《高登獵殺遊戲》(情景題變講故 ): 兩漢交戰 文采呂布

叫夜來香既呢個少俠好有氣派。

「一聽個名就知佢做咩工作，肯定係倒屎既。」屎忽咁講。

「其實夜來香係花黎架。」惠那講，但係冇人理。

「咁同你咪好唔同。」我回應屎忽。

「有咩唔同呀？」百變怪加把口。





「明明係屌人屎忽，而家變左做屎忽。」我再講。

「咪玩住啦，佢地打得好精彩呀，真係J都甩咁滯呀！雖然我唔明點解佢叫笑俠，個樣戇鳩鳩又唔係好笑。」賭撚認真望認真講。

於是乎我都好認真咁望住台上既對打…

夜來香佢一開始就兜腳凌空側踢埋去呂阿布左手邊…

而呂阿布就用佢既方天畫筆豎起黎擋左…





但係夜來香冇因為咁樣就停落黎，仲再連環側擊打向呂阿布既左路…

「點解要針對呂阿布既左路呢？」我問。

佢一直一直就追住呂阿布左邊手黎打。

「呢D就係武術，呂阿布已經打左十幾場，相信夜來香都睇左唔少場，我估佢係觀察到呂阿布既左路一直都係好空虛，所以針對呢個弱點。」百變怪回應我。

「我空虛，我寂寞，我凍 ~」屎忽突然唱歌。





「唱歌既，死撚開啦！」百變怪伸左佢一腳。

不過唔好理佢地住喇，台上而家好精彩…

夜來香只係用最普通既拳腳功夫黎針對呂阿布既左路…

就好似總係留有一手咁，其實我有D諗唔明…

不過，呂阿布竟然都係一樣，就好似…

就咁睇落去，真係有種高手過招既感覺，雙方都留有一手。

究竟，呂阿布會唔會俾夜來香逼出真功夫呢？

說時遲那時快…





「赤馬兔亂Q咁衝！」呂阿布突然大嗌一聲…

之後佢隻癲兔就發左狂咁響台上亂跳，然後…

「方天畫筆，橫戌點戍戊中空！」估唔到佢仲有D文采，使出一招咁既招式…

呢招係一吓橫擊，一吓點擊同一吓爆擊，吓吓都好用力咁打埋夜來香度…

「清理家務系，廚餘百葉棍！」估唔到夜來香都唔係小野…

呢招唔單止解決左呂阿布既攻擊，仲一個回敬就轉守為攻…

「橫戌，點戍，戊中再空！」呂阿布再次使出同一招。





「清理家務系，施肥旋風腿！」而夜來香就用左招新招式。

雖然呢招好有型，但係有D臭。

呂阿布同夜來香就係咁，你一筆時我一棍，你一拳時我一腳咁。

「喂，其實隻癲兔有咩用呢？」賭撚突然有呢個疑問。

「吓！係噃，一言驚醒夢中人，睇黎呢次會係呂阿布贏喇。」百變怪咁講。

「點解呀？點解呀？」惠那問。

「唔講唔覺，一講我都明，隻癲兔只係表面發癲，其實係出緊招。」立花_宗茂。

「吓！？出招？」我唔明呀。





「哈哈哈，清理家務系丫嗱，你輸左喇！橫戌點戍戊中空既下一句係咩呀？」

「咩呀？」夜來香問。

「屌你老母好撚窮。」屎忽。

「唔識就咪亂噏啦，死撚開啦！」我推開左衝出黎柒既屎忽。

「十字交叉便是戎！」呂阿布大嗌一聲。

「咩話！？」全場幾百人，個個都覺得好驚訝，因為…

原來赤馬兔真係有做野架，佢將能量線響個台度編織成一個能量交叉…





就好似張八達通既圖案一樣。

而且呢個能量交叉已經佔領晒成個賽場，對手根本上冇可能走得甩，而家…

佢就好似等待住燃點藥引既火藥一樣，等待住呂阿布既燃點。

「死啦，戎！」

呂阿布佢一下重擊地面，一個巨型既交叉火焰就直接響夜來香身上爆炸。

「蝦 ~ ！」