我的爛Gag女友: 走上自己的分岔口

九月份, Year 2 Sem A 開始, 阿王積極地用盡所有方法去追尋他的巨乳女神, 而阿禮的每天都是被他女朋友所支配. 現在我們這個五人組合, 只剩下三人, 我, 敏兒和阿K.
 
因為我和敏兒的的主修不同, 所以一同上課的機會也變得比較少. 加上 Year 2 的科目, 不論在難度上和數量上都比Year 1 高, 我們的聚會變成多數是放假時間.
 
而因為成員缺小阿王和阿禮, 加上阿K又不可以做運動, 所以活動種類也相繼減少. 而淨下三個人, 最弊的事情就是三缺一.
 
時間差不多到中秋節, 記得往年, 我仍在為著嘉嘉和阿寶而煩惱, 到現在把一切都放下, 心如止水, 反而有種無所事事的空虛感覺. 突然想起頭文字D入面有一句說, 一個車手係唔需要女朋友架.
 
某個下午, 難得我們五人都齊集一起吃飯, 阿王提供了一個活動.
 




王: 泥緊中秋大家有咩攪呀?
 
禮: 都係陪女朋友啦.
 
我: 無喎
 
阿K, 無架我都.
 
敏兒: 約左班 friend 下晝去睇戲囉
 




王: 咁妳睇到幾點呀?
 
敏兒: 睇到五點半
 
王: 咁岩啦, 我想中秋節果日搵埋大家一齊去佐敦個菲樂登會燒野食, 到時我又叫埋阿琴去 (阿琴就係阿王個女神)
 
我們互相望望, 然後奸笑了一下
 
我: o我~~明晒, 咁你負責攪啦
 




王: 得啦, 大家明就得啦, 我會負責架啦, 大家到時出現就得啦.
 
禮: 咁我使唔使帶埋我條女去呀?
 
我: 帶埋囉, 見下面都好丫, 未見過.
 
不論阿王的目的如何, 在平淡的日子裡, 偶爾有些活動點綴一下也不錯.
 
到了中秋節那天, 街上的人都是成雙成對, 自己一個人在走著顯得有點古怪. 沒辦法,
 
阿王, 阿禮和自己的女神直接去等, 阿K又自行前往, 又是我要約敏兒在地鐵站等, 負責帶為她帶路.
 
她剛去看完電影過來, 穿著T Shirt, 牛仔褲, 都是很普通的裝束.
 
我: 又遲左十五分鐘呀妳, 搵次唔遲到得唔得呀粉皮




 
敏兒: 唉, 我都唔想架, 頭先套戲遲左開丫麻, 咁咪遲左走囉, 唔好講啦, 快d行啦
 
沿著彌敦道轉上去再往前走一會, 很快變到了菲樂登會的燒烤場.
 
見到阿王和阿琴, 阿禮和他的女友, 各自各卿卿我我的坐著, 留下阿K自己一人在燒野食.
 
一去到, 我和敏兒放下書包就去幫阿K手燒野食.
 
我: 咦, 我仲以為d 爐係一座座圍埋用叉燒果隻添, 原來係好似呢隻長方形爐用鐵鉗夾架咋?
 
K: 係囉, 我都唔知原來係咁
 
敏兒: 嘩, 你咁早泥一條友係度做孤獨老人咁燒, 好灰喎
 




K: 哈哈, 無計啦, 佢地忙緊呀麻
 
阿K好像有特別推介.
 
K: 阿月, 你試下食下呢度d 腸仔同雞翼丫
 
我: 好好食架?
 
他的樣貎越來越古惑.
 
K: 嘻, 你食左你就知架啦, 好野泥架.
 
我拿了一條燒好的腸仔吃入口, 然後望著敏兒:
 
我: 咦, ok喎, 幾好食喎真係, 妳都試番條丫




 
敏兒在看著我們兩人的臉上推敲著, 然後也拿了一條腸仔吃入口.
 
然後, 我們三人相看了一眼, 點點頭, 一同看過去正在溝得如火如荼的阿王和阿禮.
 
阿K把原先燒好的一大盤腸仔, 雞翼拿過去給阿王和阿禮他們四人.
 
K: 喂, 傾左咁耐都餓架啦, 食番d野先啦
 
我: 係囉, 唔好餓親呀, 試下d 野食丫, 唔錯架
 
敏兒: 係呀, 我頭先都一口氣食左幾隻雞翼同幾條腸仔.
 
我們三人再互相看一看, 點點頭.
 




我: 喂阿王, 第一次帶阿琴出泥, 拮條腸仔俾人食啦.
 
阿王輕聲細語地問阿琴.
 
王: 琴呀, 妳肚唔肚餓呀? 拮d 野泥食下丫.
 
阿王拮了兩隻雞翼和兩條腸仔在一隻碟上, 打算兩個人一起吃.
 
然後, 阿禮的女朋友看到這樣, 也要求阿禮也要拿多一點, 還拿起叉打算餵阿禮吃.
 
