我諗我可能或者係個姣系/淫娃（新手）: 三十五

唉，我自己都識講係或者，結果。。 
到左月尾，就話年尾，到左年尾就話過埋我20歲生日會改。 
結果。。 
由於唔洗再隱瞞我，每日食煙既支數係由一兩支。。變為最後一日半食完一包。 

最智障既係，果段時間我地忙到無時間番part time。 
所以呀樂根本無錢食煙。。我更加意識到問題所在。 
無錢，咪去賭，無錢咪去偷。。 我每日望住佢咁樣。 

我既唔捨得割愛，又覺得佢好有問題。。 


作為討厭糾紛不清既小先鋒，更係不斷想解決問題。 
於是我重覆同樂提過好多次佢既問題，但佢唔係逃避，就係逃避。 
我亦大概明白佢唔想同我嗌交，所以先避開問題唔講姐。 

而且當時我地一齊趕緊Final 功課，我地果段日子好忙。 
又驚嗌交或者分手會影響我地做功課既質素。 

終於，我得出左一樣野。 

我決定兜口兜面同樂提出。 



「其實我知道你點都唔會戒煙，但我地宜家又咁忙。不如咁樣，我以後都唔再問你戒唔戒煙好唔好？ 
直至我地交哂功課之後，我再俾你決定，你到底選擇你既壞習慣，抑或選擇我？」 

「姐係你做完功課就唔要我？」 

「唔係，係你再諗要唔要我。。。」 

「我一定要你！」 



我其實唔知道當日既呀樂到底係點樣諗。 

只係知道，連我都選擇左逃避，果一日。。應該唔會咁快黎到掛？


就係同呀樂分手大約一個月之前，我開左呢一個post。 
大概講述自己過往既經歷，想讓大家更了解女性，或者係了解下話俾我知。 
我到底係一個咩人。 

其實呢個係研究我既課題黎。。。 

在樂而言，可能睇既係我同其他人既故仔，因此佢不感興趣。 
或者佢只係對我呢d文字無咩興趣。 
只係發現左之後笑鳩我。。。 
話我學人寫甜故，好on鳩！ 



不過在我角度，我覺得佢唔想更加了解我。 

我更加覺得呀樂心入面認為，我永永遠遠都唔會離開佢！ 
所以佢完全無驚過交功課既果一日來臨。。。 
一直只在意我同讀者有無私底下接觸。