唔係掛！原來真係有鬼！－現代捉鬼故事: 第八章 - 石澳之旅 -11

如果你有看過日本鬼片，
或者你會對眼前"泳褲男"現在的形態不會陌生，
這根本是清水崇出品的日式鬼片中典型攻擊性惡鬼的樣式。

"泳褲男"在變形之後，四掌化利爪，
每隻爪都深深陷入堅硬的石屎地面當中，
從外來睇根本分唔清到底係地面被"泳褲男"所腐蝕，
定係"泳褲男"利爪之力足以爪穿地面。

"泳褲男"的面上的各個器官都有血水不停流出，




將自己腳下的一片地板都慢慢染紅。
"泳褲男"變形之後一直只係趴喺地上，
盡量以身體緊貼地下，就好似喺度等緊某ｄ野咁。

"Jager"此時收起先前的輕鬆咀臉，
相信是要從心底地認真看待眼前的怪物。
但令我奇怪嘅係，"Jager"同時收起應戰的模樣，
只是合起雙眼，雙手下垂的站立在"泳褲男"的幾米距離。

巴士站地上地屎裂縫之中，慢慢有水湧出，




一點一點地令巴士站全地濕透，同時地底亦傳黎震動，
就好似地底突然有一列地下鐵經過一樣。

「嘭！」
"泳褲男"身後突然有一道水柱噴射出黎。
水柱噴射之地正正係一個殘舊嘅街井。
水壓令街井其中一面嘅開口連同鎖鏈一同斷裂，
金屬嘅街井封口就如大炮直飛兩人身處方向。
"泳褲男"好似一早知道會發生一樣，原來佢一直趴底，目的就係要避開呢一個水力大炮。