唔係掛！原來真係有鬼！－現代捉鬼故事: 第九章 - Showtime - 16

黑衣男人聽到Jessie 的命令後，起身慢步向前，一步一步走向靈堂中心。
Jessie 不動站於摺櫈間走廊的位置，與黑衣男相隨數米。
黑衣男站於 『主懷安息』四個大字之前，緩緩抬頭。

黑衣男雙眼的眼白早已被黑暗吞蝕，
我對他的黑眼珠驟眼一看，彷彿眼框之中只剩下無比的絕望。
男子面上掛上奇怪的笑容，頭髗慢慢向左傾側。
下巴微微上下顫抖，兩顎的牙齒互相撞擊，發出『卡卡卡』 的聲響。

身體似乎早已抱恙的Jessie 面色變得更差，面上亦慢慢出現難受嘅表情。




當黑衣男一步一步走近我們之際，一般無型的壓力亦慢慢向我們伸延。
男人雙手合十，口中念念有詞。

靈堂嘅趟門隨男人命令再次合上。
兩道趟門之間出現了一道黑色如鎖鏈的氣，
將兩道門緊緊鎖住。


「喂！快手啦你搞乜鬼呀？」師傅見到Jessie 面容，突然企起身大叫。





「唔駛你理...！」Jessie 用盡氣力對師傅說。
轉頭即對黑衣男方向結起手印。

「臨、兵、鬥、者．．．」

見到呢四個似曾相識嘅手印，呢個咁嘅”口號”，
我不禁拉一拉我身旁師傅嘅衣袖，問「呢招係唔係...」

「係。」師傅已經快我一步，喺我未出聲之前回答左我。「基本上好多電視劇ｄ野都係真架。」師傅解釋道。





呢一刻，我醒起Jessie 好似係姓馬。

聽完專人講解後，我即將集中力再次放番落Jessie 度。
你話我食花生好，話我人渣唔幫一個睇落已經知佢唔舒服嘅女仔都好，
如果你喺我呢個位，我諗你都會企定定，睇下一陣飛出黎條金龍有無當年亞視個3D model 咁核突。

「皆、陣、列...」 突然Jessie 雙眼緊閉，全身就好似斷左線嘅懸絲傀儡，
「啪」一聲跌落地面，雙手緊緊掩住下腹位置。

黑衣人眼見這個難逢機會，火速疾走向Jessie 倒地的位置，
如足球員一樣大腳向Jessie 下腹踢出一記猛烈攻擊，Jessie 整個人直飛向幾米後被緊緊上鎖的趟門。

忽然一道力向我搏頭大力一壓。
一個身影由我背後直飛到靈堂的大門之前，
將飛向並即將要撞向趟門的Jessie 整個人環抱接住。





Jessie 本來緊閉雙眼，準備迎接這下猛烈的撞擊。
但突然身後有股力將自己接住，Jessie 也不禁慢慢張開頭,抬頭望望這個幫了自己一下的 「恩人」。

「你睇你，都話你冇鬼用架啦。」師傅將Jessie 放到旁邊的摺櫈上。
「俊，你睇住呢個大姐，一陣佢又暈架喇。」

Jessie 對師傅做左個鬼瞼，
師傅冷冷地笑了一下回應。

我走到Jessie 旁邊，問「點呀你，頭先都見你面青青。」

「你同你師傅都真係一樣，最叻馬後炮！」Jessie 雙手依照掩住小腹，但線視則從來冇離開過師傅嘅背影，咀角泛起甜絲絲的笑容。

師傅慢慢走到剛剛的坐位旁，將白色的長傘插於腰間一個彷彿專為扣住長傘的暗格之中，




之後豎起了左手姆指，對住手指最多肉的地方用力一下咬下去。
鮮血緩緩版手指流到師傅左手的掌心，再一滴一滴地滴到原木色的地板上。

「喂！你條恰女人嘅廢人！」
師傅一面對黑衣男大叫，一面將左手的鮮血塗抹在黑色的長傘之上。
長傘在接觸到師傅的血液後慢慢發漲，傘子的主要骨幹也慢慢漲大。
師傅將傘以雙手水平的持著，右手拿住傘子的直柄把手，左手將傘子的外層如一個保護套拔掉，把自己的武器由封印中呼喚起來。

「我地黎Round 2啦，好嗎？」師傅左手拿住解開封印後的黑色武士劍，咀角發出一個令人不安的微笑，向黑衣男禮貌的問道。