唔係掛！原來真係有鬼！－現代捉鬼故事: 第六章－起步－5

「師傅，呢度咁乾淨，都仲要打掃？」我望望四圍既環境，
忍唔住一問。

「嘿嘿嘿嘿哈哈哈哈！！！！！」師傅突然大笑，
用一種只會o係動畫入面，瘋狂既主角o係奸計得逞之後先會出現既笑聲黎回覆我既問題。

師傅再次提高右手，將手筆直伸向天花板，
姆指同中指緊緊貼住，食指指向天空，
我突然覺得劉謙出現左o係我面前。





「跟住落黎就食見證奇蹟既時候！」師傅口入面冇將呢句說話講出黎，
但係佢既眼神已經充份表達左呢個意思。

「噠！」師傅手指一噠，
一度光圈由師傅為中心，向整個office 散開，
就如一個由光組成既漣漪。

被光圍經過既地方，回覆佢地本身應有既外觀。
無錯，原來成個office 既乾淨情況都只係假象，
我完全冇諗過幻術係咁實用，包括令一間尤如打完仗既office，




睇起黎好似一間診所咁乾淨。

食完既杯麵、漫畫、汽水罐...你講得出既垃圾都有。
成個環境就好似tbb既電視劇入面，主角睇完波，一地都係花生殼咁款。
真係冇吹水。

如果請隊職業特攻隊上黎，我諗都要打掃番10日8日。

我見到咁既情況，不禁呆左咁望住師傅。





師傅將地掃再向前一遞。
「拎住啦，有排你玩呀。」

我雙手接過地拖。

「拎實呀。」師傅說。

我不以為意，師傅一放手，
地拖重量遠遠超出我師預期！
照呢個重量，我肯定呢度可以待於兩包米既重量。

我放低地拖，戴上金仔度買既靈視眼鏡。
地拖棍既頭同尾，原來都被綁上一個5kg既啞鈴。

「仆你個街丫！」當然我只係心諗。




師傅行埋黎，拎走左我副眼鏡。

「以後o係公司唔可以用呢副超，以後既工作入面唔排除會有呢類埋伏，
如果你o係接受工作前睇得穿，咁當然冇事啦，如果你睇唔穿喇，你咪好似今次咁，用啞鈴地拖打掃囉，哈哈哈。」
師傅一面講，一面將我副靈視眼鏡放番入我既衫袋。「點解個啞鈴要用靈視眼鏡先睇到既？」我雙手拎住呢支成廿磅既地拖。

「有技術可以令隱型既野現身，咁當然有野可以令正常既物體隱型啦。
不過層coating 好貴，而且用起上黎又唔似現型水咁方便，所以多數都只會將層coating整o係自己既武器表面，廢事比外人見到。你估個個都好似你咁bb彈鎗咩。」師傅呢句說話聽得出佢好似幾葡萄我有把咁方便既武器。

「咁你既武器係咩黎？」我問問師傅。

「遲下先比你睇，武器呢家野，最緊要型！」師傅一提起佢既武器，樣子就好似o岩o岩拎到心儀女神既電話一樣，雙臉泛紅，姣到不得了。

「慢慢執啦你～」師傅回個神，送上一句無比溫馨既提供，
真係多謝曬。