唔係掛！原來真係有鬼！－現代捉鬼故事: 第四章－達德行－25

「煙？」係喇！
我拎出三支煙，以收ｏ係煙盒入面既火機立即點著佢。
我對住煙咀吸左一淡。

「咳．．咳．．．」
Smoky 既煙唔係聞落係中藥味，
原來吸落都係中藥味！

我拎住三支點著左既煙，
跑到女鬼面前。





「對唔住！係我地細路仔唔識世界！」
古時個個都係拎住3支香去拜神，今日有我3支煙求鬼。
相信日後我一定可以名留清史。

「哈哈哈！」女鬼見我拎住三支清香，呀唔係，
三支香煙，忍唔住抱腹大笑。
無吹水，真係抱腹，真係大笑。

同時女鬼亦放開左Smoky。




Smoky 應聲好似大文豪既玻璃杯咁，
突然發現，佢比平時既姿態更美。

「做乜呀你！」Smoky 用手輕輕對頭先女鬼所鉗住既位置輕輕按摩。

「我見平時d人拜神都係拎三支香架嘛！」睇黎我既小聰明完全理解錯Smoky 既意思。Smoky報以一個睇我唔起既眼神。
我雙搏向上輕輕一戚，以一個無知既表情以作點報。

「咁點呀，呢３支野！唔通走埋去辣佢呀？」





「你可以試下既！不過我唔會囉！」我同Smoky 一邊走返去教員檯位置，
一邊講。

「認真啦！佢埋緊黎喇！」我望住Smoky，
佢慾言又止，面上更掛住好似要同男朋友講，佢有左bb而又未滿16歲少女既難堪表情。
「喂呀！」我大喝一句。

「呀！你吸一啖之後拎煙噴佢啦！」

「你仲玩！！！」我聽到呢個答案，我真係紅都面曬。
如果煙可以捉到鬼，咁我都可以變肥佬黎。
 「我講真架！你吸一啖，之後對住女鬼噴佢塊面！」

「哈哈哈哈！你兩個壞學生真係就黎笑死我！」女鬼已如箭在弦，高速向我地飄過黎。