《高登獵殺遊戲》(情景題變講故 ): 夜會小姬 天書秘密

總之惠那佢岩岩行過，攪到大家都好尷尬…

所以我自然反應下，淨係拍埋左道門就算…

而家既我，面紅耳赤，夾雜左響怕醜同發嬲既中間…

「喂，你做乜變左關公呀？」個樣百變晒既百變怪講。

「你再嘈，我將你變公公添呀！」





… (之後我需要大約幾個字既時間去復元)

ABCDFG…幾個字過去…

「講返我黎呢度既目的先，我想問你呀！你仲有咩隱瞞我！唔好再講廢話。」

「冇噃。」 百變怪佢咁回應。

「吓！？eee…」





「咁你可以出返去啦。」 百變怪想趕我走。

「唔好玩野噃。」我當然唔肯啦。

「我唔同男人玩野既。」

「你老祖丫，即係想我再打鑊甘既你架啫。」

「你都打到由豬頭變左做火車頭啦，我豁左出去喇，你殺左我都唔會講。」





「咁你點先肯講呀？」

「你錫返我先丫。」

「仆街啦你！」

「街我就唔會仆喇，不過，你要信我，唔需要懷疑，只需要相信…」

「屌你，抄我既。」

之後百變怪佢雙手搭我膊頭，異常認真咁講︰

「有D野，我覺得未係時候講，但係你要信我，我係響呢個森林裡面，少有真心會保護你既人，你要信我。」

當時既我…





呆左，就好似一個女仔被喜歡既男仔壓左埋牆，將會Kiss既一幕咁。

(屌！好基呀！)

「信我啦，返去訓啦，柒頭。」

「柒頭」呢兩個字就好似催眠我一樣，我好自然咁…

呆呆滯滯咁就行左出門口。

(我都係第一次聽人講話「柒頭」兩個字可以催眠 )

今晚攪到呢度，我總算係明白多左，雖然係未返到去現實世界…





但係點都好啦，呢度總算俾到唔少好野我，就例如…

小姬同惠那啦，呵呵呵。

(死淫蟲！淫到出晒面)

正當我諗住帶住我呢副少有既淫蕩一面返去房訓果陣…

突然…

「喂，子銘！你過一過黎丫。」

講野既係邊個呢？你真係估都估唔到呀！

係小姬呀！





夜闌人靜，小姬佢竟然叫我入佢房呀！呢次仲唔…

唔知係咪會好開心呢今晚，呵呵呵。

佢既呢一句，就好似同我講︰

「Come On Baby！Come On！Baby！」

所以我即刻立即回應︰「係既！」

(嗄，嗄，嗄 ~) 我伸住脷衝左埋去佢度。

「Hand，Hand。」小姬咁講。





而我就好自然咁遞左隻手俾小姬。

「Good Boy。」佢讚我，仲掃左兩掃我個頭。

「做乜突然咁可愛既？」小姬佢好Cutie咁問我。

「我不嬲都咁可愛架啦。」而我又一副賣萌樣回應佢。

(燈！) 我感覺到我背後突然有百幾對觀眾既眼怒視緊我…

就似係同我講緊︰

「賣咩萌樣丫，擺明就係賣淫樣。」

雖然我感覺到危險，但係我都真係話之理…

之後我就好開心咁跟左小姬入去佢房…

睇黎…

今晚我地可以兩個人，哈哈哈…

可以兩小無猜咁促膝長談喇。

(你真係咁諗？)

哈哈哈，前奏既野你識條青瓜咩。

「咦，小姬呀，做乜你今晚仲未沖涼既？」我試圖先開個話題。

「你又知？」

「哈哈哈，我聞到你陣香味丫嘛。」

「咁你即係話我而家臭啫，哼。」

「唔係呀，唔係呀，我好重口味架，臭味我仲岩呀。」

死喇，好似越講越衰添，小姬佢而家已經嬲爆爆咁 …

「eee…我意思係…eee…你係咪都好香，不過沖完涼陣香味會唔同少少囉。」

「有咩唔同呀？不過算啦，我都係唔勉強你喇，都知你唔係太識講野喇。」

「哈哈哈，咪係囉。」

「其實我有個秘密想同你講呀。」小姬突然咁講。

「吓！？你既咪咪！？」(「咪咪」普通話係「秘密」)

「我想將我既秘密俾左你呀。」

「吓！？你想將你既咪咪俾左我！？」

「你再咪咪前咪咪後，我就忍唔住手打你架喇。」

「吓！？咩咪咪會響後面既咩？」

(哇丫，嘭嘭，嘭嘭，嘭嘭嘭 ~！)

「係要人地出手先得既。」小姬咁講之前已經打左我七七七十七下。

之後我有我痛，佢有佢講︰

「我想講呀，死喇，講到邊話，丫係，我想話你知呀…

我發現左無字天書既秘密呀！」