【江湖故】《響朵砵籣街》: 第三十九章
對這件事情感到奇怪的，可能就只有鬍鬚狗而已。
明明叫了朱偉去華仔的架步搗亂，為何朱偉最後卻返了大陸，還巧合地在大陸失了蹤。
當中必然是有古怪，而這件事一定跟華仔有關係。
鬍鬚狗怎樣也想不通箇中的原因，只好決定了要找華仔「打招呼」。
華仔殺了朱偉後，也擔心過鬍鬚狗會上來，所以叫多了幾位門生共同睇場。
就在某一天的晚上，樓梯間充滿了腳踏聲，華仔立即意識到事情不對勁，跟碎料良立即都手握著事先準備好的鐵通。
有一名臉上長著山羊鬚的男人，帶了幾十人過來華仔的架步。
站在那山羊鬚男人的左後方是潮州昌，右後方則是威哥。
從這樣的形勢就能看得出來，長著山羊鬚的男人就是鬍鬚狗。
這是華仔跟鬍鬚狗第一次的見面。
華仔終於見到鬍鬚狗的真面目，火頭裡的怒氣立即燒起來。面前的這個人就是將刀插進老爸身體中的人，面前這個就是殺父仇人，握著鐵通的手越握越緊。
鬍鬚狗見到華仔他們拿著鐵通，嬉皮笑臉舉起雙手作狀投降︰「WooWooWoo，上嚟打個招呼啫華哥仔，唔洗拿晒架生嘅。」
碎料良用鐵通指著鬍鬚狗︰「鬍鬚狗！你上嚟做咩？」
碎料良鐵通一指，鬍鬚狗的門生們馬上拿起架生，叮嚀噹噹，金屬的碰撞聲不斷響起。只是聽到聲音已經足夠讓人心寒膽怯。
鬍鬚狗雙手向下擺一擺，示意門生將武器放下。門生們馬上齊整地照做。
只是這兩個動作，已經讓人知道雙方的實力差距。華仔的門生多是剛加入的人，論默契、論人數，華仔亦不是對手。
華仔很想用手中的鐵通向鬍鬚狗刺過去。但相信還未刺過去時，自己已經會輸得很難看。
鬍鬚狗走到了華仔面前，潮州昌以及威哥緊緊跟隨︰「華哥仔，今日上嚟係有野請教吓你嘅。」
華仔︰「我好似同你唔係好熟，何況我只係一個後輩，教你野就唔敢當。」
「哈哈哈哈，有個問題我覺得你一定幫到我！我有個兄弟，佢叫朱偉，唔知你有無聽過呢？佢而家唔見咗，你又知唔知佢去咗邊啊？」
「你兄弟唔見咗走嚟問我咁攪笑？點解唔去差館報案啊？」
華仔沒有回答問題，鬍鬚狗馬上變得一臉不悅。
Evan見狀馬上搶話︰「大佬，我知朱偉係邊個啊。嗰日你唔喺到，佢係一個上嚟叫霸王雞嘅差佬嚟架。」
鬍鬚狗立即看著Evan說︰「你知佢喺邊？」
Evan回話︰「佢嗰日係有上嚟，然後拿張委任證出嚟話唔俾錢。大佬……對唔住……因為你又唔喺到，我又怕事，所以就無收佢錢，由佢走咗。」
鬍鬚狗繼續問︰「佢有無講啲咩？點解佢會返咗大陸？」
Evan說︰「佢點解要返大陸我就唔知，不過本來唔收佢錢佢都想攪事，但咁啱佢電話響，佢聽完個電話就好急咁走咗喇。」
鬍鬚狗沒有問到什麼，對Evan所說的話也半信半疑︰「屌你老母，鳩唔撚柒搭八！」
鬍鬚狗一發火，他的門生就進入了備戰狀態。
這時候樓梯間發出了一把響亮的聲音「行開！」
這一叫，樓梯間鬍鬚狗的門生馬上讓出了一條路。沿著那條路走上來的，正是肯德基和他的門生。
肯德基走進了華仔的架步，向鬍鬚狗說︰「狗仔，上嚟我個場攪事啊？」
「基仔，咁啱我有位兄弟上嚟哩個場玩，咁啱佢玩完又會返大陸，咁啱返到大陸又會唔見咗，你話個世界會唔會有咁撚多巧合吖嗱？」
「咁關我哋咩事？」
「基仔，說話唔係咁講喇，去完你個場唔見，好難話唔關你事喎。」
「講吓道理啦狗仔，佢喺大陸唔見，又關砵蘭街事？唔通佢坐飛機有空難又係我哋放炸彈啊？你咁嘅排場上嚟，係唔係掃場啊？定係開戰？」
「無，上嚟問清楚件事啫，你哋『話』唔知喏，咁未算囉，兄弟！我哋走！」鬍鬚狗向來搵錢至上，不必要的仗他並不想打。何況跟肯德基開戰，就算自己能贏，也要付出很大的代價。
鬍鬚狗就這樣帶著他的門生離去，肯德基就叫了華仔一齊進休息室說話。
「華仔，所謂嘅大佬，喺而家嚟講，其實只不過係老闆嘅另一種叫法。如果我人仲喺到，我可以呼風喚雨，鬍鬚狗亦會忌我三分。但當我走咗，就人走茶涼，無人再需要俾面我。」肯德基對華仔說。
「基叔，你講梗咩啊？」華仔問。
「基叔想話，我睇唔到你幾耐，你要學識自立。當我走咗，我嘅人唔係話你想用就可以用。人係有思想嘅，唔會話我交低一句叫佢哋幫你，佢哋就會幫你，所以你要有自己嘅人。始終，自己搵返嚟嘅人先係自己嘅。就好似碎料良同Evan，佢哋係好撐你，就好似頭先，如果唔係Evan send訊息俾我叫我過嚟，我又點會知你有麻煩呢。但係佢哋幾撐你都好，如果你叫佢哋去撐明叔嘅，我估佢哋都未必做到。」
「基叔，你講梗咩啊？咩走啊？我唔明啊？」
肯德基拍一拍華仔的肩膀，繼續說︰「基叔有病，隨時會走嘎啦。我最擔心嘅係你，就算見唔到鬍鬚狗死，我都想見到你大個仔，可以自己照顧自己。」
華仔突然聽到這樣的消息，無法掩飾心內的擔心及悲痛，眼眶中的眼淚失控地流著。
肯德基笑一笑，說︰「傻仔，唔洗喊。哩個世界邊有人係會唔病唔死吖？每個人都總有嗰日，無咩值得喊。基叔可以喺嗰日到之前見返你我已經好開心，俾基叔睇到你大個仔，俾基叔睇到你可以獨立就夠喇。
正如我頭先所講，我嘅人係留唔到俾你，你要自己努力啲，做大自己，收多啲靚。唔洗多到可以打贏鬍鬚狗，多到佢打你要付出代價就夠喇。」
華仔依然是止不住眼淚，基叔對於華仔，就像是親人一樣。這世界上唯一的長輩。
但正如肯德基所說，每個人都會病，每個人都會死，這是不能改變的事實。
在生命面前，人類或許只能無力地接受。