唔係掛！原來真係有鬼！－現代捉鬼故事: 第六章－起步－9

「你望左我咁耐，係唔係想同我做朋友o者？」男人繼續用嗲聲嗲氣既聲音同我講野。

呢一刻，我終於發現一樣我人生入面，比鬼更令我害怕既人，
就係「左手幫」。

「我諗...大家有少少誤會。」我整個身體已經僵硬，只係頸部微微向後另，
等身後既嬌嗲巨漢大約知道我同佢講緊野。

「唔駛怕羞架喎，反正呢度人少少，不如就當做個朋友丫。」說時遲，那時快。大漢粗壯既手掌已經唔知幾時，由我搏頭游走到我既心口。 呢一刻我真係有少少後悔冇睇曬上星期阿強send 比我o個套youtube片－「杰哥不要」。如果我一早知我出師第一日會發生o的咁既事，我一定，係一定會o係youtube 狂loop，loop 到youtube 以為我係打手，將上傳者成個channel 封鎖為止。





可憐既我，依一刻真係乜都做唔到，
出聲又怕比其他觀眾問候，始終我都係衰八掛，
而且戲院阿大隻佬都唔會做到ｄ咩架啦。
呢一刻我開始明白，原來有時d av 情節，o個d咩痴漢巴士、火車，原來都真係有可能發生。

突然我心口感到又多左一股力。
頂你死變態佬，一隻手唔夠，仲要黎多隻手？！
我實在冇眼睇我心口上面發生緊既情況，只能強忍住呢個被侵犯既心情，眼角滴出一點眼淚。

我發誓，今日以後我唔會再睇ｄ乜野凌辱play既av。





兩隻手突然重疊在一起，就如心外壓既手勢，
上面既手將粗壯既手掌緊緊抓住，將其抽起。
而本身ｏ係我心口肆意玩弄既手就如此被硬硬抽起。

我張開眼一望，我見到我救星！