【苦】《英雄聯盟》 - 一件次世代既愛情工具: 《救贖》
『嗯。』依雯好奇地看著我：『冇野喇嘛？冇事我就返出去。』
「啊…等等…」我思量了一下便道：「點解…我會係度既…？係你…執我返黎既？」
『廢話，』依雯冷不防的說：『唔係我仲會有邊個？不過……』
「不過？」我追問。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
數小時前
『呼～今晚大家既狀態都好好喎。』一名男隊員開聲說道。
『哈，係呀，』另一名戴眼鏡的男生和應著：『尤其是阿蚊啊。』
『嘩，乜你咁講野呀？蚊姐把聲不嬲都咁好聽架啦～！』男隊員用紙捲打了一下眼鏡男。
「妖，咪煩～！」依雯不屑地說道：「我都估唔到今晚咁多人…反應仲咁好。」
『全靠你咋阿蚊～』眼鏡男奉承的說道。
「……」依雯在執拾其間忽然發呆的望著遠方。
『蚊？』另一名金髮男隊員沿著女生的視線看去：『做咩？』
「冇…」依雯搖搖頭，說道：「你地…等我一陣…」
『做咩？』
語畢，依雯便一個人匆匆忙忙地跑到海旁遠方的一處石椅上。
依雯一邊跑，內心一邊認得出那一個熟悉的身影。
該身影正爛醉如泥地躺在石椅之上，身旁更放有十數個空的啤酒罐。
在好奇心和憐憫心驅使之下，依雯背著自己的木結他，慢慢走到石椅旁看著這熟悉的身影——「任天衡」。
『喂…』依雯戰戰兢兢地拍了任天衡一下：『你係度既？你無野嘛…？』
「唔……」任天衡醉如活屍般輾轉反側：「詩娜…唔好離開我…」
『…唉………』依雯歎氣地搖頭，邊心想著：『為左個鍾意既人…變成咁…值得咩…』
「詩娜…」
突然，已死醉的任天衡沒意識地…緊緊握著依雯的手。
『喂…！』
依雯當下被此舉嚇了一跳，立即推開握著自己手的任天衡，
可惜男生的力氣始終比女生大，而且…任天衡已把依雯當成詩娜般握著、牢牢不放。
依雯雖然心慌了一下，但觸碰任天衡雙手的一剎時，依雯突然感受到對方雙手緊張得微微發抖，而且…就好像捉住生命中最重要的東西一樣著緊。
依雯甚至…感受到對方的脈搏傳來的訊息。
『喂…』依雯嘗試把他攙扶起來：『死得未呀你…？』
「唔……嗚…！」任天衡忽然整個人向前傾，作勢嘔吐起來。
『嘖…好心你啦…』依雯輕揉著他的背：『唔飲得又要學人飲，聽日點返工啊……』
「嗚！…嗚…嗚……」
嘔吐完一番後，任天衡不知為何默地流下淚來…
雖然沒有知覺，但依雯只見他的愁眉緊皺著，臉上還露出痛苦不堪的表情…
而且淚水從眼角不斷的滑下…
此時。
『阿蚊！』遠方身後突然傳來一把男聲。
「唔？」依雯沿著聲音的來源，回過頭來：「家豪？你仲未走既…？」
特意前來的家豪的身材高大，皮膚黝黑且染有一頭金啡短髮，更留有落腮鬍子幾近梭角分明，讓人感受到他有一種成熟穩重的氣勢。
家豪同樣背著一把黑色的木結他，是樂隊中的其中一員，更是帶依雯雙雙加入樂隊的人。
每次演出，家豪都和依雯形影不離。
『頭先你粒聲唔出走左去……』家豪盯了依雯身旁的人一眼：『呢個係…邊個黎？』
「佢…」依雯回眸一看：「啊…佢係…係我爸爸啲員工黎既…」
『哦…咁佢咩事？』家豪追問。
「佢…應該飲醉左姐…」依雯回望著家豪致謝道：「係呢…我ok架喇…」
『OK？』家豪皺著眉：『你唔同我地去BAR喇咩？我地仲有一場架喎。』
「Bar…」依雯驚醒起來：「頂！完全唔記得左添！」
『咪係囉。』家豪走近後拍了拍任天衡：『我睇佢無咩事既，我地行啦？』
「但……」
『阿蚊！』家豪一臉嚴肅地說：『我知你有愛心，你平日已經成日照顧啲流浪貓，但呢個係人黎架，而且仲係男人，咁大個人點都識照顧自己啦下話？！』
「………」依雯仍默不作聲的低頭。
『阿蚊呀…』家豪強硬的態度稍稍軟下來：『今晚你係vocal…成隊人無左你唔掂架…知嘛？』
「家豪……」依雯楚楚可憐的哀求著：「對唔住呀…我唔可以拋低佢一個人…」
