唔係掛！原來真係有鬼！－現代捉鬼故事: 第七章 －年年有今日－ 5

我地兩個坐喺梳化，一面睇住戲一面食蛋糕。當然我注意力早就離開左電視，學早排網上一句說話:
「如果你同一個女仔睇戲，你仲可以同個女仔爭執睇咩戲。我諗你真係好鍾意睇戲。」

作為未拍過拖，甚至係識Smoky之前，連埋女仔身機會都冇嘅我，
如果我同你講，呢個情況同氣氛下，我仲可以專心睇一套自己入過場睇嘅戲，
我就一定呃你。

更重要嘅係，今次Smoky番左黎之後，比我嘅存在感真係大左好多。
以前就算佢坐喺我身邊，我其本上感覺唔到。
但係今次佢返到黎就唔同，坐喺佢身邊，我聽到佢嘅呼吸，




感覺到佢嘅體溫。
而且由Smoky 身上仲有一陣淡淡嘅香味，我開始明白點解成日睇戲，戲入面嘅變態佬都要事先索個女主角一野。
 呢一刻我都有少少想做個變態佬，
不過我唔想打破健力士世界紀錄大全入面最快分手紀錄，
或者呢個動作都係遲下先。

Smoky 輕輕將頭挨落我既搏頭上面。
我輕輕偷望左佢一下，之後就望番電視，
繼續扮 『專心』睇戲。
呢一刻我個心就好似跑完10分鐘耐力跑一樣，





「噗通、噗通、噗通。」

我自由都擔心我可能下一秒個心就頂唔順。
同女仔第一次有拍拖式嘅身體接觸，
個感覺好微妙，一方面你又感覺到自己個心就黎爆，
另一方面你又感覺到精神上有非一般平靜。
(起碼呢一下我未有邪念先。)

早知會發生咁多事，我就唔睇Pacfic Rim, 睇魔戒３部曲啦。




戲做完都唔會仲有冇得咁親密。

不過我既擔心挨幾耐，有冇得進一步都有少少多餘。
因為我忘記左另一個好重要嘅因素。

五官經過訓練後變得更靈敏嘅我，
呢一刻，聽到一種我最唔想聽到嘅聲音。

鎖匙聲。

Smoky 突然整個人彈起，同我雙目而視。
死喇！點解我無諗過老豆會返黎呢個問題！