我諗我可能或者係個姣系/淫娃（新手）: 三十四

其實呀樂以前都係一個mk仔，當然我本人都係一個mk妹。 
不過我本人真係唔會食煙飲酒，純粹性格mk。 
每個人對mk既定義都唔一樣，或者咁講我覺得mk係唔成熟既表現咁解。。而我亦從來無成熟過，所以我都仍然係一個mk妹。 
而呀樂就係一個中學時期唔番學，日日逃學去網吧一到玩勁舞團一到食煙既mk仔。。 
相比起佢，我呢d玩跑安拉既小學雞，簡直係小毛見大毛啦。 
就係因為呀樂係純正mk仔，佢由中一開始就食煙食足六年。 
此外，佢好細個就去番part time 送外賣搵錢買煙食。。 
佢地中學果群人有人係好早已經有馬會戶口，所以好細個都識搭單買波，或者同fd賭錢。 

而咁岩我識樂既時候佢戒左一年煙。我亦從來無諗過食煙同賭錢原來係有咁大問題。 


應該話我無諗過，呀樂會食番煙，會因為呢樣野造成極大問題。 
而我係點樣發現呀樂食番煙呢？？ 呢件事係發生係我同樂拍拖約一年既時候。 

一日下午，我如常同呀樂係屋企打機，訓覺睇電視。 
因為最近既功課實在太忙，所以我更加多日子留係呀樂屋企一齊做功課同拍拖。 
我發現呀樂去廁所大便既情況頻繁，而且時間耐到痴哂線。 
最恐怖既係，我又發現佢個口同佢個身都有好大陣煙味。 
不過，呀樂既爸爸係食煙架，咁無得講啦。我好難單憑呀樂既煙味就話佢食煙。 

後來過左一個星期，我質問樂點解經常去廁所又去咁耐，去完廁所又有煙味。 


仲要拎盒野飲入廁所。 
佢亦終於坦坦白白咁話俾我知，佢開始食番煙。 
「BB，其實你係咪食煙？做咩拎野入廁所飲？」 
「。。嘻嘻，俾你發現左悿。」 
「你可唔可以唔好再食？」 
「我應承你，我食埋今個月尾，唔再食okay？」 
「好，我信住你先。仲有你一日食兩三支好啦，唔好食咁多。」