【第三者】《只不過有些感覺，不到我來控制》: 一
(一)
「我地以後都係唔好再搵對方啦。我地根本唔應該咁樣，或者，由識你個刻開始就已經係個錯誤。」
「我諗得好清楚，既然我地都過唔到自己個關，都係算啦。我地分手啦。對唔住」另一個對話欄傳黎訊息，我望住佢覆我既最後一句，淚如泉湧。
愛情，從來都係世界上最難摸索既野。
「係喎雪瞳，星期五船p黎唔黎！」
講野既係同我由中一已經同班既老死呀wing。呀wing係個好活潑好識socia既女仔，所以佢有好多朋友。
但亦都因為佢咁nice咁真性情既性格，所以佢既異性朋友都幾乎俾佢fd zone曬，自從中六之後就一直單身到依家。
佢成日都會帶我去識佢啲fd，而每次就算我唔想去，到最後都一定會屈服係佢既淫威之下。
「唔啦，又新fd阿？」
「就呀k個班咋嘛！同埋佢地啲fd囉，我都唔識。黎啦，你唔黎得我一個好慘架。」呀wing次次都用呢招，佢撓住我手臂用佢個個懶係可憐既樣望著我，而我次次都屈服係佢呢個樣之下。
「係啦係啦我去啦，你唔好再扮可憐唔該。」
「yeah！」
但係我又點會估到，就係呢個船p改寫左我平凡既生活。
我叫做崔雪瞳，今年十八歲。我唔係啲咩女神，無40吋長腿，亦都無36E，但勝在個樣唔錯，眼大大睫毛長雙眼皮又深，鼻又高加埋有好多女仔羨慕既v面，中學個陣都叫做有人追既。
「bb，我依家係library溫書呀，妳記住去街唔好去咁夜呀知唔知？」
佢係我男朋友，叫蕭傲言，我地係係我F4個年係埋一齊。
傲言都算係靚仔，個樣斯斯文文，米七五左右。如果要比，我諗愛回家入面個呀豪同佢幾似，所以由中學開始已經有好多女仔成日圍住佢轉。
F4個年因為辯論隊既關係，我同佢係正副辯，所以就識左，無幾耐之後就一齊左。
傲言讀書好叻，即使平日成日同我出街或者同啲fd打波打機，但係成績都仲係好好。
佢係舊年就考左入CU既心理學系，而我呢個差幾分先入到既就打算考多年睇下搏唔搏到入佢個系。
「知道啦，你都唔好溫咁耐，休息個陣要打俾我呀。」
我同傲言用左兩年時間黎磨合，依家關係都叫唔錯，起碼嘈交次數減少左好多。
係我同佢岩岩一齊個段時間，我地都用左好多時間去接受對方既過去。
其實依家生生性性既傲言以前係個成日媾女既男仔，而且食過好多女。
而我就因為屋企問題，爸爸媽媽離婚個段時間，我就日日都落樓下公園hea，唔想番屋企。我係個度識左班mk仔，自此之後就成日群埋啲唔三唔四既人度。
直到有一次差啲俾個堆mk之中既大佬搞左，再加當時上我知道左原來婆婆有cancer之後，我先識醒覺，肯發奮圖強，中三個年轉左去傲言個間band1名校。
起初同傲言一齊既時候，佢仲係有瞞住我同其他女仔調情。但俾我發現之後，佢就不斷力挽狂瀾咁挽留我，亦都開始為我改變。
雖然有前科，但我依然好相信佢，因為我覺得一段感情最重要既係信任，無信任，就算幾愛都係無用。
但係估唔到到左最後，信任居然會成為破壞我同佢感情既催化劑。
「雪瞳！呢邊呀！」我去到碼頭，離遠就見到呀wing係架郵輪上面揮手大叫我個名。
「好耐無見啦，雪瞳。」講野既係呀k，我對住佢笑左一笑以示禮貌。
「過黎啦雪瞳！」呀wing好興奮咁拖住我衝左入架船入面。
呀k同呀wing係由細識到大既青梅竹馬，佢兩個既阿爸都係係大陸有自己既生意，所以家境都唔錯，有父幹當然就成日出黎玩。
我地上到船先見到呀k啲fd已經黎左。
寒暄左幾句之後，有個目測米八既大隻仔仔走左過黎想同呀wing搭訕。
