【十惡】係我的志願一欄填上：強姦犯（修訂版）: 【第廿三章】：一個月計劃

（一）一個月計劃


果晚返到去即刻打開電視機
因為我要留意「果單野」嘅進展
 
最影響我往後嘅行動，就只有眼前呢單野。
 
 
“昨日零晨2 點，警方展開名為「蜂巢」嘅行動”




“由幾批飛虎隊喺新之城嘅多個出入口進行戒備”
“而狙擊手就喺附近嘅大廈天台進行部署”
 
“喺過程之中，新之城 2樓亦曾傳出多下槍聲”
 
 
“之後喺2 點 36分，警方終於決定採取行動，由多個出入口進行突擊”
“最後鎖定兇徒喺2 樓範圍，然後當警方再進一步搜索果陣”
 
“先發現兇徒已經吞槍自殺”




 
 
“最後經過鑑證人員調查後發現，死者喺一名中年解款員，殺人動機不明”
 
“隨後警方喺案發地點進行地毯式搜索之餘，竟然發現兇徒曾經駕駛過嘅的士入面”
 
“搵到少量染有血液嘅衣物纖維”
“經初步化驗，似乎並唔屬於兇徒......”
 
 




“ 嘟─── ”
 
呼...
冷靜d…
 
一架的士代表唔到d 咩？
一定係果架的士？
就算搵到衣物纖維又點？
 
過左咁多年，
有邊個可以證實到？
無。
 
更加無人聯想到同我有關。
 




所以唔好嚇自己...

呼......


（二）


由果一日起，我無再返學校。
連電話線都比我抆走埋。
 
之後果幾日，淫豪同毒言都有打過黎
但我每次都會較震機
然後再望住部電話由震動到靜止
 




我無意欲去聽，除左因為果單新聞之外
亦都係因為我唔明白朋友嘅價值喺邊...
 
如果有一日發現對方無利用價值，咁仲有冇需要聯絡？
 
價值...
 
朋友嘅價值...
 
喔...
 
我諗到喇...
 
 
再望住電話再次震動




我又禁不住微笑了
 
跟住又繼續寫我嘅計劃
 
最後我打算用一個月時間，一個月去安排一個計劃
 
一個完美嘅
強姦計劃
 
以及
 
一個頂包計劃...