【十惡】係我的志願一欄填上：強姦犯（修訂版）: 【第廿二章】：跟蹤狂

（一）跟蹤狂


為左實際行動前可以無後顧之憂。
首先要確認下，對我有威脅嘅可能性是否存在。
 
新之城單案可以唔理住，因為無可能查到係我做。
係自己杞人憂天啫…
 
 




但馮潔澄呢隻癲狗就唔同。
 
根據我調查，上次個舊地盤應該係佢地其中一個「竇」。
果區算係坑口附近，而坑口呢期最紅嘅社團叫「蝮蛇」。
雖然係新興社團，但掘起得好快。
旗下社員大多數係年輕人
 
只係短短2 年，已經躍升至全港第三大黑幫。
 
如果單憑果個棋姐既語氣推斷，




馮潔澄同傻龍佢地應該就係呢個社團嘅人。
 
......
屌...
都怪自己當初太on9，撩慶左隻癲狗…
 
憑我一個根本無可能對付佢
唔講佢背後勢力幾大，就單單一個傻龍已經令我埋唔到身。
 
如果對付佢，隨時要對付埋佢背後果班人。




 
所以目前我改變咗諗法。
放棄復仇呢條路。
而且某程度上，因為佢呢刀
我先識醒，先知自己行錯路...
 
都算係... 我半個恩人吖...
嘿... 哈哈...
 
 
但有咩方法可以克制佢...
 
 
……
……




有...！
 
傻龍！
呢個人頭腦簡單又重情義。
直覺話我知，佢會千方百計去阻止馮潔澄搵我。
因為佢都唔想條友惹禍上身。
 
咁我可以假設出一個局面
 
就係傻龍會係克制佢嘅人。
 
 
嗯...
照咁諗應該都冇錯。
......




換一換纱布先。


（二）


一個月時間
唔多唔少係為左等個傷口痊癒。
 
咁一個月，我又有咩可以準備？
 
最充足嘅準備，
就係每個朝早我都會花半個鐘時間去學校對面個公園仔監視「目標」
目的好簡單，就係要知佢「最新動態」
 




 
不過為免惹人嫌疑，我通常都會帶埋部notebook去
著住個mon扮自修。
 
因為學校距離我屋企唔遠，所以朝早一輪視察完畢後我都會返去補眠。
 
跟住差唔多到佢放學果陣又會黎一轉，不過呢轉就唔係守喺公園。
而係偷偷地吊住佢尾，睇下佢放學會去邊到。
 
 
不過出乎意料地，
佢每日基本上都係同幾個女仔同學一齊走，邊行邊傾
最後道別完，就循住條小巷返去。
 
條小巷入面有好幾棟村屋，




咁果條巷相信就係返去佢屋企嘅最後一條路。
 
 
最後我走到巷口前就會停低腳步，
搵個暗位用望遠鏡睇住佢入屋
 
“淺藍色果棟...”
 
 
最後喺手機嘅日歷上加上事件：「回家」
之後就走。
 
 
“今日… 無返學”
“… 16號”
同時亦會mark低佢邊日無返學、遲到、遲走。
 
 
 
最後結論係，似乎大家都漸漸忘記左我。
無他，
大家都只係覺得我唔想讀書，逃學之類。
 
人與人之間嘅關係就係咁，
我諗除左淫豪同毒言之外，無人會記得我
但我發覺，
原來我係個體動物
 
真係唔慣同朋友一齊... 而且...
 
我係唔可以有朋友......
 
 
一個月過後，終於到拆線果日。
心情好興奮，但唔係因為傷口終於好返
 
而係
我終於可以行動。
 

（三）


綜合調查結果，佢應該係一個人住。
因為有好幾次我趁夜晚喺佢屋企附近監視。
發覺佢住果棟村屋，樓下果2 層都冇著燈，
並且冇人出入。
 
跟住每次差唔多6 點幾都會有外賣佬走上去...
 
喔...
 
今日我換上黑色運動裝。
似乎黑色，真係我唯一嘅顏色。
 
 
出門口前確認要準備嘅野都準備好，
轉身就關門而去。
 
“兩盒油雞飯，兩杯凍檸茶。唔該”
拎住盒外賣走到公園，輕輕放低。
剩餘就係等待。
 
 
“叮噹叮噹──  叮噹叮噹──  ”
 
望住一個個學生離開，我開始用眼球進行搜索。
 
“......”
“......出現喇 ”
 
15 分鍾後佢從7 仔離開，同同學揮手道別。
轉身就向那條舊路走著。
 
“......”
熄左部notebook，提起那份外賣
腳步也已經跟上那純白色校裙。