唔係掛！原來真係有鬼！－現代捉鬼故事: 第九章 - Showtime - 15

Jessie 緩緩走到緊閉的木門前面，幾個正在拍門工作人員都同時望望Jessie。

「唔該借借丫。」Jessie 對面前幾個拍左一段時間門但依然徒勞無功的男人說。

工作人員見有更專業的人士接手，都紛紛退開。

Jessie 獨個站立於一道兩米多高的趟門前。
趟門由左右兩道大門組合而成，闊度足以讓一架客貨車通過。
一個米六左右的瘦弱女子站於如此一道大門前，剛剛努力拍門的工作人員都竊竊私語，而上不禁流露出一副「睇死Jessie 開唔到門」嘅表情。





師傅眼見工作人員的咀瞼，輕笑了一下。
這一笑，是嘲笑他們的無知。

Jessie 將右手掌手緊貼木門，閉起雙眼，感應來自木門以及木門另一面的力量。
隨後Jessie 左手放下她的金屬化妝箱，輕輕用腳尖一踢。
化妝箱自動打開，幾個儲物架亦隨著彈出，成個感覺就好似細個玩四驅車嘅工具箱一樣。
Jessie 單腳跪地，於化妝箱的最底一格拿出兩道早已用硃砂寫好的靈符，
一左一右地貼到兩道趟門的正中央。

Jessie 在貼好符後，收起那個放於地上的化妝箱，一步一步地走過來我們一行人的面前。




幾個工作人員目定口呆地望住走過來的Jessie。

「望咩啫？開門啦！」Jessie 面前眼前幾個呆滯的麻甩佬，
粗豪地對他們呼喝。

「頭先我地開左幾個鐘，依家貼兩張紙仔就搞得掂？
有冇咁神呀？」其中一個工作人員細聲地說。

「你試下咪知囉。」Jessie回答。





幾個工作人員再次走到趟門前，
兩左兩右的準備拉開這道過去幾小時，他們出盡九牛二虎之力都開不到的門。

「黎喇，準備，一．．．二．．．」

「唔駛數喇！開啦！」Jessie 對著門前面的工作人員大叫。

「三！」幾個工作人員出盡全身氣力，將兩道趟門向左右拉扯。
兩道門就像從來沒有任何事故一樣，被4個壯漢打開了。
四人在門打開的一刻因為用力過度頓失平衡，向門的兩邊倒。

趟門打開的一剎，一大班賓客由門跑出。
個個大呼小叫，部份女事更被嚇到花容失色，面上的妝容亦有部份因為汗水淚液而變得妝容崩壞，難聽少少講佢地真係仲似鬼。

門打開之後，又是另一個大約可以容納40人的靈堂。




靈堂最近門口處有三四排橫放的摺櫈，而靈堂再深入點的位置，就有另外兩排打直的摺櫈平衝水平的排在靈堂兩邊。靈堂中央放著一張大大的女性相片，女士大約三十歲左加，最高的位置有四個大字”主懷安息”。

「牧師你同大家去食少少野先，我地做埋少少手尾。」師傅跟牧師交帶一下後，
我們三人慢慢走進靈堂之中。

在門打開之後，大家都已經爭相離開，靈堂之內，只剩下一個穿著黑色衣服，
身穿黑色孝衣的一個男人，靜靜的坐在家屬之席上。男子身體微微向前，
雙手十指互相交疊，雙手放於兩腿之上，頭一直底下，若有所思。

師傅將我拉到靈堂最後的其中一排摺櫈坐下。
師傅對Jessie 打打眼色，並望向孝服男子。

Jessie 眼超超，藐藐地望住我同師傅，
放化妝箱放喺其中一張走廊邊嘅摺櫈之上，
由化妝箱中，拿出一條黑色橡筋。Jessie 束起頭髮，同時把兩隻手袖束起。





「唔駛頭dupdup 喇，現身啦。」Jessie 對眼前一身黑衣的男人叫道。