阿禮的女友叉起了一條腸, 放進阿禮的口. 阿禮吃下後眉頭緊鄒, 面色一沉.
 
阿禮的女友: 做咩呀? 我揀俾你食架喎, 好難食呀?
 
阿禮斜視著我們三人, 然後對女友說: 唔係, 妳拮既好好食.
 
阿王和阿琴兩人也將腸仔放入口, 而他們的反應是立即把腸仔吐出來.
 
王: d 腸仔好難食呀, 阿琴呀, 妳都唔好食啦.
 
琴: 吐….吐…吐… 係呀, 真係好難食, 第一次食過d 咁難食既腸仔咋.
 
K: 難食咩? 唔係丫, 我覺得ok呀, 可能咁岩你拮中果d 有問題呀, 不如試下d 雞翼丫.
 
敏兒: 係呀, d 雞翼好正架都, 無落可樂都有浸可樂味呀
 
阿王和阿琴再相信我們一次, 把雞翼放入口. 同樣情況, 把雞翼吐出來.
 
王: 妖, 你班仆街係咪玩野呀而家
 
我: 唉, 見你地唔得閒燒埋俾你地食都咁鬧我地, 無良心呀你
 
敏兒: 咪係
 
王: 咁有咩野食食得人架? 我地而家去拎返泥啦.
 
K: 我試過晒, 基本上得d 豬扒同牛扒係穩陣, 但係己經俾人拎晒, 我等緊佢補下轉, 又唔想晒左其他野食, 所以咪燒左佢俾你地食囉.
 
阿王語氣變得粗了.
 
王: 屌, 阿琴, 我地落去拎野食啦自己
 
阿禮的女友: 禮, 我餵俾你既點難食你都要食晒佢呀.
 
阿禮望望我們再指指他的碟, 我們三人同一時間將頭擰開, 睇唔見.
 
敏兒有個壞主意, 她提議玩一個遊戲, 就是玩show hand, 注碼是腸仔. 我相信, 這個是明相的挑戰後, 另一個新穎的玩命方法, 我接受了挑戰.
 
我們七個人, 一開始每人也燒好五條腸仔, 然後每局也拿一條放在枱中間的碟, 若果中途唔去的人就拿去當時枱上腸仔數量的一半, 到最後輸的人就要拿走當時枱上的腸仔. 因為不斷加注碼, 越後期唔去的人傷害最大. 而只要玩到有人手上沒有腸仔時遊戲就結束, 而其他人就要把自己手上的腸仔全吃掉.
 
第一鋪派牌, 阿王看看自己牌後, 嘴角上翹, 然後說: 兩條腸仔.
 
我看看手上的牌紅心J和紅心K, 也不算太差, 於是: 跟你兩條腸仔.
 
敏兒的樣子很呆滯, 沒有表情: 跟囉我都.
 
其他人都跟.
 
枱上玩在總共有21條腸仔. 見到堆得滿滿的碟, 大家都不敢輕言唔去.
 
然後, 派到第二隻, 我拿了一隻葵扇K, 剛好拼成一對K, 因為牌面今次是我比較大, 所以我就說: 晒你冷.
 
王: 屌, 咁快晒冷, 你好肚餓呀?
 
我微微笑著, 用堅定的眼神說: 你可以唔去架, 而家唔去都係食十七條半腸啫.
 
阿王看一看阿琴, 然後,
 
王: 去, 玩大佢囉.
 
禮: 我都去
 
敏兒: 跟你晒冷
 
K: 跟.
 
其他人也跟.
 
因為晒了冷, 餘下的牌就直接派至每人五隻.
 
我: 嗱, 開牌啦, 結果我只有一對K
 
阿禮有一對7, 阿K有三隻3, 敏兒有5俘, 阿禮女友有一對Q, 阿王有一對J而阿琴只有一副爛牌.
 
我: 阿琴, 幫妳唔到啦, 第一次出泥玩就要妳食咁大餐, 起筷啦
 
K: 阿王, 你做得人地好朋友就幫下人啦, 你忍心人地一個人食35條咁難食既腸咩?
 
敏兒: 咁又係呀, 如果有個男仔肯幫我頂左呢35條腸我實感動到即場嘴爆佢架.
 
王: 雕, 35咋下麻, 阿琴, 等我泥幫妳食.
 
眼見阿王吃到第12條時己經滿臉大汗, 還不斷以可樂送口.
 
阿琴此刻除了自己也在吃外, 還凝望著阿王替他抹汗.
 
我: 阿王, 真男人, 我撐你, 幫你包5條.
 
敏兒: 我都有d 肚餓, 幫你食d啦又
 
K: 我都幫下手啦.
 
最後, 其實都是由我們全部人一起吃, 雖然阿王吃得多一點. 我相信菲樂登會當天的腸仔銷情一定是比平常多幾倍
 
吃過腸仔後, 阿王和阿禮又再各自活動, 又再剩下我, 阿K和敏兒.
 