同呀wing識左六年以上既我由個男仔一行過黎個刻已經睇得出呀wing會幾冧佢，事關係外形方面佢完全符合呀wing心目中男神既標準。
「我去打個電話俾傲言先」
「喂雪瞳... 」
識做既我借左個尿遁行開左，唔洗三分鐘番到黎，佢兩個已經唔知走左去邊。
「喂呀k，呀wing去左邊阿？」我行去呀k個邊，佢地係度整緊野食。
「下我唔知喎，佢唔係同你一齊咩？」
「無野啦，我搵下佢。」
真係唔好講笑，其實架船都幾大。
我諗住打俾呀wing，但唔知係咪因為出左海既關係，居然無曬訊號。
呢個時候，我聽到下面有客房個層傳黎一啲好怪既聲音。
一直都係八婆既我當然即刻走落去八下係咩聲啦。
我沿住條樓梯行落去，呀k佢地係出面既嘈鬧聲隨住我既步伐而逐漸變小。
呢一層有六間房，而走廊既盡頭個間應該係船艙既物體。
「嗯... 呀... 唔好... 呀...」
行到第二間房，一陣呻吟聲不斷傳出黎，唔洗問啦，岩岩個啲聲就係依家係房入面個兩條友。
「唔會係呀wing阿？」呢個係我腦海入面第一個彈出黎既問題。
當下既我完全唔記得左無訊號呢回事，自然反應咁拎左個電話出黎想打俾阿wing，就係呢瞬間，架船chok左一chok，我成個人跌左落地下。
「呀！」
呢下都係自然反應。
「出面有聲呀！」
「無呀，快啲啦，我就射」
「出面真係有聲呀，有人聽到！」
隨即我聽到房入面傳黎腳步聲，越黎越接近門口。
突然，有隻手從後掩住我個口，然後再將我拉左去樓梯轉角位既一個好窄好細亦都好黑既隙中間。
「殊... 唔好出聲。」佢係我耳仔邊細細聲咁講。呢一刻我我背對住佢，我feel到我既心跳不斷加速。
「都話無人架啦！」扑野男求求其其出黎望左兩眼，就急不及待閂番門繼續做佢地要做既事。
而嗰個人就鬆開佢掩住我個口既手，好順手咁拖住我行番上樓梯。
一路行番上去，呀k佢地既嘈吵聲又再次由細變大。一見到陽光，個男仔就鬆開左我隻手。
「岩岩個個男仔叫呀峰，um... 佢個人有啲... 係囉，我怕佢見到你係門口佢會捉埋你入去... er... um... 唔好意思阿。」
呢句係佢第一句同我講既野。
「唔... 唔該曬你」
「妳... 叫咩名？」
「叫我雪瞳就得架啦」
「妳個名都幾好聽，我叫呀宇，妳好。」
就係咁，我識左佢。
我輕輕抬頭望住呢個岩岩拉我走既男仔。佢大約一米七五，單眼皮而且個陰唔遮眉，黑髮既佢唔似得阿k個班mk咁個頭染到五顏六色；佢右邊嘴角微微上揚，係太陽底下更加突顯佢陽光既感覺。
講真，佢呢一下笑真係令我呆左一呆。呢一
下，好charm，好吸引。
我叫湘志宇，今年20歲，係科大讀緊accounting，因為year1之後個年去左英國exchange，所以今年先year2。
我有個混血女朋友，佢叫Ashley，我地一齊左3年。ashley大我兩年，依加係酒吧做緊調酒。
Ashley好索好靚，所以無論係我同佢一齊之後定一齊之前，佢身邊都不乏狗公狗衝佢，不過好彩Ashley好專一，而我都好信佢。
由於佢要番工既關係，我地一星期只係見一兩日。但即使係咁，我地感情都仲係好好。
你地可能會問，我同Ashley見咁少，佢仲要番酒吧，唔怕好難維繫咩？佢做緊咩你都唔知啦，佢偷食你都唔知啦！
係架，可能Ashley真係有第二個，甚至第三個，第四個。
但係有時有啲野，我寧願一世都唔好知。我亦都相信有啲真相，Ashley係永遠都唔會想知。
愛情從來都係無標準答案，越清晰可能越快結束，越模糊反而可能越會長久。
只要我知道，我最愛既係佢，就足夠。