唔係掛！原來真係有鬼！－現代捉鬼故事: 第十章 - 萬惡之夜 -3

我半站起來，把咀哄到Smoky 耳邊。
「放心啦，你睇下，ｄ後生個個都係咁食架。」

Smoky 看看四週，終於相信「魚生」係食得而且冇問題嘅，
之後就落筆大肆填寫了。當然我也不會示弱，Order 了幾款自己最愛的食物。

「係唔係咁呀？」Smoky 將Order 紙 試圖交給我。

「唔駛比我架喇，一陣直接比個哥哥仔就ok架喇！」我說道。





Smoky點點頭。
隨後我們亦將手上Order 紙轉交工作人員。

工作人員接到order 紙後 ，皺了皺眉。
「張Order 紙冇錯架嘛？」
 「嗯！冇錯架喇！」Smoky 在我回答前搶先回答。
我突然感到了一陣不安。而幾分鐘後，我終於明白了這個不安的來源。

「嗯...其實會唔會叫得太多？」我問Smoky，同時望住檯上面放滿了兩張二人檯的壽司、刺身、天婦羅、拉麵、地獄雜菜窩、還有甜品，我終於明白點解頭先waiter 哥哥問我張單會唔會有問題。





「咁我好似乜都未食過嘛，咪每樣寫個 『1』 囉！點知原來有咁多喎～」Smoky 伸伸脷，對我做了個鬼臉。我敢講，依家檯面嘅野食已經唔係笑一笑可以解決到嘅問題，如果我要食曬，我最起碼要塞爆三個胃。
「いただきます (我唔客氣喇！)」Smoky彈出一句日文。

「我都唔客氣喇。」

「你要講日文架！」Smoky 突然變得很生氣地說。

「點解呀？」

「咁先有風味架嘛！」





「係喇係喇，いただきます 。」希望我個胃頂得順眼前嘅野食，亦希望老媽子保佑，今晚唔會胃痛。

一個鐘後，我終於將眼前食物處理完成，好運嘅係，Smoky 原來都幾食得；而更好運既係，我仲未爆肚而死。

「呼！好飽呀！」我攤了在椅上，一面抱著自己的肚腩說。

「真係好好味呀！下次我地再黎食！」Smoky 說。
「你唔飽嘅咩？」

「唔會呀，其實我諗我應該feel 唔到咩叫飽，哈哈哈！」

「早知頭先比你食啦，我就黎飽到死喇！」我說道。
「呀！係呀。」





「嗯？」Smoky 側側頭，滿頭問號。我於自己隨身的袋中拿出了一個小盒子，並於 盒子中拿出兩個代表承諾的小小金屬圈。

Smoky 似被眼前的小圈嚇呆了，鼻子慢慢變得通紅，眼角掉出了兩點淚珠。

「做乜鬼呀你？」我笑著對Smoky 說。

「呢樣野...送比我架？」Smoky 目不轉睛地看著我。

「咁緊係啦，情侶戒指，當時係我一隻，你一隻啦！」說畢，我輕輕捉住Smoky 的左手，
將戒指套了在她的無名指之上。

「喂！你唔問下我願唔願意先架？咁唔浪漫！」Smoky 擦了擦眼淚，對我大聲地說。

「咁...你要唔要丫？」我作狀想把她無名指上的戒指除下，Smoky 以九秒九的速度收回左手。「咁即係要啦？」





Smoky 沒有回答，只是甜甜的笑了一下。
「呢隻係我第一隻戒指，我會好好珍惜架！」Smoky 望了望手上的戒指，笑得比之前更甜「多謝你！傻瓜！」

Smoky 由自己銀包拿出了一張小小的卡片作回禮。而卡片用一個小信封包好，
上面寫了很個像北歐字母的符號。

「咩黎架呢張？」我問。

「嗯...你當係護身符啦！」

我意圖打開小信封，但Smoky 一見到立即阻止了。「等他朝有一日，有一件你覺得好不可思義嘅事喺你面前發生，你先好開！」Smoky 道。

「不可思義？」

「嗯！要好似你遇到我咁不可思義先可以開！」





「咁咪分分鐘一世都唔開得？」我問道。

「可能架~」

突然我的袋中傳來電話的震動聲音。會打我電話嘅基本上得Smoky，除她以外，我電話其實只係要黎打機。我拿出電話，睇下又係邊個遊戲提我入去收下錢，升下級，但今次電話的震動，卻源於一個訊息。

「Whatsapp: Cloud 師傅:
今次大檸樂，見字速回。」