唔係掛！原來真係有鬼！－現代捉鬼故事: 第八章 - 石澳之旅 -12

金屬制的 『炮彈』以瞬雷不及掩耳的速度，
飛過泳褲男背部，直射向Jager的方向。
Jager 依然合起相目，好似從來冇諗過要打開一樣。
『炮彈』向Jager 面容直飛。老老實實，以今時今日終於合格成為高登仔嘅我黎講，
要閃開呢舊野個難度仲高過要政府發牌比王維基。
睇黎今次真係大大包花生都唔夠食。

正當 飛射到Jager 面前準備要擊中的一剎，
一支好似電筒嘅短棒由Jager 長褸右手手袖中滑出。
Jager 使勁提臂，用短棒其中一端用力將沙井蓋如棒球一樣，




一下打飛。

「碰！」

兩件金屬碰撞產生出一聲強勁的敲擊聲。
高頻率的聲響似乎令泳褲男相當的不適，
只見他一面左右搖頭，一邊發出古怪的悲鳴。

Jager 雖然好似捧球選手咁打走左個蓋，
但係佢似乎忘記左將沙井蓋發射出黎嘅當然係沙井嘅水，




沙井水壓將Jager 整個人沖得失去重心，跌倒在地。

如果我無估錯，頭先泳褲男用左某D方法，
令地下水管嘅壓力增大，再將沙井蓋彈射向Jager。
咁即係話，泳褲男好大機會係可以控制到 身邊附近嘅『水』。

Jager 亦無怠慢，襯泳褲男後退幾步之間嘅時間，
已經再次爬起身。
Jager 將手上的黑色短棒用力一揮，
短棒前端的機關頓時變長，




原來短棒真身是一支有大半節手臂長的伸縮鐵棒。

Jager 將鐵棒前端指向泳褲男，
彷彿向泳褲男再次作出挑釁。
泳褲男以四肢著地如野獸一樣往目標狂奔，
準備迎接這場肉搏之戰。

Jager 雖然四肢發達，以我認知入面，
除左俄羅斯人，暫時好似冇乜種族係可以隻揪隻打得嬴野獸。
泳褲男在離開Jager 幾米的距離，奮盡全力一撲。

面對如此野獸的突襲，更強的戰士內心都會有一絲害怕。
但Jager 面上卻帶著胸有成竹的笑容。

對付 『野獸』，最好的方法，當然是出動 『獵人』吧。