《高登獵殺遊戲》(情景題變講故 ): 渾身是勁 掃溝里興

響掃地僧教我既呢個過程，我完全處於被動狀態...

只係由得佢將我D成個人揈來揈去...

不過點都好...

我總算縐起眉頭，好自然咁將每個動作都記起黎...

因為我感覺到，身體裡面既力勁...





就好似張惡榮(當年燦神扮張國榮果陣既名)既《掃墓》一樣。

「呢個係我同你既秘密，千祈唔好同人講，包括你果個朋友。」掃地僧教到最後一個動作之後咁講。

「你講...我朋友！？」我反問。

「任何一個人都唔得。」掃地僧再講。

「咁...講左又會點？」我再問。





「其實都冇乜點既，不過...你都係唔好講啦。」佢再回答。

「有咩著數先？」

「你唔講我就教你第二式啦。」

「嗱，你講架咋。」

雖然練習掃地神功真係...





自己講出黎都覺得白痴，但係唔知點解...

我俾佢揈完一輪之後，我真係覺得渾身是勁！

所以，當我聽到佢話要教我第二式果陣...

我真係由心到笑出黎。

（其實你係屈人教你喎。）

之後我返左去Pantry...

仲響百變怪面前扮晒咩都搵唔到咁。

「我果邊真係冇特別，搵來搵去都係得D冇用既膠Post。你果邊又點呀？」百變怪問我。





「同你一樣。起碼今日都係。」我回應佢。

其實我好想講俾百變怪知，但係我應承左掃地僧...

所以最少要捱埋學成第二式先。

呢一晚，百變怪佢依舊不停咁睇膠Post...

好快咁，佢就被膠化左，而家佢係一個嗑眼訓既狀態。

而我，表面上係陪佢睇緊睇Post...

但係心裡面同腦裡面就不停咁練習緊「掃理老墓」。





「起身喇！仲訓！成晚響度掃你老墓，掃你老墓，邊條友仔得罪左你，攪到你訓教都要屌柒佢呀？」百變怪叫醒我。

「吓...哦...咪...你條柒頭囉。」我蒙蒙鬆鬆咁回應佢。

之後佢當然一副想鬧返我轉頭既樣啦。

不過我即刻接多句：

「喂！幾點呀？」

「鬼知咩，不過咁既日頭，我估都差唔多正午喇。」百變怪回應我。

「咁...我地再分頭搵下有冇好野丫！」

我咁講，其實係想借D倚去搵掃地僧。





「又搵？！唔好喇呱，尋日都悶左一日，不如我地走啦。我估條仆街方丈真係整蠱我地。」百變怪咁講。

「或者啦，但係俾我搵多次先，我有信心搵到野返黎。」我咁同佢講。

之後我一支箭咁衝左去荷花池度搵掃地僧...

「掃地先生！你響唔響度呀？」我好大聲咁細細聲問。

「響，第二式丫麻，我記得既，黎啦！」

之後佢一如尋日咁，提起我雙手...

要我揸住支掃把就黎料喇，不過呢次佢要我揸兩把。





「跣九掃第二式，亂嗌自由式，掃溝里興！」掃地僧揈住我大叫。

「有咩秘訣架？」我問。

「識游水麻？識游自由式麻？就係一邊大嗌，將氣力由丹田發出黎，一邊就以自由式咁不斷向前掃，個名叫掃溝里興係因為靈感黎自掃坑渠，目標係運用力量，將坑渠掃乾淨之餘，仲要用熱力殺菌！」掃地僧教我。

「嘩！玩到殺菌添呀。好！就黎個殺滅99.9%細菌啦！」

結果，我足足用左一個下晝...

重覆又重覆咁練「掃理老墓」同「掃溝里興」。

... (練習過程)

「掃地先生，係咪仲有七式要教我？」我問。

「我幾時應承你架？」掃地僧反問。

「呢，果日呀！係你自己親口應承我。」

我擺明恰佢老，恰佢冇記性。

「你唔好講大話呀，我最憎人講大話，我明明記得只係應承教你兩式。」

本來我聽到佢咁講係有D淆底既，但係...

我諗深一層，佢如果係肯定自己岩...

唔應該會有頭果兩句，咁即係話...

佢自己都唔肯定，所以我就...

「我都最憎人講大話，所以肯定唔會講大話，你尋日係應承教我兩式，仲話只要我唔講俾其他人知，你就教埋我剩餘既七式咁話。」

最後結果...

佢信左我，仲話會用七日時間黎教埋我其餘七式。