依雯一向硬朗的性格，就只有在家豪的面前才會溫柔下來。
因為家豪就一直如親哥哥般關心著她；從初中開始，家豪在一次機緣巧合之下，和好友在公園一處夾歌時，剛好遇著剛失戀而痛哭的依雯，自始依雯便跟著家豪學結他、學音樂來洗滌心靈，忘記失戀的悲痛。
四年的日子轉眼過去，眼前的任天衡，令依雯彷彿想起自己當初狼狽不堪的樣子。
嚓—嚓——
『唉，』家豪點起支香煙，吐了一口霧：『都知你個傻妹係咁架喇。』
「家豪…Sorry…」依雯道歉後便澄清著：「如果我唔識佢…我一定唔會理佢囉！」
『係喇係喇。』家豪苦笑著：『平時啲流浪貓你肯定隻隻都識啦？』
「喂！哼…你丫！」依雯擺著一副稚臉：「而家串我咁話喇喎！」
『唔敢。』家豪回望著那醉酒鬼：『咁你點呀？諗住點處置佢？』
「呢層……」依雯費煞思量的想著：「送去我屋企啦唯有…」
『你屋企！？』家豪驚訝不已：『點得呀？你一個女仔！』
「家豪…唔洗擔心啊…」依雯站起來說：「我屋企仲有間練歌房嘛…」
『喂…但係！！』家豪擔心得不斷的阻撓。
「放心喎，」依雯胸有成竹的道：「我阿爸都係度，唔洗擔心～」
『咁咪係囉！』家豪扔去煙蒂，嚴厲道：『你阿爸會比佢去咩？你地又唔係——』
「我阿爸識佢啊。」依雯打斷道：「而且我阿爸聽日仲有野要比佢做…所以佢……」
『………』
家豪雖然擔心，但面對依雯的理據卻找不到任何反駁的理由。
「家豪…你去左bar先啦…」依雯把結他背上：「我係vocal就話有人可以代替姐…但結他得你同我咋…」
『唔得。』家豪斷言拒絕。
「家豪………」依雯內疚地看著對方。
『我幫你扶佢。』家豪輕易就把任天衡整個拉起，單手便將他的手掛在肩上：『你帶路。』
「…對唔住…麻煩到你……」依雯回望了一眼：「咁我去截的士先…！」
依雯馬不停蹄地跑到大街之上，而身後的家豪即使攙扶著一個人仍可快步跟上。
依雯一直以來在樂隊中都是像大姐般存在，雖然她只是一名中五生，但成熟的外表加上硬朗的氣勢，卻令到很多內向的隊員都對依雯阿腴奉承。
而且依雯平日的聲音雖然粗魯，但一唱歌起來便變成了另一個人般溫柔婉約，那把聲線就好像能撫平所有傷口般細緻動人。
縱使有很多男隊員曾追求依雯，但依雯卻因多年前的失戀陰影…絕不親近任何異性，表面粗魯硬朗的性格，亦是從那天開始萌生。
除了家豪外，幾乎沒有任何人見過依雯私底下的一面。
「有車喇…！」依雯伸出手向遠方的計程車示意。
『嗯。』家豪扶著任天衡回答。
嘶———
車子停定後，依雯便打開後座車門。
『等等，』家豪細心的說：『阿蚊你坐車頭得喇，一陣我怕佢嘔。』
「哦…好。」依雯繞到車前座開門。
眾人登上車後，司機便踏下油門於公路上揚長而去。
坐在車後座的家豪，不斷皺著眉盯著眼前爛醉如泥的人。
家豪有此反應，是因為依雯竟然會關心其他人…自從認識依雯以來，家豪都從未見過她會接觸自己以外的男生。為此，家豪內心便充滿了疑問。
不過，家豪很快便察覺到；當依雯看到這個男人時，想必回想起自己當初那失魂落魄的樣子。
想必依雯是被自己感染，去幫助和憐憫這種受情傷的人。
家豪認為；有時候和兩個人相處久了，慢慢就會變成對方，感染了對方的習慣和處事方式。
戀人如是，夫妻亦然。
加上依雯本來就有愛心，流浪貓也照顧得無微不至，更何況是認識的人？
『或者我諗多左……』家豪喃喃道。
「嗯？」依雯從倒後鏡中看著家豪：「家豪？做咩？」
『無，』家豪不自覺地笑了一下：『無野。』
依雯嗔道：「奇奇怪怪咁。」
未幾，計程車便從尖沙咀駛到依雯位於馬鞍山的住處。
「司機唔該，係前面…」依雯指著前方：「海栢花園度停得喇～」
『好。』司機把車駛近內線，停定後道：『多謝一百二十。』
「等等……」依雯講到一半時。
『我比。』家豪早已準備好從銀包取出鈔票：『唔該司機。』
「但……」依雯尷尬不已。
