唔係掛！原來真係有鬼！－現代捉鬼故事: 第二章－爸爸－1

兩個月後，一個星期六既上午，我同老豆兩個人，帶埋老媽子既骨灰，
送佢去墳場，終於去到最後一程。

阿媽既身後事終於搞掂。


我冇同老豆講過阿媽返黎既情況，亦都冇去考究點解佢識煲個加料湯。
 「你有冇一陣野做？」

「返去打機咋。」




 其實呢兩個月我都冇乜點打機，自從飲完老豆碗加料湯，有時我對眼望人都會有鬼影，
情況就好似有散光又冇戴眼鏡咁；又或者好似平時睇火滾忍者大家出影分身既時候既感覺。
 
「上我公司丫，有Ｄ野想比你睇。」

老老柒柒，我真係咁大個人都冇上過老豆公司。裝修佬有幾可會有個位叫
『公司』，頂多都係放曬D架叉o係架Van仔，係得我老豆先咁古古怪怪，學人租個地方，學人搞包裝。

不過都好既，相比起其他做裝修既男人，
我老豆都算乾淨企理，起碼我未見過佢衫上面有油跡，




又或者係拎曬ｄ工具番屋企。

細個時候都有其他同學他老豆係做裝修，
班同學仔佢地每次上黎都會話，你阿爸都唔似做裝修既，
你屋企乜架叉都冇。

可能係老媽子以前嚴掛，你都知雌性發威上黎，
就算係萬獸之王都要行埋一二邊。