唔係掛！原來真係有鬼！－現代捉鬼故事: 第二章－爸爸－3
我諗大鄉里就一定唔只我一個，
你地亦唔會好意思問，咁我就話過你地知啦。
依家好多新型商業大廈都會有個CS姐姐幫你預約升降機。
我冇吹水！就好似頭先見到既黑絲妹妹咁，企O係大堂其中一個位，
先問你要去邊層，再 『分配』一架比你。
所以你唔會見到電梯大堂有制，
入到lift 亦只有開門同閂門。 電梯門慢慢關上。
冇計啦，高科技野係慢Ｄ架喇，一陣夾到人，
Ｄ香港人又去投訴。
依家既香港真係乜都可以投訴，
電視大聲可以投訴、電視有雞汁又可以投訴，
又唔見我打機lag機有得投訴。
次次打去d遊戲客服，個個都好似未訓醒咁，
九唔搭八。
正當我以為部lift 有排都上唔到38樓，
打算開個帳篷準備o係度露營之制...
「呼........!」
低音得黎又雄渾既聲音o係我四面八方響起！
成架lift好似開左turbo 咁向上飛昇。
o個下我真係有d擔心一陣架lift到站既時候會唔會好似玩跳樓機咁彈我上去，
不過今次只係冇安全帶版。