唔係掛！原來真係有鬼！－現代捉鬼故事: 第四章－達德行－22

Smoky 坐左o係我身邊，
我地兩個呆呆咁坐左o係教師檯上面，彷彿兩個等緊行刑既死刑犯。
如果死之前有最後一個願望，之前我會諗不如比我啪啪啪左Smoky。
不過諗一諗，依家分分鐘得番幾十秒，我唔想比咁多人見到我既大炮，
死之前既人係唔會講大話，所以我真係大炮黎。

依家你問我，我只係想望多我身邊既人三兩秒。

Smoky 挨左落我度，點起同佢形影不離既香煙。





「你食少支唔得既咩？」我問。

「一陣都唔知會發生咩事，依家唔食，可能冇得食架喇！」

依家我只係想食個吉野家既牛肉飯，
我諗死左之後，下面應該唔會有得食，
因為聽講鬼係怕牛，所以先有牛頭馬面。

你邊估到平時最鍾意食既毒男恩物會成為自己既剋星，
真係諗起都好笑。





我打開背囊，睇下上星期阿信屋既戰利品入面有冇ｄ乜野係可以有資格成為我人生最後一餐。

芝士條、蝦片、綠茶味melty kiss....仆你個街我個初吻仲o係度呀！
見到盒Melty Kiss，我不禁有些少眼濕濕。

仲有支放左成個星期既午後紅茶，
唔知點解我諗起周星馳既回魂夜。
「捉鬼用保鮮紙！」





背囊既底仲有個小小既黑布袋。

布袋係我之前自己上網訂，
上面有個六芒星圖案，咩意大利聖甲蟲，
一個袋仔收Q我幾舊水。
話係塔羅牌專用袋，早知拎黎買個DOM ，依家都仲可能有Ｄ用。

我拎左我Ｄ牌出黎，一張一張咁睇。
好既方面睇，如果唔係佢地，我同Smoky 都冇可能認識。

我隨意cut 左一下牌，幫自己卜下一陣有咩會發生o係自己身上。

死神。
嘿，估唔到個天去到咁盡。





我就拎走隻死神，
你夠膽就比多隻”巨塔”我。

女皇。

女皇....死神.....我拎住呢兩隻牌，
連解牌既心情都已經冇。

我低頭望住頭先比我飛左出去既六芒星袋．．．

「！」

我用搏頭撞撞Smoky，示意佢起身，

「我有計！可能過到骨！」