唔係掛！原來真係有鬼！－現代捉鬼故事: 第三章－不平凡的開始－5

其實唔駛問都知，占卜呢味野，
會去上堂既都係D無知婦孺，
最起碼我以前係咁諗。

十幾分鐘其實睇住FACEBook 真係好易過。

終於到5點，亦係”上堂”既時間。
班房入面，都仲係得我一個。

正諗住開隻手機app出黎打多陣機既時候




一個打扮到花枝招展既女仔，行左入黎。
咁當然後面有一個唔知應該叫佢做賓仔好，定一話叫佢做兵長好既小毒男。
如果做觀音兵都有限制身型的話，我諗呢個肥仔一定入唔到伍。

呢個情境真係有少少諗番以前當兵既日子。
算，閒事莫理。

之後登場既就有八婆姐妹花，
唔係，應該叫佢地做姐妹團先o岩。
一入黎就用一把高八度既聲扮曬同你friend 同你say hi，




之後三個八婆繼續高談闊論頭先去左邊度hi tea，下次要去邊食甜品buffet 咁。
呢個時候我終於明發哥咁有型既男人，都會講出 『不如一鎗打死我』呢句對白。
依家真係感同身受。

6個人，老師眼中6隻小肥羊。
上完呢個course 人造人18號又可以去多轉韓國再執執。
「睇下先，」日頭真係唔好講人，18號話口未完就入番黎。

「一、二、三....」 我幫你數啦，
１２３４５６，6個呀！上堂啦老板！5點4喇！




我坐左o係呢個班房已經50分鐘，可以煮左幾個營多食埋洗完碗，
分分鐘連隻碗都吹乾埋喇！

「仲差一位同學~咁我頭先都打左比佢，佢行緊過黎架喇~請各位等多陣啦。」
得喇，18號，呢度冇你既事，不如你o係我變超級西面人之前o係我眼前消失啦。