《高登獵殺遊戲》(情景題變講故 ): 各自歸去 恐佈山洞

「睇黎呢位巴打都唔係普通料子噃。」方丈咁講百變怪。

「見笑喇，普通料啫。」百變怪回應佢。

「其實你有冇諗過我既感受？」立花_宗茂無奈地問。

「獻醜不如藏拙啦你。」屎忽屹佢。

「咦，唔係噃，頭先呢位巴打講過骷髏頭堡主黎過搵我噃。」





方丈講完呢句就慢慢行返出門口...

再響個信箱度拎左一封信出黎。

「邀請信！？」

「邀請信？講咩架？」屎忽問。

方丈佢放低包薯片就拆開封信黎睇，仲讀左出黎：





「相信你都聽過最近既傳聞啦，有人成功儲齊十粒高登膠，仲成功離開左呢個森林，有見及此，高登鬼域既巨頭議會決定黎一個空間更為狹窄既比賽，最後既勝利者，就可以得到十粒膠，每個參賽者只需要一如已往，身上帶住一粒膠就可以比賽，比賽地點係鬼域骷髏頭堡外既一個迷宮，時間係十日之後，到時見，骷髏頭堡堡主字。」

「比賽！？」屎忽講。

「即係任何人都可以參加？」我問。

「聽者有份，你地覺得有機會贏既，咪去試下囉。」方丈咁講。

「咁你會唔會去？」百變怪問。





「我去你地就冇機會架喇，你地自己去啦，唔好打擾我。」

「好喇！既然呢度都冇跡可再尋，睇黎我地都要返去諗諗先。」立花_宗茂講。

「屌你丫，我諗我地三個小日本高手都要先走喇。」歸藏。

「惠那，你都要走？」我問。

而惠那就只係點左一下頭。

「放心啦，好快又見，十日之後，鬼域見啦。」立花_宗茂。

「好，約定你地喇。」

「仲有我。」「仲有我。」





係小姬同屎忽兩個一齊講。

我呆左咁望住佢地...

「我要返一返去屋企。到果日見啦。到時我都想去見識下。你要練好你既口裡劍呀。」小姬同我講。

我及左下頭回應。

「我都要去一個地方。到果日見啦。」屎忽咁講。

「好，咁你都要練好你既屎眼劍呀。」

「喂！你就肯定跟我架啦。」我對住百變怪講。





「賭撚！咁你呢？」

「我想返去練好D我既閹割刀！」賭撚回應。

「咁你留低條J先丫。」百變怪咁講，就好似要脅賭撚留低咁。

「唔使啦，條J你爭住我先啦，三條麻甩佬一齊行，唔見得方便，你就練好你既閹割刀啦，到時見。」我講。

「咁又係，有時兩條麻甩佬想馨馨我我果陣...」賭撚黯沈。

「你再講我就要你跟住我。」我既回應。

「天下無不散之延席，各散東西，唔好阻住我發達喇。」方丈插把嘴埋黎。

之後，我地就真係各散東西...





約定十日之後，響鬼域再見。

佢地都離開左，而百變怪同我就仲留響方丈寺院裡面...

「佢地走左喇，你呃得到佢地，不過呃唔到我。」

百變怪用D好重既語氣同方丈講。

「未必。」方丈既回應。

「未必！？咩意思呀？」百變怪再問。

「你班朋友唔係個個都唔知，只係乘機借尿遁啫。」





我當時完全唔明佢地講緊咩...

「喂，你兩個講咩呀？」我問。

「頭先封信既內容，方丈佢唔係完全完整咁講晒。」百變怪講。

「你都算幾厲害，我都算見識唔少人啦，除左好似呢位巴打咁新黎呢度既人之外，冇乜理由有高手係我唔識既，你係其中一個。」

佢口中新黎既巴打係講緊我，但係佢越講我就越唔明，所以...

「喂！咪住先！我好唔明，解答我問題先！」我大嗌。

「你問啦。」

「你意思係小強比我早黎呢度？定益話你意思係...唔係噃，你點知小強係高手呀？」我問。

「早唔早我唔知，但係未黎呢度之前，九成九都係普通香港人，唔會有特殊能力，佢識波多野掌，仲要去到一個咁高既層次，相信肯定係睇唔少波多野結衣既精彩電影。」方丈咁講。

「我鍾意佢做人妻果套。」百變怪回應。
「我就較鍾意佢既重口味系列喇。」方丈回答。
「系你老母！」呢句我插口既。

「嘩！佢果一雙巨...」
「塊...咪仲正，白切架！」
點知佢地冇理我，反而仲越傾越興奮。

「剃架咋，你都得架。」
「我真係得咩？你會唔會太抬舉我呀？」
對話仲開始語無倫次添。

「係噃，聽講佢從良噃。」
「係咩？從良系列！？肯定好賣得。」
「屌，賣乜差都唔關我地事啦，咪又係下載。」
「哈哈，英雄所見略同。」
兩條猥瑣佬，淫埋一累堆！

「益你喇！前果排響成人台Save低架！」
「嘩！真係從良系列噃！」

結果佢地有佢地傾淫野，而我就咋咋帝行開左...

本來只係想耳根同心靈都清淨返D...

睇下鳥語花香，山明水秀既景色...

但係我行行下，我發覺我開始有少少迷路...

我行左去一個較偏僻既地方...

而且仲有個山洞。

「咩料呀？咁Q恐怖既？」

我望住個山洞咁講，因為個山洞好詭異，佢...

個入口係一個人形，我突然諗起伊藤潤二D漫畫...

而的而且確，當我見到呢個山洞既時候...

我真係俾佢既奇異所吸引...

仲真係好想行入去添。

「入黎啦，入黎啦...」

我耳邊竟然唔係廢話，而係一把低沈既恐怖聲音...

究竟攪咩呀？