喪失人性的校園喪屍遊戲: 殺戮的開始

因為沒有上課，大約9點凱文與俊熙便回到太古的住宅，商討一些策略和準備武器。


他們馬不停蹄地在旺角匯合黃格和蕭樂炎。

為什麼要到旺角呢？因為旺角是瑞士軍刀和類似用品的必到地。


乘搭地鐵的時候，俊熙也不忘向紫寧報平安和詢問她們行程和進度。






說完了一些很肉麻的話便把電話收好。


俊熙臉上好像總是帶著一點憂傷。


身為死黨的凱文當然立刻詢問他究竟什麼事。

凱文擔心地問：「你冇野掛？係唔係感情上出左D問題啊？」





俊熙托著臉說：「呃，之前佢去左個留學團，其中一個團友同我講話佢鍾意左另一個，重錫左好多淡喎。」

凱文詫異地望向俊熙並說：「下？咁你唔同佢分手？」

俊熙搖搖頭：「我之前都做左D好唔應該嘅野，呢D算啦。」

凱文：「但係你同佢拍拖拍左成半年有多，你錫左佢幾多淡，拍左幾多次拖。講！」

俊熙：「呃，我諗加埋擁抱嘅話應該有十次左右掛。零次拖囉...」





凱文：「哦，唔怪得知次次問你去打波你都得閒啦，佢都唔陪你嘅。」

俊熙再搖搖頭：「ok 架，我冇咩問題喎... 係學校佢都有同我傾計，但係 I love you 呢七個字真係想佢講多D。」

凱文：「下，你咁易滿足嘅？真係難得你對佢咁忠心，睇唔出喎...」

俊熙：「唔玩啦，諗下一陣間要買D咩啦。」

這時俊熙又把筆記本拿出來，紀錄下需要的物質。

「物質：
～ 水樽x6
～ 軍刀x6
～ 潛水刀x 2




～ 對講機x 6
～ 充電器x 6
～ 資料夾x 6
～ 繩子x 6m
～ 電筒x 6
～ 武器？？」

俊熙扭頭望向凱文：「嗯，重有冇野我唔記得啊？」

凱文：「你認為要唔洗額外準備水同埋多D武器咩？」

俊熙：「唔洗，如果佢每兩個鐘頭先把三個人變成喪屍，咁一日最多都係36個人。我地學校暫時有11班，198個人。我先假設冇人會殺人，咁起碼要差唔多5日先能夠達成呢個目標。人冇食物能夠生存一個星期，但係冇水嘅話只能夠生存三日。」

凱文：「咁又點喎，佢淨係比水我地都冇用架。」





俊熙又搖搖頭說：「錯，第一，佢比得水，又用一D咁高技能同埋貴嘅科技來攪呢場咁嘅遊戲，一定會比武器。第二，如果我地全部坐在地下，唔互相殘殺嘅話，到最後會有21個人。無論點都好，呢場遊戲絕對唔會咁簡單。一定比武器我地去縮減人數。」

