唔係掛！原來真係有鬼！－現代捉鬼故事: 第五章 - 供與求 - 10

「再黎就係呢件外套喇！佢冬暖夏涼，乾爽又透氣，最重要係，佢既質地同nike 既DRI-FIT 一樣，秒速排汗兼防漏！」金仔依家似介紹衛生巾多於介紹外套。

「應該...唔止咁架可？」我望住呢件NIKE SHOP 都有得賣既外套，不禁一問。

「當然啦！呢件野最重要係....拿拿拿你戴番呢個眼鏡先。」金仔將眼鏡塞番比我。
「見唔見到呀？」

我戴上靈視眼鏡，定睛一望，發現外套竟然散發住一鼓淡淡既紅色光茫，
就如當日O係達德時中女校長所發出既光一樣令人不安。





「呢件野最架勢就係可以防禦到你自己既身體，以免被靈能者對你做成直接傷害，即係簡單Ｄ講靈界避彈衣。仲有呀！呢件野係我自己私伙，跟足哥哥O係槍王o個件整架！所以你睇下，係唔係特別型先！」金仔拎起外套左揚右揚，對呢件外套似乎有種難捨難離既感覺。

我拎起盒入面最引起我興趣既野－四色bb彈。
「咁呢四包呢？咩黎架？」我拎起4包用小型密實袋裝住既bb彈，
每一包都好似睇病既時候，醫生所開既藥丸袋咁細包。一包銀色，一包藍色，一包白色，同一包粉紫色。每包bb彈大約60~80粒，將每一個藥丸袋都塞得差ｄ爆出黎。

「嘿嘿嘿！終於到左呢個套裝既戲肉！你都係個新仔，我唔知阿cloud有冇同你講過，不過我都不厭其煩講一講。所謂捉鬼，其實分三個方法；第一，亦都係你地公司最常用既方法，就係將靈體送番屬於佢地既地方；第二就係將佢地封印o係唔同既物品入面，收為己用；第三，亦都係ｄ老屎忽最鍾意既方法。」金仔講到呢度停左落黎。

「咁即係咩方法呀？」我追問道。





「人地都講左封印同送佢走，最後一樣野緊係將佢打到魂飛魄散啦。」師傅o係我身邊講。
金仔雙眉一皺，只係點點頭作同意。

「好喇！不如講下呢幾包野點用啦！我講一次架咋，你一定要好好記住，不過唔work你都唔會返黎要我退貨架喇，因為如果你用錯子彈的話，你都多數會去左賣咸鴨蛋。我地用bb彈係因為可以容易收埋，如果你用真正既子彈，配合唔同既彈頭，一樣做到呢個效果，不過比差佬捉到就唔同講法喇。」

金仔拎起銀色既彈，「呢包係純銀子彈，多謝係對付d 『野蠻』既人，不過我諗你短期內都冇乜機會用到，不過我建議你長期都load 一隻入左銀彈既夾o係鎗入面，因為 ｏ個ｄ『野蠻既敵人』速度好快，到你見到佢先黎入夾你就死硬。第二種白色，糯米彈。唔知你有冇睇過中國僵屍片，糯米可以去屍毒，亦可以阻慢僵屍既活動。僵屍即係死左之後，靈魂留o係肉身既怪物。可能你話僵屍唔係行得好慢既咩？錯！因為所有死唔曬既屍體，我地都會叫佢做僵屍，如果你想知僵屍既行動速度係點，你可以睇下鬼佬o個套廿八週後，包你有全新體驗。不過唯一同戲入面既喪屍唔同既就係佢咬完你，你唔會再有足夠既氣力走得甩，因為屍毒一o係體內蔓延，人既血氣就會受阻，到時你就算想走都走唔到。」

我聽到呢度不禁打左個冷震，我望一望我個肚腩，睇黎我都真係要去減下肥，操番下先搞得掂，否則他日我遇到僵屍，我亦只有變成『家明』既份兒。

「仲有呢包，我諗你會幾常用架喇，狙魂彈。」金仔拎起盒入面一包天藍色既bb彈。每粒藍色既bb彈都晶瑩剔透，好似一粒粒藍色既水珠一樣。




「狙魂彈顧名思義就係專攻靈體，記住，靈體既弱點係眉心輪，即係兩條眉中間既位，一打中佢就一定比你打散架喇，如果你要收佢，你就打佢其他位置，對佢做成一定傷害之後，再用封魔既用品封佢入去。打其他位一樣可以打散靈體，只係唔一定死咁解o者。封魔用品點用就等你師傅教你喇，我ｄ咒好長，唔係個個o岩。」

我望一望師傅，師傅亦起身伸一個懶腰。

「封魔就即係將鬼收為己用，他朝有一日都多個照應丫嘛。封魔就係我地每個工作差唔多最尾既一環，拿！計我話，乜都假，最緊要型！」師傅將盒入面既bicycle 啤牌以純熟既手法開封。姆指向開口一界，「啪」一聲，啤牌已經去到師傅手上。師傅將牌盒如同一個煙民將已經食到一支都冇剩既煙盒以同一方法拋開，用左手輕輕一捽，以右手作輔助，啤牌已開成為扇形。

師傅以右手抽出其中一隻啤牌。
「心諗住呢一隻牌會變成一個巨型既旋渦，之後飛向你要收既目標。」右手食指及中指夾住啤牌，右手收向心口，一瞬間將右手以極高速將啤牌向前飛出去。
啤牌直插入師傅同我面前既牆壁之中。

「當擊中之後，大叫一聲 『收！』，即刻搞掂。」

我即時跑左去插住啤牌既牆身，啤牌其中一隻角直插入示屎牆入面，我睇到眼都突埋。
我用雙手對啤牌拉出黎，但係石屎牆將單牌卡得好實，我用力一扯，啤牌隨即斷成兩邊。「你練多ｄ都得架，唔駛咁驚。」金仔見到我既樣，笑笑咁話。





「係喎，咁粉紫色o個包bb彈呢？」我追問金仔。
「o個包比你去打wargame架咋，日本制，25gram彈，哈哈。我呢批彈放入普通bb彈鎗就ok架喇，
睇左你老豆份上，槍架上面，隨你拎走一把。」金仔指一指我入門口時經過既槍架。