《高登獵殺遊戲》(情景題變講故 ): 黑卵紙筆 小心屎忽

而且呢個呂阿布對付緊既，仲真係屎忽同賭撚佢地呀！

「喂！你地響度攪邊科呀？」我大嗌問屎忽佢地。

「呢條友腎架！我地問下野啫，佢就同我地開拖喇！」屎忽回應。

「咁你問人地咩呀？」我問。

「我問吓佢有咩活動喳嘛。」屎忽回應。





「咁你點問人地呀？」我再問。

「我咪咁講囉，『戇鳩撚，呢度係咪有咩活動呀？』點知佢就同我地打起上黎喇。」屎忽再回應。

(=_=)「俾著係我都開你拖啦，小小禮貌都唔識。」我既反應。

「咁你話喇，應該點講呀？」屎忽問返我轉頭。

(^_^)「應該咁講，『戇鳩撚，請問呢度係咪有咩活動呀？』咁丫嘛，「請問」呢D字你就唔好慳啦。」我回應。





「又係噃。」屎忽佢地兩個都表示認同。

「你地三條友兩把口，講夠未呀？接我呂阿布神筆，黑卵小紙筆！」

呂阿布發爛渣，兜頭就隊支沾左墨既毛筆埋去屎忽度…

「黑卵」=沾墨既毛筆 ；「小」係動作 ；「紙筆」即係屎忽。

「喂！我都有把口架！唔信我同你賭J丫嗱！」賭撚爭住出去柒。





賭撚似乎好介意「三條友兩把口」呢句。

賭撚一邊講，一邊烏低身一個下手閹割刀就削埋去呂阿布度…

呂阿布一個鯉魚翻身，總算係避過左…

仲立即凌空以右腳腳尖陰力踢向佢隻赤馬兔…

之後隻赤馬兔就變得好似癲Q左咁向前衝埋賭撚度…

但係賭撚雖然白痴…

不過白痴唔晒，一個跳躍就避過左呢隻唔知係馬定兔既怪物…

仲回敬左一招…





「新招試用，萬華閹割刀！」

嘩，原來賭撚都識進步架，佢竟然使出一招新招呀！

但係…

「屌你丫！同平時有很分別呀？」歸藏衝到出黎咁問。

賭撚冇理，一刀就飛埋去呂阿布度…

而呂阿布就以一支畫筆橫擋…

不過…





(BOMB ~ ！)

原來把閹割刀會爆炸，仲將呂阿布炸中，而家現場灰塵滾滾…

… (等人吸塵中)

大約幾秒之後，灰塵被散去…

出黎既，係佢…

九鳥天天師。

「少主人，玩夠喇，呢度係骷髏堡主既地方，所有咩唔岩既，就由佢作主啦。」

佢就好似俾說話堡主聽咁。





但係堡主就話之你，佢咁樣回應︰

「呵呵呵，咁呀，我作主呀？咁就繼續打啦。」

堡主高明！

「算啦，我地都唔想攪事，原諒佢啦。」屎忽同賭撚就咁講。

而我身邊就有把咁既聲音講︰

「但係唔係佢地攪事先咩？」惠那問。

「唔好問啦，惡人先告狀係常識黎。」日本佬兩條回應。





之後雖然大家都面左左咁，不過堡主佢總算有辦法帶左大家入去骷髏堡度休息…

而且，我地都被分派到唔同既客房，仲一人一間房添…

估唔到呢度都幾大，夠晒房俾D來賓住…

之後既時間，堡主既賓客都紛紛黎到，而我地亦諗住響度留宿一晚。

… (飲水，食飯，去大小便時間)

而我到左入夜，都準備訓喇，點知…

(咯咯咯…) 我個房門被敲。

「邊個呀？」我問。

「有邊個丫，契弟。」

「百變怪？晚晚都係你黎煩我，你悶唔悶呀？」

「今日又有咩想問呀？」百變怪反問返我轉頭。

「哈，你真係…黐膠線，今日已經講到冇野好講，仲問返我轉頭添呀？」

「唔係呀，eee…我都唔記得搵你咩事添。」百變怪咁講。

「咁你諗到先搵我啦，阻人訓覺猶如殺人老母呀！」

「丫，我記得喇，你唔掛住小姬條八婆咩？佢未到噃。」百變怪問。

「係噃，根據我地原本約定既時間，小姬應該到左，但係點解佢冇黎到呢？」

佢唔講由自可，一講我就愁愁地…

「咁你又唔使咁愁既，佢都唔係小野，響呢個森林，佢有足夠應力保護自己。」

「希望佢冇事啦。」

「係呢，你仲想唔想返去現實世界呀？」百變怪問。

「吓！？唔…唔會唔想既，但係講真，可以黎到呢度，又真係好似打緊機咁，幾好玩，又有奇遇，又有艷遇，響現實世界，憑我呢條毒撚，點會有咁既待遇丫。」

「你講到呢度，我記得搵你咩事喇。你隻手錶呀。」百變怪再講。

「係噃，我都唔記得佢要食飯添！」

「唔係呀，我想講，呢隻火鳳凰唔係小野，佢同方丈隻駝飛輪係同一層次，都係高登獵殺森林十二聖獸之一。」