喪失人性的校園喪屍遊戲: 艱難的準備

大家終於回到班房的時候，確定了所有人都在時立刻把門關上。

然後再把目光投放到兩位班長手中的文件夾。

梁偉業和李記毫無猶豫地把文件夾交到黃格手中，黃格先向俊熙望了一眼，似乎是尋求他的意見和建議。

俊熙一點頭，黃格便從書包裡拿出工具包，黃格的死黨們好像一早就知道黃格書包裡有這些東西。

工具包裡有，錘子，迷你鋸，迷你電鑽，螺絲批，眼罩，手套，鉗子和萬能膠。





包羅萬有，那麼小的包裡竟然有那麼多的工具！

這時，麗珍剛回來，大步流星地走到俊熙旁，把另一個書包放在他手中。

麗珍上氣不接下氣地說：「又話唔多野？」

俊熙冷靜地回答：「你拿錯左啦... 算啦，裡面都有備份。多謝曬。」

麗珍：「唔洗唔該，你以前都幫左我唔少。」





俊熙：「唔講啦。格有咩料到。」

當大家都在休息和冷靜下來，黃格一直在研究文件夾的署名和可能的機關。

格：「嗯，署名係：“耶穌”，裡面能夠摸到有三個包裹，每個包裹大約三個信封，都唔係好厚。機關就應該冇啦，厚度唔容許有機關，重有..」

站在俊熙旁邊的凱文打斷了格的發言：「等陣先，如果每班有九個信封，係咪姐係要分組啊？如果唔係，咪有幾個人冇信封囉？」

大家聽到凱文的發言立刻站在自己朋友旁邊，害怕自己吃虧。





格點點頭說：「嗯，我諗你右邊個位已經諗到啦。」

俊熙已經拿了筆記本把所有的細節都寫下來。

筆記本裡寫下的包括：

「署名：「耶穌」 － 暗示著宗教嘅介入

校長死狀有好多疑點 －心臟被人打碎左，血應該唔會流的咁快，應該一早停左
血冇可能有咁多，地下有條管子連著個十字架，可能係運輸血液

如果係由子彈從前面打中身體，造成嘅洞應該比後面小好多，但係能夠見到屍體嘅洞前後均一
排除武器係槍，證明這個係有錢有勢嘅組織
武器可能是雷射光等等





疑點：
黑衣保鑣去左邊？
喇叭點樣監視班學生？
老師去撚曬邊度？
餐廳嘅物質重係唔係度？ ⭐ （重點）
食水乾唔乾淨？

三個包裹：平均一個包裹有六個人，三對人？

依家學校嘅人總共有：11 班 乘 18人 ＝ 198人 （33組）
“33” 似乎有宗教意義

我地班裡的危險人物包括：

籃球隊：蕭樂炎，梁偉業，馮麗珍，曾麗莎




田徑校隊：李記，馮麗珍
泳隊：馮麗珍，曾麗莎，呂振榮
肌肉佬：黃格，蕭樂炎。」

凱文看到密密麻麻的筆記，便意識到俊熙一直都在想下一步應該做什麼。

並且看不到自己名字在危險人物一列裡，是暗示跟他組隊還是對於自己的能力有質疑？

格拍了拍手：「嗯，大家退後，我準備打開個文件夾啦。」

大家頓時反對：「害死左我地咁點？」

梁偉業立刻回覆：「妖，都唔知你地驚咩撚。」

炎推著大家向後說：「聽左格講先啦，退後啦。」





大家靠在白板，似乎都很害怕文件夾裡的內容。

俊熙繼續站在格旁邊冷笑一聲：「你地怕咩？文件夾凱厚度唔夠做炸彈，如果放毒氣，門已經鎖左，一定死。如果係文件夾開嘅邊緣有毒，都係格死，都未輪到你地。怕咩？」

凱文點頭贊成：「而且格已經檢查過，怕咩？」

其中一位女同學麥珊珊冷靜下來問道：「你咩意思？門鎖左？點會啊？」

大家立刻點頭贊成，門一直都沒鎖，同學們也沒有到門的旁邊。

每間課室更是有兩扇門，前後一個門。

俊熙嘆氣道：「你地之前個個黑衣保鑣係我們進入教室個陣已經鎖左門喇... 麗珍係另一個門入來，佢一入來對門就鎖左啦。」





大家：「咩啊？！？！ 咁我地咪被人鎖左係度？」

炎搖搖頭說：「我就唔信囉。」

炎立刻到門邊去撞門，想利用肩膊去撞門。

喇叭這時候又發出聲音，大家立刻停下來去聽，連炎都把撞門的動作停下來。

喇叭：「我諗大家都發覺門已經鎖左係唔係？唔好緊張，如果你夠大力，你撞得開嘅。但係出面嘅 “朋友” 會射爆你個頭。冇錯，係你個頭。所以我非常唔建議大家去撞門。對於文件夾，嗯，其實冇咩野嘅，只不過係一個文件夾。真係喎，好安全架！聽日7:55係Main Hall集合，係咁多先。」

