唔係掛！原來真係有鬼！－現代捉鬼故事: 第一章－離別訣－1

上得高登,我諗在座睇到呢個post 既你, 都應該有起碼180,
高大靚仔,會考30分,dse 全部5**。
或者我拎到呢個account 真係天意,
因為上面講既野我一樣都冇,
生得矮, 樣又毒, 當年讀完中五就出左黎做野。
可能呢d 真係遺傳問題, 我老母冇乜野,
不過我老豆就神神化化, 以前比d朋友見到都笑佢係古代人,
講野d 口敏十足十以前尋秦記d 人咁,真係1999。
屋企好地地又掛埋d sup9 桃木劍咁樣,
如果唔係佢做裝修有番少少錢既話我諗我老母一早就嫁左比高登仔,




我就唔駛又得16幾,個樣又未老先衰咁。
 講左咁耐都冇講過我叫乜名,
其實我都知我唔係紅名絲打唔會有人想知。 上得高登預左比人笑既,個個都係叫o個個名架喇，
或者你都可以叫我做「阿俊」啦。