唔係掛！原來真係有鬼！－現代捉鬼故事: 第四章－達德行－21

「如果死唔去，唔該你減肥...」我扶住肥榮其中一隻手，以搏頭之力將佢扶起。

「我幫你啦。」我抬頭一望，原係Yan，
三小花亦無走到。

「你唔係要走既咩？」

「走乜鬼丫，佢地封埋另一條樓梯喇。」

我地扶起左肥榮，準備入其中一間班房。




「呢度門鎖左呀，我地由課室尾既門入去啦！」
Hidy 試著打開課室既前門，不果。

我地一行七人走到入班房既入面，
本能驅使我地走到房既最入之處，
亦即係老師檯既位置。

「點算呀？？？」
「我點知點o者！」
「我唔想死住呀！」




「我一早話左唔黎架啦！」

埋怨聲此起彼落。
我細個睇過好多鬼片，呢ｄ都係典型既對白。

我坐左o係檯上面，攬住自己既背囊。
我望住Smoky，笑左笑。
回想番過去廿二年半，係呢半年先叫正正式式享受下人生，
我冇覺得驚，原來當一個人因為放棄左希望之後，
會咁安寧。





明知會發生既，就由佢發生。

我望住大家既表情，唔知點解呢一刻覺得有d可笑。
呢個結果，係大家入黎之前想要既，依家又咁驚有乜意思呢。

「真係好煩...」我用幻術令佢地一個一個咁訓著。
或者，呢個就係我可以為大家做既最後一樣野。

首先係...Yan。

「啪。」Yan 成個人好似冇左支點既扯線公仔，
突然訓左o係地下。

「Yan 你做乜...」Hidy 未問完佢就已經冇出聲，




因為佢係第二個。

之後Phoebe、肥榮、Bella....
最後...係Smoky。

最起碼，我想望多佢兩眼，比自己了多個心願。

Smoky 望住我。
佢知我做左ｄ乜。

我地冇講再見，亦冇任何道別既方式。

「咦？」Smoky對我既幻術完全冇反應。
算啦，可能係我太累，
已經冇能力再去整訓多一個人。