俊熙轉頭向格說：「開。快D，唔係佢地班死仔包又要傾一大排。」

格：「你來，我幫你頂住佢地。」

另一位男同學崔衛南喊著：「喂！邊個話比你開啊！」

俊熙搖搖頭，拋了一個空的文件夾給他說：「有冇遲D啊，開左啦，入面有9個信封，原來係咁。組隊。每個信封有六個空白的括號，睇來係自己分組，同埋有幾張說明書。唔係寫左好多野。」

俊熙停了下來，向凱文打了一個眼色便繼續讀下去。

俊熙：「張說明書寫左
歡迎來到喪失人性的喪屍遊戲，
規則：每兩個小時隨機抽3個人出來變成喪屍。
避免變成喪屍可以用提名機制，每殺一個喪屍可以得到一張提名卷，殺一個人可以得到三張提名卷。

組隊規則：先組成一對人，再跟另外兩班的一對人組成6個人一隊。
目標：成為最後生存的20人
遊戲明天開始。 祝你好運」

講完，便把說明書拋下，幾個不相信俊熙的同學便立刻跳到說明書旁。

讀了幾次，搓了搓眼，決定自己並沒有看錯。

課室裡安靜到每人的呼吸都能夠聽得一清二楚。

大家都不太夠膽移動，生怕一動便會被大家拋棄，畢竟班上很多人的體育能力很強，也有比較弱的。


俊熙率先打破安靜：「凱文，拿說明書同埋一個信封，走。」

凱文拿起他的書包：「嗯，格點？」

格也收拾好他的工具包：「冇問題，炎，我地走」

炎：「好，冇問題。」

俊熙：「凱文，我去組隊，你去拿野，拿我個書包去裝野。」

凱文：「好，2nd Hall 見」

凱文與俊熙分頭行動，務必爭取最多時間。

門外的黑衣保鑣一看到俊熙和凱文走近門後時，立刻打開門並且拿走黏在門邊的強力磁石


凱文與俊熙一離開，班房便陷入混亂，大家都希望與體力比較強的人組隊。而體育能力比較強的人都已經離開了。


俊熙先到9M1 和 9M2 的班房去拜訪女朋友許紫寧和游泳健將林琪琪招攬她們組隊，琪琪和紫寧想也沒想便同意了。


拉著他們到9B1和 9B2 的班房去找另外一對人，師尚和江山龍。


他們也是籃球隊的主力，體力極棒。

走上C Block 5樓的2nd Hall，凱文已經在那裡等待著他們。

師尚鄙視著他們：「嗯，呢個就係我地嘅隊？咁廢，唉，等我帶領你們去勝利吧。靠你地死左五萬年啦。」

江山龍開口反駁：「唔好咁講，俊熙同凱文都唔弱，而且琪琪的體力比我們可能更勝一籌添，睇下點先啦。」

紫寧剛想反駁師尚的想法，俊熙卻用手攔住紫寧，輕輕搖頭。

凱文：「嗯，今晚我地分開準備啦。」

山龍：「掰，聽日見。」

師尚：「嗯，一齊走。」

當他們兩終於走開了

紫寧轉身質問俊熙：「你明明好憎師尚架，點解你想同佢地組隊？」

俊熙聳了聳肩說：「我冇唸過同佢地組隊架，我只不過係買返個保險姐，你遲D會知架喇。」

凱文把信封拿出來。


看到凱文的動作，琪琪和紫寧也把她們的信封拿出來。

俊熙：「我諗裡面應該有D 唔同嘅提示。」

凱文：「開來睇下先。」

琪琪把她從教室裡拿的戒刀遞給凱文。

凱文一個流暢的動作便把兩封信戒開。

信裡的內容一樣。

但是，明天的早會之前，可以自由與其他隊“貿易”一對人，唯一條件，一定要跟隨著你的夥伴。

俊熙：「咁我地就趁機換走佢地啦。」

凱文：「我覺得冇問題。你地呢？」

琪琪：「冇所謂，睇下紫寧點睇囉。」

紫寧：「我十分贊成。」

俊熙：「ok，咁我去打幾個電話先。」

幾分鐘後，俊熙微笑著對他們說：「炎同格會幫我地準備一D軍械的資料，我同凱文就準備其他唔同資料，你地準備一D急救同物質資料。
今晚早D訓，每人準備一兩把瑞士軍刀，帶定幾支水就夠啦，帶多兩個袋。
同埋你認為要帶嘅就帶啦。係咁先，聽日見。凱文，我地走啦。」

琪琪和紫寧同一時間說：「哦，諗得咁周到嘅。好啦，聽日見啦。」