『客咩氣。』家豪續道：『下次請返我食飯咪得。』
「哈哈，好啦～！」依雯開朗的笑著：「最多請你食老麥架咋～」
家豪笑了笑後，便凝重地板起臉將任天衡扶起。
甫出車後，家豪望望手錶，時間只是凌晨兩點鐘到三點左右，
仍是深夜時段，所以市中心人煙極其稀少。
咇——
咔嚓——
「好啦。」依雯從袋中取出住戶卡拍下後，便向家豪說：「你送到我呢度…得架喇…」
『咁佢…』家豪看著身邊的醉男。
「放心喎。」依雯拍拍心口，爽朗的道：「佢咁瘦削，我一個人都搞掂佢啦！放心！」
『嗯。』家豪明白終需一別，用掌便發出狠勁拍在任天衡背上：『醒喇喂！』
『嗚…！』
任天衡被打了一下後，回復了幾分清醒，可惜仍迷迷糊糊的左搖右擺。
「唉，冇鬼用架呢條友真係！」依雯上前攙扶著。
『咁…你小心啲。』家豪準備轉身離去：『有事call我。』
「嗯嗯。」依雯看著家豪離去的背影，忽地叫道：「家…家豪！」
『咩事？』家豪回望著。
「無……」依雯深呼吸了一口氣：「下次…最多請你食放題，唔食老麥喇！」
『哈，』家豪親切的笑著：『我實食窮你呀。』
「任嗌架嘛～！哈哈哈～！」依雯邊攙扶邊揮手：「拜拜喇，返去小心比女色魔姦左你呀！」
『得喇長氣，早啲休息啦你都。』家豪拋下一句後便撒手離去。
依雯心存感激看著家豪離去後，便回望身旁的人：「喂…點啊你？死得未呀？」
『嗚…嗚…』任天衡正口齒不清地支吾著：『詩娜……』
「妖！真係無鬼用…！」
呢一句依雯不單止係鬧任天衡，更加係想鬧以前果個…曾經為情而傷心欲絕自己。
愛既是痛苦，又何必開始。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
『不過……』依雯傻笑地回想著：『係有人幫我送你返黎既。』
呢一刻…我望住依雯甜笑個樣，我真係從來都未見過。
一直以黎依雯係公司都係同我一句起，兩句止，如今…佢無戴住短髮，性格又溫和左咁多…
而且…竟然仲識流露甜絲絲既微笑……想必佢諗緊果個…一定係佢既心上人。
「但…點解你會係果度？果陣時咁夜…」
『唓，好出奇咩？』依雯不自覺地小嘴一蹶：『我成日都去果頭出Show既。』
「出show…？」我好奇地看著她。
『唔係…！』依雯剎那間臉頰通紅：『冇野啦！』
依雯突然怕醜起黎，我係公司認識左佢咁耐都未見過佢呢個樣。
原來一個女仔無論外表有幾cool、性格有幾冷漠都好，係屋企既時候都會展露不為人知既一面。
依雯突然粒聲唔出，搞到整個氣氛都忽然尷尬起上黎。
「Er……」於是我便隨口問道：「係呢…點解你返工果時會戴假髮既？」
『喂！』依雯聽到問題後，臉紅更是直透耳垂：『拿，我警告你啊下…唔好話比人知！』
「呃…」我完全唔明白，就問：「話比人知啲咩…？」
『我……』依雯萬分尷尬，低聲說：『我怕係超市做野…會撞到熟人………』
「下…？」我愈來愈不明白：「超市返工…有咩問題？」
『妖！你唔明架啦！』依雯嬲爆爆地說：『如果唔係阿爸迫我，我都唔會返呀！』
「所以你怕比熟人見到，就戴假髮返工…扮到成個男仔咁？」我追問。
『多事啦你！煩唔煩啊問問問！』依雯一手拎起碗薑茶：『飲唔飲啊你！？唔飲我倒左佢架啦！』
「飲飲飲…」我立即接過碗薑茶，大啖大啖咁吞下去：「嘎～好味喎！」
『飲完比返個碗我啦。』依雯伸出手。
「哦……」
我將碗交到依雯手上時，突然想起一個問題。
「係…係呢…」我不敢開口。
『又點呀？』依雯一臉不屑。
「呢間…係咪你既房黎架…？」我幾經辛苦先開到口。
『………』依雯沈默了一下後，便有口難言般說：『呢間……唉。』
「嗯…？」我好奇地追問。
『唉，怕左你…』依雯拿著碗轉身開門，拋下一句：『等我一陣啦，洗埋個碗同你講。』
「下…」
呢間係咪佢間房…
係同唔係…都係一句姐…？
點解唔可以即刻講，反而要慢慢解釋…