【江湖故】《響朵砵籣街》: 第七章
上校打開門裝冷靜，保持著一臉氣定神閒。
「咩風吹你嚟啊狗哥？」
說過話後，就轉個身獨自坐上沙發，沒有理會鬍鬚狗與他的門生。
「嘩！上校，咁好閒情逸緻啊？同老婆捉象棋啊？咁大蹝啊，你老婆出名功夫好，梗係日日都執幾擠啦，娶隻雞返嚟捉棋喎！邊有人好似你咁攪笑架！哈哈哈哈哈！」鬍鬚狗說完後自己在瘋狂大笑，其後門生們一齊陪笑。
一瞬間，房子中充滿著恥笑的笑聲。
以上校的江湖地位及身家，娶妓女做老婆必定聽過很多閒言閒語，好言相勸的有，借機暗諷的也有。但上校一向對人不錯，就是沒有人會直接的拿這事出來開玩笑，尤其這種玩笑，任每一個男人聽到也會火大。
「我同我老婆做乜關你撚事咩！狗仔，你有野就講，有屁就放！無正經野講嘅唔該你欄屍格路，我同你都無咩水好吹！」
「上校，唔洗咁躁喎。我份人係衰嘅，口直心快，有嗰句講嗰句，唔好介意。」
上校沒有回話，只是一肚氣的看著鬍鬚狗。
鬍鬚狗繼續說︰「好喇，笑就講完喇，講返正經野先。聽講你想吹雞同我講數喎。」
「係！」上校肯定地回答。
「你想講咩先，今日講埋囉。我份人好撚講道理嘅，啱聽嘅我實無問題！」
「好！我而家同你講道理。」上校將身子坐直，接著說︰「你一踏落嚟砵籣街嗰時，我就同你講過你要守返砵籣街嘅規矩。但係你就無理到，你咁做會攪死成條砵籣街架！而家好多間場嘅大哥都俾你攪到啲生意跌晒，你夾客又會嚇走啲正經人，夾中個三點水嘅兄弟可能又有交打，咁又何必呢？我哋啱啱先將砵籣街做起，俾你咁攪法，隨時會攪撚死砵籣街架。」
「屌，啲大哥唔識做生意點解唔問吓我啊？做生意唔係梗賺嘎啦，喂！而家佢哋生意跌入我數？無野吓話！最多我開班教學，教吓班大哥做生意喇！」
「你入得嚟砵籣街，就要跟返砵籣街規矩！」
「屌你老母啦！你話係就係啊！我鬍鬚狗洗撚跟你上校定嘅規矩啊？你估砵籣街你上校行撚晒啊？」
「咁無撚野傾！你走啦！」
「走？你估我會唔會俾機會你攪鳩我？」說罷，鬍鬚狗馬上亮出利器，一刀向上校的肚皮橫劈過去。上校沒料到鬍鬚狗會有此一著，上校知道早晚要跟鬍鬚狗兵戎相見，但就是想不起鬍鬚狗是那種會暗算的小人，結果這刀正中肚皮。
刀鋒很利，鬍鬚狗像是輕輕的在肚皮位置拉了一下，肚皮已經被深深割開。
中了一刀的上校瞠目結舌，繼續坐在沙發上，雙眼各下望想檢查傷口，已經發現傷口中的鮮血不停地流出來。然後那不知道是大腸還是小腸的內臟隨著傷口的鮮血一同流了出來。
「嘩哈哈哈！大佬，你把青好利喎！」旁邊一位金髮的年輕門生說。
「洗乜講，好撚貴架！」鬍鬚狗回話。
「大佬，而家做低咗哩隻野，威晒啦！砵籣街仲唔係我哋行晒？」另一位高大的門生說。
「呠你阿麼吖！正啊正啊正啊！大佬你頭先講佢老婆嗰啲野係唔係真架？」一位戴著眼鏡的門生說。
聽到這話，原本奄奄一息的上校立即抬起頭來。
「狗哥……狗哥……江湖事…禍…禍不及妻兒啊……」這時候的上校，已經沒有了任何江湖大哥應有的氣魄，只像一隻擺尾求饒的小狗。
「屌！放心喎校仔，我鬍鬚狗義薄雲天，江湖規矩點會唔識！我實會睇住阿嫂喎！我保證佢一定，一定咩嘩？大陸人最撚鍾意講嘅，性福啊！哈哈哈哈哈！我會令佢下半身好快樂架！哈哈哈哈！」
「我…屌你老母！」
「係咩？咁我都著數喎，我屌你老婆啊！哈哈哈哈！」
「鬍鬚狗……我唔撚會放過你……」
「嘩，我好撚驚啊，你點唔放過我啊？你用啲腸掉我啊？」
「我…我……」上校確實無言以對，已經是半個死人的他放出的狠話毫無殺傷力。
「的阿嫂走！」鬍鬚狗大叫一聲，門生馬上行動。
三個門生捉住華仔媽媽離開，她被帶離家門時，淚眼盈盈地看著上校。眼神中沒有半點責怪，只是一種痛心的眼神。
最後，她對上校笑了一笑，點了點頭。
「來生…再見…」上校對老婆說。
她臉上馬上出現幸福的表情。之後家門被關上，家中變得一片沈寂。
在櫃後的華仔，從聲音中就知道家裡發生了什麼事。
他蹲在櫃後，雙手拖著腿在默默的哭泣。
他恨自己沒能力救家人，恨自己像一個膽小鬼一樣只能瑟縮在櫃後顫抖。自己在櫃後苟且偷生，一牆之隔的父母卻已雙雙不幸。
華仔慢慢地打開櫃門，看見面前的父親，面前血流成河的父親。立即放聲痛哭。
「對唔住啊！爸！」
「傻仔……係爸對你唔住，我再照顧唔到你喇……你快啲打電話俾基叔，叫佢救媽媽……」
華仔馬上拿起父親的大哥大，打給肯德基，用最快的言語叫他救媽媽。
肯德基亦知道事態嚴重，馬上就掛了電話去行動了。
然後華仔再叫了救護車。
「爸！你頂住啊！我call咗白車，你會無事架！你仲要同我捉棋架！」
這時候上校已經面無血色，任誰看見過個樣子準會覺得沒救。
「仔…爸…頂唔住喇……你拿晒屋企嘅錢……哩埋……唔好俾人發現你係我個仔……基叔都未必保到你……唔好返學喇……一定要……生存落去……你無事……我同你媽媽…就最…最開心……」說完這句話，上校的眼睛慢慢地閉上。
「爸！爸！頂住啊！爸！應我啊！爸！」
任華仔再叫得聲嘶力竭，上校也沒有任何的反應了。