《高登獵殺遊戲》(情景題變講故 ): 高登聖獸 開方丈波

「屌你老味丫，我真係想認真造瓜你！」我咁樣鬧屎忽。

「喂！你係咪就係人人得而誅之既方丈呀？」立花_宗茂開口問。

但係呢個人竟然奇怪地另頭表示唔係。

「屌你丫！你一身方丈袍，你唔係方丈係邊個呀？」歸藏再問。

「我係方丈，但係唔係人人得而誅之既方丈。」呢條方丈串柒柒咁食住薯片回應。





「方丈先生，我朋友想知道真正可以離開呢個森林既方法。」百變怪好認真咁問。

但係呢個方丈又另頭表示唔知。

「我賭埋條J都唔信連你都唔知囉。」賭撚咁講。

「呢度係寺院，你地想離開呢度行出去就得。」方丈又串柒柒。

但係百變怪竟然冇嬲，仲再問：





「係咪只要打敗你，我地就可以離開呢度？」

方丈再另頭，不過呢次佢自己接住講：

「十分，十粒高登膠就可以離開。」

「係你定既？」百變怪再問。

「法定，天定，人定，我唔知。」方丈再講。





「咁你點知十粒膠就可以離開呀？」小姬都衝出黎插口問。

「獵殺者家族千金！點樣可以離開呢度，我諗你比我更清楚。」

佢講到呢度，小姬佢再唔敢出聲，而且大家都表示奇怪。

但係屎忽佢一於好少理，再問方丈：

「周圍都知你係高登獵殺森林最高權力者，你唔使扮野喇。」

「住得最高或者可能係，最高權力者就真係唔敢當，不過正如你屌Admin屎忽呢個名咁街知巷聞，唔通我就要認定你真係一個Hehe？」方丈又串柒回應。

「哈哈，唔係丫，我淨係想屌你屎忽咋喎。」屎忽咁講。

「咁或者你試下丫。」方丈似係想挑屎忽佢「開波」咁。





「喂，佢叫你試下呀，切J都鳩衝啦！」賭撚聳擁屎忽開拖。

「唔好亂黎，方丈係憑住佢既大力KingKong指而聞名於呢個森林既，要小心。聽講佢可以一隻手指就捽得死D蟻。」立花_宗茂講。

「你要兩隻指先捽得死D蟻咩？」百變怪好認真咁串佢。

「屌你丫！立花大哥意思係佢要殺我地，就好似捽死隻蟻咁易。」歸藏補返句。

「我地小日本組織調查過方丈呢個生物，我地查到，佢身邊既羊駝都唔係少野。」惠那都響呢個時候出口。

「點樣唔係少野法？」我問。

「高登獵殺森林十二聖獸之一，駝飛輪！」惠那回應。





「點解我聽返黎個版本叫做密屍佛駝？」屎忽講。

「唔係密屍，係抹屎，抹屎佛佗係高登鬼域既妖物，同駝飛輪唔同。」惠那解釋。

「高登鬼域！？」我疑問。

「高登山後面有一個暗黑力量控制既地帶，果度就叫做高登鬼域。」立花_宗茂。

「你地仲有冇野搵我架？」方丈問。

「死埋一邊！等我問多樣野先，咁...同骷髏頭堡有冇關係？」我問。

「屌你丫！骷髏頭堡堡主係果區巨頭之一。點解你又知既？」歸藏。

「頭先我同你地講過，小巴上面果個黯沈阿伯就係骷髏頭堡堡主。」我一副難而置信既樣。





「咩原來條友搵到黎我呢度呀。」方丈講。

「佢搵你？」百變怪問。

「好奇咩？你地夠黎搵我啦。」方丈回應。

「咁...究竟點樣先可以離開呢個森林？」百變怪再問。

「重複既野我就唔再講喇，不過你地可以考慮下去一敞鬼域，果度好神秘，話唔定你地可以搵到唔錯既結果。」方丈再講。

「屌你丫！睇黎我地白行一敞！」歸藏。

「未必，或者可以挑戰一下方丈丫...」





立花_宗茂講D唔講D咁，仲一副自信既表情...

而且佢仲...

「接招啦！新月刀波！」竟然仲突然出手打埋方丈度。

之不過...

方丈冷靜真係有D得人驚，佢左手撥開左駝飛輪群...

右手亦只係輕輕力提起，就好似噤mouse咁款?...

結果...

（蝦 ～！）

「獻醜不如藏拙啦！你連我都打唔過，就咪打攪方丈喇。」

百變怪一個波多野掌打散左新月刀波。