《男人多情而長情，女人專情而絕情》: 第二十一章
「哦，好啦。」佢狼吞虎嚥咁食，一定餓壞佢啦。
食完野，整裝待發之後，就出街街。
係佢屋企樓下再次感覺到毫華既感覺。
我之前都有黎過，但都係遠望，感覺無咁強烈。
加上當時既腦正係諗住康僑，依家就有另一種感覺。
咁聖誕節當日，由一起身就好溫馨咁直落夜晚。
行街睇戲食飯樣樣齊，當然荷包既負荷都好大。
康僑佢話不如佢都出D啦，我有心郁郁嫁。
你試諗下，佢屋企咁有錢，佢一個禮拜既零用錢等於我一個月既零用錢，甚至唔止嫁。
但我唔想，因為我係男人！
「我怕你之後無錢呀，我唔應該洗你D錢嫁。」佢一臉憂心咁同我講。
「你係我女朋友，我就想你享受更加多，呢D係我應份，更加係我自願，起碼我既付出你係知道既，識得珍惜。如果今日你係果D港女，覺得我俾係應份既話，我實會收返佢錢，但你唔係，所以我係自願既。」
「你係我身邊，只有一種可能，就係幸福既可能。」當時既我太天真，相信咁樣就可以俾到幸福，但其實我既能力只係好有限。
佢好大力咁攬住我，我感覺到幸福既重量。
係街上見到情人出雙入對，但我地都唔差俾佢地。
然後我地溫馨浪漫咁過左呢一日。
送完佢返去，我又自己慢慢行返去。
全日都無睇到手機既我，終於都拎部手機出黎睇。
因為我琴晚已經同呀媽講今日會夜返，所以佢都無打電話黎理過我。
我仲以為睇手機會咩都無，仲諗住等康僑wtsapp我。
點知一打開就見到差唔多成10個訊息，都係來自同一個人。
「你有無掛住我呀？」
「做咩唔應人姐？」
「喂，理下我好喎。」
「你係咪唔記得左我係邊個？」
「做個朋友都好呀。」
「有D禮貌好喎。」
「聖誕快樂呀。」
「你係咪咁忙呀？」
我wtsapp不嬲都唔較藍剔，唔會較咩上線時間。
我係iphone個螢幕度睇到佢斷斷續續既msg。
然後我又再收到佢既msg，不過都幾長下。
「我搵你係有野想同你講，我唔知你記唔記得我，我係KaKa，我想同你做個朋友，但估唔到你咁忙。我只係希望呢個聖誕節可以有人陪下我，傾下計咁都咁難。我知你想問我點解會有你電話，唔好問，你唔會估得到，但至少我無惡意。你有時間或者想覆我就覆啦。」
有女仔打一大段野俾我其實已經好好，康僑佢好少玩wtsapp，又點會打一大段野呀？
我wtsapp list除左康僑就無其他女仔，佢真係第二個。
我即刻開入去睇，見到佢仲online緊，有我既車黎啦，咁跟手上車揾位。
再開返個wtsapp既時候，佢就無再顯示online。
「做咩呀？」
佢即刻上線，仲typing，「終於得閒啦？」睇黎佢又係果D唔鐘意用表情符號既女仔，同康僑一樣。
我醒起佢係邊個，果次勁尷尬果個，我諗佢係對我有意思。
可能毒L既性格就係咁啦，鐘意FF，但呢一切都唔確定。
「你搵我咩事？」
「咁你記唔記得我係邊個？」其實坦白講，我對佢真係無咩好感。
「記得又點？」
「你好唔想同我傾計咩？」其實無表情符號都幾難猜測佢既語氣，你咪話唔辛苦呀真係。
「咁又唔係，只係做乜咁突然姐。」感覺到佢好似嬲嬲地，就淆啦，態度好返D先。
「自從果次船P，真係覺得你幾好人，有D掛住你，想識下你姐。」
哇，康僑都好少會話掛住我喔大佬，佢真係幾直接。
