唔係掛！原來真係有鬼！－現代捉鬼故事: 第四章－達德行－9

「......到喇。」眾人既目光都停留O係大門之上。

「呼。」Yan 深呼吸一下，
之後上前行埋鐵閘。

「er.....」 鐵閘門被輕輕推開，好似招呼我地入去一樣。
如果樂觀d咁講，呢度門都keep 得幾好，起碼yan 細細力已經將門打開左。

Yan 掉轉頭望一望我地。
似乎佢都被咁易打開既鐵閘嚇到。





「冇事既！你睇度門咁易開，就知佢應該有人keep住打理啦。」Bella 固作鎮定回答。
「咁又係呀！如果唔係度門....呀！！！」肥榮突然大叫出黎。佢本身想幫佢既觀音娘娘黎個唱雙黃，順便幫自己壯膽，但係試問我又點會比佢計劃可以成功呢？

「咩事呀你？無啦啦大叫！」
「想嚇死人咩！」Hidy 同 Phoebe 一聽到肥榮大叫，急忙另轉頭，睇下肥榮到低發生咩事。

「有人摸我呀....好似....後面....」肥榮被嚇得語無論次。
大家亦向肥榮身後望。





「無野喎！你係咪玩野呀？」自命最大膽既Yan 特登走到肥榮背後，圍視四圍有無可疑既人，又或者係其他野。

「下....咁可能係我feel 錯掛。」

「超！」大家異口同聲發洩對肥榮既不滿，除左Smoky。

老實講，Yan 又點會搵到係乜野整肥榮丫，因為幻術根本就冇實體。
Smoky 狠狠咁望住我，示意我唔好再搞惡作劇。

我咀角一戚，見到肥榮受驚既樣，我真係有少少難掩我心中既喜悅。




由day one 大家認識開始，我已經唔係咁鍾意佢。可能係因為佢做兵個樣實在太衰，更可能既係因為第一句出自佢把口，而又同我有關既說話就正正係取笑我既說話。
好多人都話：方丈好少氣。我諗講呢句說話既人，應該未見識過我。

「冇事呀，可能你太緊張o者」我拍一拍肥榮搏頭，對佢笑一笑。
佢冇回應，只係點一點頭。或者今次我真係嚇得佢太勁。

「咁行架喇！」Yan 再次擔任領隊。
鐵閘頭先已經打開，我地一行七人亦一個一個咁行入去。