【江湖故】《響朵砵籣街》: 第三十二章

然後Evan走過去櫃檯細聲地對華仔說︰「嗱，其實呢我將Amy同Mary個樣特登化到幾似。如果你同人哋講佢哋係親姐妹應該都會信。我都係男人，平時都會睇AV咁，所以我覺得如果姐妹雙飛個價錢應該會幾唔錯。」
 
華仔聽到Evan的見解，再看一下Amy和Mary，果然看起來有點樣！
他覺得這個Evan是人才，不僅因為他的化妝技術，還有他的聰明醒目，華仔想將他留在身邊，所以對他說︰「Evan，話時話，你而家賣化妝品可以搵幾多錢一個月啊？」
 
Evan︰「都係二萬左右囉。」
 
華仔︰「加你一萬，以後跟我搵食點睇？買化妝品錢另計，個場搵到錢就再分花紅畀你。」
 
Evan本來只是想過來兼職，也沒有想到要轉工。但加了一萬的人工的確對於任何一個打工仔來說都是很吸引的。Evan現在的工作要是想加一萬人工，恐怕要再多做兩三年，升多兩次職才可以。




但正經人家也不想出入這些地方，所以Evan在思前想後，沒有回答。
 
華仔見到Evan的猶豫，繼續說︰「放心啦，我唔會代待薄你嘅。你只會係做化妝師嘅工作，唔會犯法嘅，如果你唔想喺哩到返工，我哋仲有個唐樓私竇，係平時食飯休息用嘅，你可以喺嗰到返工都得。後生仔，搵多一萬得一萬吖，做過真係唔啱嘅，早少少同我講，你可以辭職嘅。嘗試下無壞吖，反正化妝品sales應該幾時都請人啦，哩到真係做唔啱，到時再返去做囉。」
 
的確華仔說得沒錯，化妝品售貨員任何時候都在請人。Evan想做的，其實是化妝師。但自己的化妝技術都是自學的，沒有上個堂，沒有化妝界的學歷，讀書又只讀到中五，英文又不懂。
就算技術再好，沒有學歷的支撐也是很難見工的。只能平時接一些新娘化妝的兼職，一圓做化妝師的感覺。但Evan是正常男人，化妝的技巧也是男性向的，所以他的女客人也不算很滿意他化的妝。一直沒有發圍的機會。
或許這個真的是一個機會，起碼必然是一個搵錢的好機會。
 
Evan︰「咁啦，我試做一個月先得唔得？」
 




華仔︰「可以吖，到時你覺得OK嘅咪繼續做囉。」
 
Evan︰「好，不過講明先，我覺得唔OK嘅真係會唔做，希望你明白。」
 
華仔︰「明，我哋雖然係黑社會，但係做野都好均真嘅，唔信你問吓跟我做野嘅囡囡喇。」
 
Evan聽到華仔這樣說，立即向囡囡的方向看過去，只見囡囡都是微笑著點頭。或許這個人可以相信，如果不行的話再走吧。
Evan要先回公司辭職，大概要三個星期後才可以過來華仔的馬檻上班。
交代清楚後，Evan拿了當天的人工就回去了。
 




看見Evan走了，碎料良對華仔說︰「喂，華仔，哩條友係勁無錯，不過哩個價錢請佢啊，就算班女做足都可能會蝕啦！就算唔蝕，都一定唔會賺多左喎，你諗清楚未架？」
 
華仔︰「而家請佢緊係蝕啦，不過我哋三個星期後先請佢吖嗎！」
 
「有咩分別，條數咪都係咁計！」
 
「唔同！三個星期後我要個場唔止得五件駐場女！」
 
碎料良立即明白了華仔的意思，的確得到了Evan的技術後，任何質素的囡囡只要身材正常一點，Evan就可以將她們變成美女，就算不是美女，起碼也不會太醜。
而要找囡囡向來都不是一件難事，只是要找高質的囡囡才難。但現在可以不顧囡囡的樣貌，要增加駐場女，並不是什麼難事。
 
五位囡囡得到了Evan的化妝後，那天幾乎沒有坐過冷板凳，朱古力的生意更是五位中最強的一位，果真是排隊都有人屌的程度。而Amy跟Mary同姐妹丼的銷售方式也很理想。
這樣的成績令華仔對Evan更有信心，那天過後，華仔在這三星期的主要工作就是找注場女。
 
三星期過後，華仔已經找到了不少的注場女，但當然大部份都是需要「易容」才可以接受的囡囡。一個馬檻已經不夠華仔做生意了，只好在馬檻的附近再租一個單位開業。




馬檻的生意好，華仔的朵也慢慢為人認識，所以很快華仔也有自己的門生。