阿K開始講起鬼故來. 老實說, 他說的都是些我之前己經聽過的鬼故, 比如, 如月車站, 銅鑼灣狐狸雲石, 地鐵士林站, 彩虹站的鬼怪傳說等, 我沒有什麼感覺, 但敏兒則聽到抓著我的手臂, 越聽得耐, 還抓得越緊.
 
說完鬼故後, 阿琴提議大家來一張大合照. 我突然想起, 我們識了一年多好像也沒有一起拍過一張照片. 阿王原來為了溝女方便, 買了一部新相機, 這次算是派上用場.
 
大合照影完後, 大家也各自散去.
 
在大門口, 正當我也轉身離開時, 敏兒走上來拉拉我的衫尾.
 
我: 咩事呀?
 
敏兒: 阿月呀, 你, 可唔可以送我番屋企呀?
 
我: 送妳? 妳住邊呀?
 
敏兒裝瞪大眼, E起牙, 像銀行的基金經理一樣的笑容.
 
敏兒: 好近咋, 西貢咋
 
我: 嘩!! 西貢? 咁夜, 我送完妳點番屋企呀
 
敏兒眼神變成兩個倒轉的U, 扁起嘴.
 
敏兒: 我求下你啦, 你陪我番啦.
 
我想了一想, 然後奸笑.
 
我: 好, 不過妳爭我一餐飯
 
敏兒的表情又變得肯定起來.
 
敏兒: 一餐飯啫, 無問題
 
我們沿路行到巴士站, 晚間的陰暗街燈加上樹影顯得格外陰森.
 
我: 睇妳衰樣梗係頭先俾阿K d 鬼故嚇親啦.
 
敏兒雙眼向左轉去
 
敏兒: Er………..
 
我: 哈, 低B
 
上了巴士, 我們坐在上層, 我在看著窗外的路, 順便看看有沒有紅色小巴經過可以讓我待會走的時候坐.
 
可能是時間也比較夜, 十一時多, 敏兒在車上睡著了. 因為巴士搖晃的關係, 她的頭枕了在我的膞頭上. 我知道她很累, 所以沒有叫醒她.
 
此時, 突然有一浸夾雜著燒烤炭火味的幽香陣陣傳來, 原來是敏兒的髮香. 記得對上一次這麼近距離去嗅到女生的髮香己經是中學時代的嘉嘉了.
 
我在這超近距離去望望敏兒, 此刻突然間像驚醒起來, 原來平日被我當成是男人, 滿口爛gag和粗魯的敏兒, 樣子是這般甜美可人. 看上去, 就好像是個懷中的嬰兒一樣純潔無暇.
 
一直睡到總站, 我把敏兒拍醒, 她打了一個呵欠說: 到啦, 咁快既架車?
 
我: 妳訓左咪快囉.
 
我們一同行往敏兒所住的大廈樓下, 因為中秋節關係, 一時多還有些小朋友在玩燈籠.
 
我: 係喎, 之前聽妳講, 妳唔信拍拖, 唔信結婚, 點解既?
 
敏兒: o我, 無呀, 我好細個阿爸阿媽就離左婚, 由阿婆湊大, 所以我覺得, 男女關係好兒戲, 一d都信唔過.
 
我: 係呀, 所以妳一直都唔拍拖呀?
 
敏兒: 又唔係既, 係睇唔岩姐, 再唔係就睇中左人但係人地唔鐘意我
 
我: 原來女仔都會收卡架.
 
敏兒: 無喎, 我無收, 因為我從來都無開過聲
 
我: 咁若果有機會你會唔會拍拖呀?
 
敏兒低頭去想一想.
 
敏兒: Um, 睇下咩質素啦, 周杰倫既話ok 既.
 
我: 你鐘意周杰倫架? 佢唱歌呢呢 nur nur都唔知佢唱乜咁
 
敏兒用了一招怒目而視, 我即改口.
 
我: 其實周杰倫都唱得幾好, 佢d rap真係無得彈呀
 
敏兒: 係呢, 我到啦, 唔該晒你送我送泥呀
 
我: 唔使唔該, 妳記得我餐飯就得啦.
 
然後, 她入了大廈閘門上樓了. 幸好, 中秋節有通宵地鐵, 我坐通宵紅van到將軍澳就可以坐地鐵回家. 回家時己經十二點多, 真是攰死人.
 
很快, 又到了十一月, 因為阿王和阿禮都開始拍拖, 我們聚會變成只有我, 阿K和敏兒三人.
 
某星期五夜晚, 我們三人到南山村一間茶餐廳吃飯, 然後各自散水.
 
到了星期日的時候, 突然, 在早上六時十五分, 有一個電話打來把我從夢中驚醒. 找拿起電話一聽, 是一把語帶嗚咽的女人聲.
 
??: 喂………係….係咪阿月呀?