唔係掛！原來真係有鬼！－現代捉鬼故事: 第二章－爸爸－4

白痴都知唔會有事，如果唔係單計朗豪坊每日發生既命案絕對夠寫到一份內容比文匯報更充實、更有香港味道既報紙。

『三十八樓。』 得罪講句，如果農歷七月要我坐呢架lift 我真係打死都唔會坐，
電梯入面報層數o個把聲真係連Google 姐姐都有感情過佢。

出lift 右邊一直行，之後再經過長長既走廊，
老豆既步伐唔知幾時開始平時麻甩型八字腳咁行，
變到好似Fashion Show d Model 咁行。
如果地下突然變到得番一條木條，好似平衝木咁比我老豆行，我亦相信佢唔會跌落街。





走廊既盡頭，有一間白色為主調既office，
隔住玻璃門我都大約見到Office 門口有d乜。

大大隻logo O係牆身，牆前面有個小小既Counter。
Reception 姐姐 以依家港女型abc 打扮，
一頭啡長髮，大wave，91分界...我都唔知佢算唔算係界，
加埋副黑粗框膠眼鏡。

老豆ｏ係佢褲袋拎左佢個皮製証件套出黎，
以前我成日覺得佢呢個套真係作狀到核爆，




又或者我應該老實同老豆講：

「老豆其實我對你之前有少少誤會。」

「Do – do」機構提示聲音提示門已經可以拉開。

做仔既呢個情況點都要扮下野，同時我亦想o係ABC reception 姐姐面前顯示我既鋼強！

我用右手一野拉開道玻璃門。
頂佢個肺，佢用防彈玻璃做架？咁Ｑ重既？！





不過我都唔係省油既燈，你估我由14歲以黎，每日右手上下鍛鍊白廢的麼！