唔係掛！原來真係有鬼！－現代捉鬼故事: 第三章－不平凡的開始－14

「喂，放得手未呀，我冷靜左喇。」Smoky 一直比我拉住，唔覺唔覺已經行到差唔多兆萬。

「oh...sorry。」頭先只係一路想走，我都唔知行左去邊。
更唔好話唔記得放手。

唔好話我老土又剩，當你廿二歲人都未掂過女仔既手，你根本唔會知我頭先伸手拉佢走我係要付出幾多勇氣！
不過人地開到聲，我都係乖乖地做番小毒男啦。
 終於去到麥當當。今次呢段路真係我人生最長既一段路。
七點都未到，要搵位都唔難，
除左ｄ坐ｏ係度玩ｄ唔知咩card game 既人之外，都真係得d阿公阿婆。





我揀左個近counter 既位。
「不如坐o個邊啦。」我指住個counter o個邊。

mk妹哄埋我耳邊，細細聲咁同我講：
「緊係坐mc cafe 啦傻佬，冇咁多大陸人。」

「得既咩？！我冇錢食mc cafe　喎！」唔係講笑，我如果買杯latte，
我就真係要行路番屋企。





「得啦，跟住我黎啦！」

我一直都以為mc cafe 只可以比有錢既中產坐，
原來只要我買個魚柳bell chan，一樣可以做中產。

「我去買啦。」Smoky o係我想起身之前已經開左聲。
第一次同女仔去食飯，就人地幫我買，冇得顯示自己既男性魅力同風度，真係可惜。

「麥樂雞餐，改粟米，飲朱古力奶昔。」食麥當當可能你話我咁樣好煩，
但當你上網睇過麥當當記錄片，放個幾月，甚至係一年都唔變質，你都可能唔敢再食。





「仲飲奶昔？仲細咩，飲其他啦！」Smoky聽到我話飲奶昔，佢面色都轉埋。
飲奶昔好失禮咩？不過算啦，小毒男又點會有勇氣同一個女性o係個公眾場合理論。

「咁...是旦啦。」我打開我個銀包，拎左張100蚊出黎，遞左比Smoky。

「好野！有人請！」Smoky 一手搶左張100蚊紙。
唉，我今個月真係冇幾多剩喇死港女！

Smoky 拎左錢之後就跳跳扎扎咁彈左出去，
可惜佢係背住我，如果唔係以佢既身型，都可以有d野睇。 [bouncer] [bouncer]

估唔到我人生第一次同女仔單獨去街，
竟然係同一個認識左唔夠3個鐘既女仔，都算！仲要係去食老麥。
或者有人會同我講 『恭喜你啦阿俊！你搵到個肯同你食M記既女人啦。』






「唉。」
我忍唔住嘆左一口氣。
當一個男人連去食麥當當食乜餐既自由都冇既時候，你都唔期待你未來有乜自由。

講到咁遠做乜，人地只係見我一個小毒男咁慘，先一齊食個飯。

與其諗女朋友，不如諗一陣搵邊個陪我仲好啦。
希志好似出左新片，今晚等我同佢聚一聚舊先。