《高登獵殺遊戲》(情景題變講故 ): 揭尾你估 半熊睡彭

火雞既一聲大嗌仲嚇親埋侍女添，而句號佢就好似一早知道火雞既存在咁。

「咁你唔識自己出下聲架咩？攪到我真係唔記得左你添呀！」我鬧返火雞轉頭。

之後火雞竟然喊左出黎。

「你做乜又攪喊人地呀？你有蝦女仔既癖好架？」侍女問我。

我呆左，之後望左火雞一望，佢又好似真係女仔黎噃…





所以我咁回應︰

「你唔講我以為火雞係仔黎添。」

不過我知衰…

「咁呀，對唔住囉，好在你係女仔咋，如果係女人，我就打鑊你喇，錫返啦。」我再對住火雞咁講。

之後火雞佢噗左埋侍女心口度喊，我真係有D懷疑佢究竟係咪真係女仔黎…





佢而家既動作，擺明就係男仔借D倚抽水。

「車程幾耐呀？」侍女問句號。

「小巴黎，慢極有限，半個鐘左右啦。」句號回應。

「咁悶，不如玩下揭尾故丫。」侍女咁講。

「蠍尾故！？咩黎架？」我問。





「即係我講左個故事結尾出黎，你估返個過程，就好似…牛吃草呀！你冇聽過咩？」

「牛吃草！？我知道牛係吃草呀，有咩問題呀？」

「白痴仔，牛吃草係揭尾故經典題目之一呀。」句號插口。

「白痴佬，牛吃草，你吃屎添呀！」我博佢嘴。

「你信唔信我唔帶你返去搵你班死人朋友丫拿？」

「唔信！」

「你好野。」之後句號佢就收左口。

「咁其實牛吃草係咩啫？」我問侍女。





「咁既…個故事結尾好似係…

有隻牛食左草噃，之後佢就死左喇，你估返個過程丫。」

「Sorry，我完全錯晒，我投降喇，你地兩個慢慢玩，我訓陣先。」句號咁講。

(佢呢個係真﹒牛吃草。)

「我估佢好肚餓！」我大嗌。

「岩喇！丫唔係，你只可以問是非題。」侍女回應我。

「我唔講人是非架喎。」





「咁呀，咁我開估啦，其實係因為…」

之後我仲同侍女玩左八十八條經典揭尾故，玩得不知幾開心，仲玩到好驚添呀。

「我真係頂你兩個唔順，我要落車，司機，有落！」

句號響途中講左八十七次呢句野，不過好在，司機話唔停得站。

最後，我地到左總站，落左車…

火雞佢攰到變返做手錶訓著左。

「頭先真係好好玩呀可？」侍女笑晒口拍住我膊頭講。

「係呀，一陣再玩。」





「我地而家係咪要開始行路喇？」我答完侍女就問句號。

「我俾返四粒膠你，求你唔好再咁玩揭尾故，我已經嘔晒白泡。」句號冇黎精神咁回應我。

而響呢個時候…

「報告！魂。初弒大人！魄德飛獵大人命小人向你報告，森林區邊境出現死人！」有條黑衣人突然飛出黎同句號講野。

「死人？有人死左？」

「非也！活死人睡彭出沒注意！」

「咩事呀，句號？」我問。





「三魂七魄，高登獵殺森林裡面最強既殺手，我諗你聽過啦，魄德飛獵就係其中之一，人稱天空獵手，我地前面呢條友仔係佢D靚，我同魄德飛獵有D交情，所以咁岩黎開呢度，呢條靚咪標出黎講下前面有咩我地要注意囉。」

「咁…活死人睡彭又係乜料呀？」我再問。

「人稱沈睡的彭彭，睡彭係隻…又似熊又似人既生物，平時好溫馴，但係爆起上黎會好恐怖，有自爆同自癒既能力，可以無限loop，仲會發癲，去到發癲精神狀態既時候，就會暴走，濫殺無辜。」

「你身為高登獵殺森林最強既殺手都唔夠佢打？」

「唔係。不過…佢就好似一隻野生黑熊咁，我係獵人，如果我有準備，我獵殺佢係可以，但係面對面既話，真係我死左都唔知咩事。」

「睇黎佢真係好犀利噃，真係要小心D喇。」侍女響旁邊咁講。

點知…

「你地講緊我呀？」聲音響我地後面傳黎…

而且仲有一個好巨型倒影向我地前面地下出現…

本來響我地前面既果條報告友唔知係咪因為太驚，一下就閃走左。

於是乎我另轉頭望下發生咩事，而句號當時已經一下就彈開左一邊…

而依家響我同侍女面前既，係一隻好巨型，滿身毛毛既…

既麻甩佬！？

「你就係睡彭？」句號離遠咁問。

點知呢隻睡彭見到我之後，竟然係一個估佢唔到既動作…

佢一下就抱起左我，我完全黎唔切做任何反應…

而且佢仲響我下身磨下磨下咁，就好似D小朋友嗲爸爸媽媽果陣咁…

佢咁樣磨一磨，受刺激之下，我下身好自然咁有生理反應…

「丫，猥瑣！」大嗌既係侍女。

「做乜呀？」我問。

「你露丁呀！」

「邊個李路丁呀？」

「你下面呀！」

「邊個李夏面呀？」

「冇拉拉鏈呀！」

「邊個冇奶奶摙呀？吓，我下面冇拉拉鏈呀？！」

我之後向下一望，發現自己露左個「巴打」出黎，很是尷尬。