唔係掛！原來真係有鬼！－現代捉鬼故事: 第一章－離別訣－8

拿拿拿！我間房除左個衣櫃真係冇地方可以比人匿 埋，
小毒男既衣櫃可以有幾大丫，收埋一個人真係比多你。
  依家最衰既打算係，有個賊（女人，又或者係雞仔聲既男人），
匿埋左o係衣櫃，我要做既就係

A： 報警；
B：捉住佢，如果靚就既先將佢正法，再報警。


正所謂萬惡淫為首，我亦唔係Ｄ咩好漢子。




我拎起左我房入面最強大，被喻為十大武器之首既摺櫈，
準備一打開個櫃就車入去。

不過講真一句，勇氣呢樣野，
學洪金寶話齋：「唔係咁易架。」 幾經辛苦將自己心理平靜下來。

「好啦，數三聲。」睇得電視多，真係做乜野都要數三聲先。

「三！」反正都係得自己o者，其實數唔數都真係冇分別。







「踫！」摺櫈飛撞到櫃最入面既板，之後應聲趺落地。
櫃入面除左我D舊衫之外，乜都冇，更唔好話有個女賊。


「你整爛個櫃因住你老豆鬧死你呀。」把聲o係我後面傳黎，今次更清楚。

我另轉身，我見到一樣我已經有差唔多十年冇見過既事。





就係我細個配眼鏡時候見到既”影”。

一個白色，人型既外框。


我唔知點形容比你知係點，但係o個一刻，

我知道，呢個影，係我老媽子。