唔係掛！原來真係有鬼！－現代捉鬼故事: 外傳 - 命運的哀歌 - 10

少年最後的希望，都幻滅了。
沒有了軀殼的朋友，將他引到死神鐮刀的面前。
少年合起雙眼微笑，他沒有怪自己的好友，
因為一來，少年認為這是填命，而另一方面，始終黃泉路上有個伴，
一切也來得比孤單上路好。

「志堅！」一隻粗獷的手將少年緊緊捉住，
只要這隻手的主人遲一秒到達，少年將直飛地下操場，踏上不歸路。

「你做乜呀！」手臂的主人，正是當天前來擔訪的其中一位教友。





「係Owen 呀...佢返左黎呀...」少年一邊哭，一面回答。
「佢覺得一個人好悶...想我去陪佢呀...」

「Owen 已經返左天家架喇。」男人身後亦開始出現其他教友，
當中少年的父母也在場。
少年的母親見到兒子差點走進鬼門關，也忍不住哭起上來。
「你唔好咁啦仔,你唔好嚇阿媽呀。」
「阿仔，你朋友已經返左天家架喇，你係唔會見到佢架。」少年的父母說。





「我真係見到佢架。」少年忍住眼淚，跟眼前的一眾教友說。

「O個係個魔鬼！你唔好比佢呃呀！」

「你都見架！魔鬼試探緊你呀！你要堅定呀！」

教友你一言我一語，每一句都是否定少年雙眼所見之物。

「志堅，魔鬼O係度誘惑緊你，你要相信你既神呀。」牧師說。





「夠喇！」少年大叫。
「點解你地唔可以信下我O者！上次又係咁，今次又係咁！就係冇人信我見到Owen，冇人信我見到鬼！」少年對著眼前一眾教友狂吼。

牧師拍拍少年的雙親，並邀請了兩位到牧師的工作間入面討論少年的事。

「精神病院？？」少年母親激動地叫了出來，
叫聲響遍整層建築物。

「陳太，你諗下，今日好彩就叫救得番你個仔，如果下次佢再有幻覺，發生咩意外，真係冇人救到佢。醫院就唔同，有護士可以24小時睇住佢，你諗下，如果你地兩位都去左返工，志堅有乜事咁點算？」牧師眼見少年出現幻覺，亦得知少年家人並沒有甚麼閒錢，故大膽提議先將少年轉交精神科醫院，讓醫生想出對應的方法。

「但係有精神料病歷，佢唔會有將來架！」母親激動的說。

「我明，但係我地一班教友都唔想志堅有事。」

少年母親以淚洗面，一方面不想少年成為未來被歧視的一群，另一方面亦怕自己一時疏忽，令少年比自己早踏上黃泉路，白頭人送黑頭人。





「我唔知，我唔知呀。」少年母親緊緊依偎著她的丈夫。

「我地考慮下啦。」少年父親伸出右手向牧師握手，
以感謝牧師提供的意見。

「咁你地有咩再通知我啦。」牧師回應道。