唔係掛！原來真係有鬼！－現代捉鬼故事: 第一章－離別訣－6
兩個大男人，兩餸一湯，其實一d都唔過份，
不過今日黎講，我唔知係老豆煮得冇老媽子咁好食，
定一係我真係冇乜心情去食。
爬左幾啖飯，食住呢兩樣餸，我真係冇乜胃口。
「飲啖湯啦。」老豆話口未完就已經倒左碗湯比我。
味道怪怪地，可能飲唔慣啦，又或者老豆真係唔太識煮餸。
飲到落低，頂，老豆你成粒栗子唔去皮咁煲，Ｄ味緊係怪啦。
「老豆，其實栗子煲湯，要meet左層皮先。」本身都唔想話佢，
不過搵ｄ野講可能冇咁尷尬。
「唔係栗子黎架。」
「？」
「......原粒牛眼黎。」
我一聽到牛眼，我個反應真係同低俗喜劇個杜汶澤一樣，噴都噴唔切出黎！
「痴撚線邊有人用牛眼煲湯架！」噴出黎已經搞到自己成身成手都係呢ｄ變態牛眼湯，
呢一刻我真係控制唔到自己，阿媽又走左，老豆又痴撚左線。
我用隻手抹一抹面上面既眼淚，之後同手輕輕撳住眼皮，唔比眼淚再流出黎。
「對唔住，我返入房先。」 我掉低左老豆，掉低左餐飯。自己一個返左入房。