「都過左咁耐你依家先搵我？」點會咁易信佢呀？
「因為一直都搵唔到你個電話，所以...依家先搵你。」
「真係？」其實我覺得佢另有隱瞞，但我唔知咩事，個藉口有D問題，但又講唔出口。
「係呀，順便講聲聖誕快樂呀嘛。」
係唔係因為無藉口搵我，所以先拖到依家？
咁我又見佢好似真係無惡意，又無好似之前咁，咁激。
就成程車都陪佢吹水，吹到返屋企。
咁我又唔係無同康僑傾既，但佢都幾?下，所以就一早?左。
咁我真係當kaka係fd咁樣傾，但我完全唔知佢係咪當我係fd。
因為我一直都覺得佢對我有意思。
我認我當時真係幾Hi Hi下，就算真係咁樣，都無迴避下。
果陣時既我覺得，我唔係無市場，我都有女溝嫁。
我並無排斥同佢聯絡，成晚都同佢傾計，傾到凌晨。
「你無男朋友咩？」我好好奇佢呢d女仔點會無男朋友。
「無呀，愛情就係，你鐘意既人當你係草，你唔鐘意既人當你係寶。」
「咁你無人追咩？」我就唔信連追佢既人都無。
「無呀，邊有呀。」
「下？你睇落唔似喎。」似佢咁高級女神feel既女仔，身邊應該一大班狗公啦。
「Hi（無耐既表情-_-），成日都有人同我講呢恰，話我唔似無人溝，唔似會無男朋友，但真係無咩異性朋友。」
「咁你果日係船上咁多男仔，果d咩黎嫁？」
「果度咁多女，點輪到我呀？」
佢又講得有d道理，靚女原來都會無人追？
如果係我地學校度既話，一早俾班仔融左啦。
「咁你之前都無拍過拖呀？」如果係既話我真係跌曬眼鏡。
「係呀。」Oh shit，「但你係我第一個想主動接觸既異性。」
哇Hi，試問有邊個男仔聽到呢個會唔心郁郁？有無做出面同心郁係兩回事黎，好多男仔無做出面，但其實內心係有心郁郁過。
「你把口咁識講野既？估唔到你會咁樣講野。」我真係唔識俾反應佢。
「我講既都係真心嫁，我怕你唔理我。」
原來佢都幾著緊我，「點解會怕呀？」
跟住我就無覆佢，出一出手機畫面，係我同康僑既第一張合照。
本來我想碌下ig facebook既，但個思緒就停左係度。
其實康僑同kaka係唔同種類既人：
一個受到好多情傷；一個未經歷過愛情。
如果時間回到最初，康僑同KaKa都係初相識，有得簡，你會簡邊個？
半年後——
話咁快就過左半年，其實時間真係過得好快。
依家諗返起，好似琴日就係元旦咁，仲同緊康僑開開心心咁倒數。
而文西佢地就企係我地隔離羨慕。
半年之後，我同KaKa都有keep住聯絡。
而我同康僑都唔會睇大家手機，所以佢都唔知。
呢半年我同康僑都好穩定，感覺到開始由熱戀期入行磨合期。
最大既變化就係我。
呢半年，我留長左頭髮，亦有keep住同康僑去跑步，身上面既肥肉都變得結實。
亦同康僑行街行得多，識打扮好多。
我班上面D人都話我靚仔左，有自信左。
初時都唔係好信嫁，好謙虛，覺得邊會呀。
但時間耐左就覺得真係咁，自然就有左更加多自信。
我會開始唔係幾想同文西佢地聯絡。
覺得佢地既性格同我依家差好遠，佢地都唔會明我依家既感受嫁啦。
同佢地講點樣襯衫好D，佢地會講：「求其啦，何必要整到咁麻煩姐。」
後尾就覺得廢是強人所難啦，但打機都有keep住打既。
只係唔再好似以前咁咩都講。
原來感情都會好脆弱...
呢半年無咩點令我同康僑行得越黎越近，反而越行越遠......