我回應。

「非也非也，世事講既係相生相剋，又或者咁講，唔係勁人就邊方面都勁晒，任何人都有弱點，好似頭先咁，毒氣本身係無孔不入，不過放毒氣果兩條粉腸能力未夠班，唔係已經剋死丁城主佢地，即係話丁城主既其中一個弱點就係氣體攻擊或者有毒性既物質。」





「係呀，冇錯。」丁原。

「估唔到你竟然會咁坦白承認自己既弱點噃，你唔怕我地係壞人，會傷害你咩？」我問。

「你覺得我個樣點呀？」佢問得好坦白。

「樣衰囉。」我答得都好坦白。

「佢呢？」丁原指住九鳥天天師。

「仲樣衰囉。」我再坦白D。

「Yeah！我都話我靚仔過你啦！」丁原望住九鳥天天師講。





「各花入各眼啫。」九鳥天天師死撐。

「咁你究竟想講咩啫？」我問。

「哈哈哈，俾人話靚仔開心得頭添…」

「我係話你樣衰架！」我重申。

「我意思係，從來只有人地覺得我係衰人壞人，我根本係唔會覺得其他人係衰人壞人，我認，我各鹹城係鹹濕之城，我身為城主，最衰就係衰鹹濕，但係絕對冇害人既心。」丁原解釋。

「好似唔係咁可信。」屎忽。

「唔信你問吓堡主，我幾時有害過人。」丁原再講。

「哈哈，又好似真係未聽過噃。」堡主。

「如果你講壞人，我相信鬼域呢邊，最衰既應該係佢。」丁原再講。

「邊個呀？」我問。

「高登女夜鬼。」丁原。

丁原講完呢句之後，一副好恐怖既女鬼圖彈左出黎嚇我，哇！我屌！