《高登獵殺遊戲》(情景題變講故 ): 怒打女人 侍女仲間

「你幾時見過唔猥瑣既我啫？」句號反問，我駁唔到。

「吓，咁你又講得岩噃，好似又真係未見過。但係…而家攪乜啫？」

「佢追殺我呀！」

「咁你頭先攪過乜黎丫？」

「我急丫嘛，咪搵公廁囉，有乜唔岩啫？」





「吓，咁…好似又係你岩噃，但係…唔岩唔岩，人地除左係公廁，仲係雞。」

「屙野落隻雞度有咩問題。」

「吓，又好似真係冇乜問題噃，駁唔到。」

「車，我仲以為你幾有正義感，幾咁唔猥瑣添，原來都係一樣，得把賤口，話人地Shiga係公廁係雞。」後面既侍女佢一邊抹住杯一邊話我。

我緊張起黎，立即轉身就回應佢：





「我真係唔猥瑣架，淨係鹹濕架咋。」

「你有咩證明丫？」侍女問。

「你咁得意既，想我證明我鹹濕？好啦，我準備好喇。」

我已經準備好祿山之爪，準備證明我係鹹濕，唔係猥瑣。

「哼，猥瑣。」





「喂！而家我俾人追殺呀！你唔理我喇？」句號佢阻住我地講野。

「你都戇嘟嘟既，你自己仲好打過我啦，你咪自己解決囉！」

「打人我識，打公廁我未試過丫嘛！」

「咁打雞呢？」

「都未打過啫。」

「兜心口用拳頭打埋去就得啦。」我教佢。

「哼，原來仲會出拳打女人添。」侍女佢鄙視我。

睇黎我唔可以再響侍女面前減分喇，所以我決定…





快步行左去條叫SHIGA既八婆面前…

「醜樣女人阻住我溝ABC丫嗱，仆街啦你！」我兜腳伸埋條八婆個心口度。

「Yeah！攪撚掂，食碗麵！」

個女人俾我伸左去母雷宮。

當我興高采烈另返轉面果陣…

侍女佢就唔見左喇，而我就只係淨返…

「句號，侍女呢？」一面漠然，我問。





「嘩，你頭先果腳精彩到丫…」

「我問侍女呀。」

「咪就係因為太精彩嚇走左佢囉，你打女人打得咁精彩，我真係要拜你為師。」

「拜師就免喇，不過你可以交返四粒膠俾我做學費。」

其實我講緊咩我都唔知喇，我淨係覺得侍女既離開，令我情緒好低落。

「Yeah！攪掂！出發！」

點知侍女佢竟然好開心咁揹住個袋行出黎咁講。

「咩出發呀？你有街去呀？俾男仔約左？」我見到佢已經好開心，我咁問。





「係呀，有男仔約！」

「吓！？咁我咪又冇行。」

「你係咪男仔丫？」佢咁問我。

「你講既男仔係我！？」我反問佢。

佢及頭。

「點解既？點解既？」我懶風騷咁問。

「九成九既男人都會因為要討好女人而唔打女人，我覺得呢D男人唔可靠，因為如果他日佢既對手係個靚女既話，咁邊個出手對付呀？仲點旨意佢保護我呀？所以…我一直就係等緊一個會打女人既男人！」侍女答得我好認真。





「好！我向你心口保證，丫唔好意思，講多左兩隻字，我向你保證…

以後我逢係女人都打！」我大大聲回應侍女。

「咁我呢？你都照打？」

「丫，咁呀，除左鍾意我既女人，以後所有女人我都照打！咁會唔會好D？」

「嘩，咁屈機既招數都有既，好啦，我就做住鍾意你既女人先啦。」

「哈哈，好呀。」

「喂，你兩條友理下我得唔得啫？」句號終於出聲問。

「等緊你問咋。」我回應佢。

「咁你而家仲搵唔搵你班濕鳩Friend呀？」句號再問。

「唔使嚧，我慳返四粒膠唔好。你拜我為師仲差多我四粒膠添。」

「你講真架？」

「假架！前面果句。」

之後，我就同句號加上侍女出發出去森林…

而家仲差一個車程 + 行返一段路 = 到達森林…

我地好快上左車…

響車上面…

侍女咁問︰

「你手上面隻錶咁靚既？邊度買架？」

「哈哈哈，唔使錢。」

講到呢度，我先記得返原來燎原火鳳一樣陪住我，難怪有份安全感啦…

不過，話時話，點解佢成日都唔出聲既？係唔係死左呀？

所以我敲左佢一下：「喂！火雞！你死左呀？」

「雕你老味！你就死左！仲好講，成日唔搵我！」火雞回應。

火雞發火，非同小可，所以…我啞左。