唔係掛！原來真係有鬼！－現代捉鬼故事: 第一章－離別訣－5

放工返到屋企，已經乜都唔想諗。
換個衫，沖個熱水涼。

檯面已經放好曬煮好既飯菜。  咕嚕肉，魚香茄子。兩樣都係老媽子生前鍾意既菜。

檯面放住三對筷子。

「阿爸，阿媽走左架喇。」

「係喎，我唔記得左添！哈哈！」





我深信要講得出呢句「哈哈」，比平時老豆做野更辛苦一百倍。
俊爸雖然係個裝修佬，但係相比起平時食Lunch 見到既裝修佬，
我老細真係可以叫得上係皮黃骨瘦，記得阿媽問過佢：

「你咁瘦其實點樣做野？鑽牆都冇力啦！」

「有細既做架啦！」

每次阿爸都會用呢個回答。雖然我以前成日覺得佢對阿媽冇乜點，




做老公做到真係好fail。

但經過今餐飯之後，原來我老豆都係個性情中人。