凱文詫異地瞪著俊熙說：「屌，呢D野你幾時諗架。」

俊熙：「唔難嘅，重有，我懷疑去到最後100人左右，佢地可能會轉個遊戲嘅模式，唔係嘅話，呢個遊戲會玩得太快。」

他們的列車剛到站，俊熙和凱文已經逼不及待地與玻璃門外的格和樂炎揮手。

一踏進鮮紅色的旺角站便看到遠處一位穿著一件紅色的T－shirt 和淺藍色外套的女孩，襯著黑色的短校裙。

把雪白的腿顯得更長，令人聯想到模特的魔鬼身材，及腰的黑髮在燈光下閃耀著。把俊熙的眼球像一個黑洞吸住了。


格向俊熙揮揮手說：「喂，俊熙，喂！」





炎嘆氣說：「你叫佢有鬼用咩。」

俊熙目不轉睛看著那個女孩說：「喂，我唔理你地講咁多，同我講佢係唔係晴遙遙。」

凱文點點頭說：「係啊，你中文都係同佢同班架，你唔係whatsapp左佢好耐咩？」

俊熙搖搖手指說：「係又點啊，我都係同佢傾下計之嘛，我冇一腳踏兩船喎。」

凱文叉著手說：「係鍾意人地就追啦... 不過佢好似有個男朋友喎。」


剛說完，已經看到俊熙光速地飄到遙遙旁邊。

俊熙甩了一下頭說：「早晨，你來呢到應該唔會係路過啊可？」





遙遙仔細地從俊熙的頭看到落腳：「你應該係陳俊熙啊？」

俊熙接著說：「Bingo，你中文堂笑個樣好cute。」

遙遙笑著說：「哈哈哈，多得你，中文堂先冇咁悶。你太好笑啦，whatsapp個陣都係咁好笑。你同你女朋友點啊？你上次同我講左留學團緊事之後就冇同我提佢嘅野喎。」

俊熙臉色一白，遙遙便知道她說錯了話。

遙遙立刻說：「Sorry啊，我冇心架。呃，咦，佢地係唔係你班friend啊？」

俊熙如釋重負地說：「係啊，係啊，你等我一陣，我介紹佢地比你。」

俊熙大喊：「凱文，過來啦，有位靚女想見你地喎。」

遙遙臉紅著扯著俊熙的衣袖：「喂啊，都唔係。」

俊熙大笑：「哈哈哈哈，都話左你係女神架啦，做得你條仔真係有福。」

遙遙臉紅著說：「呃，唔係架...」

凱文這時剛好慢步走到俊熙身旁，把遙遙仔細看清楚。

凱文奸笑：「咦，喂，你唔係鍾——！」

俊熙立刻把手封住凱文的嘴巴，令凱文說不下去

凱文奮力擺脫俊熙的手：「嗯，嗯，嗯！」

擺脫之後立刻一串粗口送來：「屌你啊，我話緊佢件衫啊，頂你個肺！仆街仔...好心冇好報。」

俊熙尷尬地道歉：「哦，唔好意思喎... 鬼叫你一行埋來就講埋呢D野喎。」

遙遙：「哈哈哈，你地真係好好笑啊。」

她的電話這時響了，原來是她的男朋友打給她。

隔住電話和一米多的距離也能夠聽到她男朋友的聲音，可想而知在遙遙的耳中有多大聲。

遙遙聽了一會兒，索性把電話關機了，一邊步向地鐵站的出口一邊與俊熙和凱文道歉和道別

遙遙轉頭說：「喂，聽日小心點啊，世界冇左你會冇咁好笑架。」

到了扶手電梯時，她回頭送了一個甜甜的微笑，電死了俊熙。

凱文見遙遙走開了邊激動地說：「屌你，又話唔鍾意人地。」

俊熙還陶醉在她的微笑，精神錯亂地回答：「鍾意人地咪鍾意囉，不過我真係鍾意紫寧啊。同埋話曬人地係埋一齊都幾耐架，唔好拆散人地啦。」

凱文：「呃，咁行得未啊，炎同格已經行左去，係7-11等緊我地啦，行啦。」

俊熙：「哦。」

在十二月冰冷的天氣下，經過兩小時已經慢慢地暖了起來。

大家在一間茶餐廳裡集合。讓大家看一下不同的戰利品和意外收穫。

大家的收穫：
炎把所有的“戰利品”都放在桌子上，說：「我有3把瑞士軍刀，10米長繩索，1把匕首，2部對講機，1個電筒，2個水瓶。」

格也模仿著炎，說：「2把瑞士軍刀，1把潛水刀，工具等等（錘子，螺絲批，超能膠），1個電筒。」

俊熙拋下他的戰利品：「2包乾糧，2把瑞士軍刀，3部對講機，1個電筒。」

凱文也接著說：「6個充電器，1把瑞士軍刀，1部對講機，2個電筒，2個水瓶。」

俊熙拍拍手說：「齊曬，休息一下，食少少野，之後去我屋企做少少研究。」

大家異口同聲地說：「好啊，你請。」

俊熙：「屌，唔係 AA制咩…」

大家奸笑：「鬼叫你同“女神”傾左咁耐，錄埋片啦！哈哈哈哈哈哈哈哈哈！」

俊熙無奈地把手放在頭頂：「得，得，得，我請，唔好share出去得唔得？」

凱文：「睇下我地食得開唔開心啦」

格這時冷靜地說：「其實我地應該收拾心情，聽日可能會死好多朋友，唔應該咁開心。」

俊熙：「嗯，講得有道理，一路食一路傾。」

格突然說了一句話，令大家都非常安靜：「其實我地好似咁安然接受，點解要咁？」



匆匆吃完午飯便乘搭港鐵回到太古，到俊熙家裡做研究。

除了做研究以外，他們也訂立了不少的戰略，俊熙也一直把資料紀錄在筆記本上。

現在筆記本已經有清晰的標記，標記著那一頁記錄了什麼和時間。

「筆記本 輸入第三篇
遊戲開始前。

各人的責任如下：

格：肌肉佬，軍事武器
炎：戰士，偵察兵
凱文：狙擊手，司令
俊熙：戰士，軍師
琪琪：分身，近身搏鬥
紫寧：護士，看護」



他們經過了一天其實也很累了，做了不少研究之後凱文提議留在俊熙家裡過夜，反正他家人去了旅遊，家裡沒人。


俊熙大力推了他們出門口：「今晚，你地一定唔可以留係我屋企。」

炎：「點解喎，我地有咩機會一齊玩喎。」

俊熙：「我唔理，著鞋走。」

格同意著俊熙的話：「唔，佢講得唔係冇道理，聽日見。」


俊熙安靜地把門關上便就寢了，臨睡時，一個輕微的震動挑起了他的好奇心。

電話的鈴聲還未傳到俊熙耳朵，便已經被接聽了。

來電顯示是遙遙。

一陣哭泣聲傳來了。俊熙默默地聽著。

遙遙的聲音動搖著問：「喂？係唔係俊熙啊？」

俊熙堅定地回答：「係啊，你冇咩啊？」

又一陣哭泣，俊熙慢慢地安慰著她：「唔緊要，唔緊要架，有咩事我都會陪在你身邊架。唔好喊啦，乖啦。」

等到她冷靜下來，把來龍去脈解釋清楚已經十一點多了。

原來她男朋友以這個遊戲想同她分手，而且還罵她。

俊熙：「嗯，已經好夜啦，聽日再打電話比你好唔好？」

遙遙：「嗯。好多謝你陪我，真係多謝你。」

俊熙：「呃，其實我一直有樣野想同你講嘅，呃。」

遙遙：「下，又話好夜咁重猶豫D咩啊？」

俊熙：「下，呃，其實我好鍾意你個朋友架。」

遙遙聲音中的失落誰也聽得出：「下，哦...關我咩事呢？」

俊熙：「你聽我講埋先啦，個個friend叫晴遙遙喎，你同佢講聲啦。」

遙遙笑了一聲：「咪玩野，冇可能啦。」

俊熙：「我講真架，呃，聽日再講啦。」

遙遙：「嗯，掰掰 俊熙。」

俊熙：「掰掰 遙遙 ….. BB。」

俊熙呆呆地望著電話，心裡盤算著明天的事。

他躺在床上面對天花板說：「唉，唔理啦，聽日先算啦。」