《高登獵殺遊戲》(情景題變講故 ): 髏堡奇案 淫婦之謎

「吓！？佢咁猛架？」我回應百變怪。

「係呀，不過佢似乎訓左，唔好叫醒佢喇，唔係要餵佢食八十碗飯，真係唔嘥飯都嘥時間。」百變怪回應。

… (兩人表示認同，之後沈默左一陣)

呢一晚，我地都只係廢噏，冇咩大野傾過…

不過…





(單，單，單，單，單，單 ~！)

出面突然好嘈，有D打鑼打鼓既聲。

「咩事呀？」百變怪隊左個頭出去問。

「有客人死左呀！」回應佢既係堡主其中一個僕人。

「咁大鑊！？」





之後，我地，包括所有客人都出晒去大廳。

場面都幾壯觀吓，因為呢度…

閒閒地有幾百人，仲個個身懷絕技咁款，聽講呢度仲要只係黎賀壽既三分一人…

但係而家大家都人心惶惶。

「堡主，請問咩事呢？」當中有人咁問。





「我都未清楚，但係聽我僕人講，好似係有個客人朋友死左。」堡主回應。

「殺人者應該未知係邊個啦，但係死者又係邊門邊派架呢？」當中又有人咁問。

「戇鳩，講野唔好咁武俠劇得唔得？」

「你就戇鳩，仲笨諗實添！]

之後有D混亂，有一班人響度嘈交。

「死者客人應該係叫…叫唉我屌咩。」堡主身邊既另一位僕人講。

「名黎架？」我問。

「真係名黎，佢叫唉我屌咩。」佢回應我。





「呢次係名偵探柯南定金田一呀？」我再問。

「可能兩隻都唔係，我僕人響死者客人個房度搵到一張咁既野。」

堡主隊左張圖俾大家睇。

「我唔係想搵死人黎玩，但係大家既然咁高興，不如就猜下呢個死謎啦。」

堡主呢D究竟係咩說話，老實講，我參透唔到。

但係張圖係咁既…

有個好白痴既Q版女孩公仔跳緊舞，下面寫住︰





「姑娘身子瘦又長，花花衣裳黑肚腸，
靠著嘴尖會說話，越說越要脫衣裳。」

「屌你，支那文黎既！」
「唔識就死撚開啦，你理得佢咩文啫。」
「肯定係講緊姣婆，殺人者係個淫婦！」
「你老婆就淫婦！」
「你點解知既？」
「冇理由既，冇理由既…」
「咁難既…」
「究竟估咩架？」
「估你老母。」
「咁答案咪就應該係母親大人囉。」

我發覺堡主批客人都係低能既，你睇上面D對話就知。





但係點都好，響呢D時候，總係會有人懶醒咁行出黎…

「白痴，鉛筆呀！」

之後仲有人咁樣…

「廢話，你估我地唔知咩？」

再之後…

「咁你頭先又唔講？」

再再之後…





「咁你頭先又唔問？」

再再再之後就係打起上黎。

不過我冇理佢地，我反而覺得件事唔係咁簡單…

「你覺得點呀？」我細細聲問我身邊既百變怪。

「事有蹺蹊。」百變怪咁講。

「你唔好學埋班廢柴講野得唔得？」我回應佢。

「邊個話我地廢柴？」成班人望晒過黎。

我就順手指住左岩岩出到黎既丁原佢地三個人…

「丁原城主，乜你咁講人架？」我仲加多左句補補佢。

之後佢地就同丁原佢地三個打起上黎。

而我就繼續悠閒地同百變怪討論…

「點JACK？」我問。

「我估姑娘係講緊女人。」惠那突然出左黎，仲響我地後面插口講。

「惠那，你出左黎呀？」我。

「廢話。」立花_宗茂。

「我唔准你咁講惠那呀吓。」我。

「屌你丫，話緊你呀！」歸藏。

「呢場馬我J都唔敢賭，太少數據，唔識買。」賭撚都出埋黎，佢望住張圖講。

「惠那姐果然有見地，姑娘係女人都俾你估到…」百變怪開始回應我既「點JACK」。

「咁之後又應該係點解呢，惠那姐？」百變怪再問。

「身子瘦又長，即係個女人係又瘦又高啦，應該成個Model咁；花花衣裳黑肚腸，我估佢近排腸胃唔係幾好；靠著嘴尖會說話，佢應該係個幾多口既女Model；越說越要脫衣裳，可能仲會係個淫婦黎添。」惠那既講解實在係太詳盡。

「多謝晒噃，惠那姐，我反而唔係咁諗，我留意到上面老虎城三個字。」百變怪。

「我都有留意到，仲有D英文添。」我回應佢。

「估唔到仲有客人同我既諗法係一致。」堡主都加把口埋黎我地堆度。