【苦】《英雄聯盟》 - 一件次世代既愛情工具: 《失去》
我難以置信地揉了揉雙眼，仔細地望住璇璇面前的螢光幕…
處於畫面上方，果個熟悉既ICON…熟悉既名稱…默默地浮現著一組ID。
【KirbyCake】
冇錯，大家都估得岩…呢個ID…就係一直陪住我由美服S1打到S5既帳號名稱。
直到詩娜既出現…我先至將呢個帳號同一個客人既銀牌帳號交換。
但我萬萬估唔到，今日呢個帳號竟然重現係我面前。
「璇…璇璇！你…」我目不轉睛地看著螢光幕，說道：「你到底點解…？！」
『嘻～』璇璇莞爾一笑：『天哥哥的帳號…我怎麼可以隨便就讓其他人拿走了呢？』
「但……」我想了想後，不解的問道：「你點拎得返架…？我明明已經…」
『這…』璇璇欲言又止：『哎呀，天哥哥你不用管了啦～』
「點解？」我追問。
『因為～～』她稚氣地高聲說：『這帳號已經是我的啦～』
「你…你既？」
『恩阿～』璇璇點點頭，細思地說：『這個帳號…有很多我跟天哥哥的回憶……』
「………』
『所以～～』她接著說：『我是不會讓給任何人的喔！包括天哥哥你～嘻嘻。』
「下…」
雖然我唔知璇璇用咩方法可以搵得返我個ACC，但無可否認…呢個帳號真係充滿左好多我同璇璇…甚至係其他女仔既回憶。
其他女仔…？
係喎！
「咪住先！」我立即緊張地道：「個帳號…有冇人搵過我…？」
『嗯～？』璇璇厲了我一眼，嗔道：『你說＂她們＂嗎？』
「…………」
我雙眼不自覺地被璇璇既玉手吸引左去螢光幕之上，只見她嫻熟地打開右邊帳號聯絡人的列表；一排整齊有序的名稱立即顯示在屏幕上。
而名單上面…有我以前習慣細分既人名群組…
有好多出名既台主、職業戰隊、甚至係TPA既人都有…但其中一個最多人既群組卻係…
[League of Lovers]
『就是她們～』璇璇簡直像看穿我般凝望著我：『對嗎？』
「………」我立時無話可說。
『天哥哥不用緊張嘛～？人家又沒說什麼～』
「你……」我言不盡意地說：「你真係無同佢地講野…？」
『哼！不要鬧了啦～』璇璇不屑地說：『我又怎麼會偷看天哥哥的隱私呢？』
「哦…」
『雖然有很多人找過你～不過我一個都沒看的啦！』
「嗯………」我鬆了一口氣後，想到仍有正事要做，便立即坐直個人說道：「唔講咁多住…！我都login先。」
無錯…我黎網吧既目的唔係為左同璇璇傾計吹水，而係要搵詩娜！
頂，等我仲為左個舊acc既事諗到入哂神添！
過左去既事咪由佢囉！反正我有詩娜就已經足夠。
自從詩娜去左英國之後，呢一個月以黎我都無搵女仔去搞野…
甚至，有時阿晴搵我我都已讀不回佢。
估唔到愛情…竟然可以令我轉死性。
噠噠噠噠噠—————
我雙手不斷在鍵盤上敲打輸入帳號密碼，就好似趕住去拯救人咁著緊。
無誇張，我的確係想拯救我同詩娜呢段關係。
經過登入畫面，我立即打開右方既好友名單，從密密麻麻中既人名…搵出最熟悉果一個…
詩娜既LOL ID——亞絲娜。
當我一見到佢個名時，我雙眼不禁發光般望住電腦！
因為…詩娜個ID並唔係代表Offline既灰色，反而係黃色！
咪住…
黃色…？
『找到了嗎～？天哥哥～～』璇璇坐在我身旁問道。
「搵……」我呆若木雞地望住面前的螢幕：「搵到……」
『哪裡哪裡～？』璇璇將整個身軀挨近我，眼仔碌碌地同我一齊望：『是誰呀～？』
「…………」
『天…哥哥…？』璇璇回望了我一眼。
「冇…」我故作冷靜地說：「冇野……」
『怎麼啦～？』璇璇不解的問道：『找到她為什麼還呆呆的呢？趕快道歉呀～！』
「我諗佢…已經唔需要我……」
『為什麼？』
「因為…佢已經搵左其他人陪佢……」
英雄聯盟既好友列表，有玩過既朋友都知道…
ＩＤ顯示灰色，代表OFFLINE。
綠色，代表ONLINE。
而詩娜既ID所呈現既黃色…則代表IN-GAME…
亦即係已進入遊戲咁解。
呢一刻…唔知點解…我有種難以用筆墨形容既感覺…不斷衝擊住我內心。
『有人陪她…？』璇璇好奇地看著列表：『你說的＂她＂……就是那個亞絲娜嗎？』
「嗯……」
因為我呢個ACC基本上冇咩好友，除左逸朗同幾個普通戰友之外，就只有詩娜一個女仔名。
『天哥哥怎麼不開心啦～？』璇追問道：『她上線不是很好嗎？可能她自己一個一邊玩一邊等你呢？』
「唔會……」我搖搖頭，低聲說道：「詩娜佢…從來都唔會自己一個In game…」
『她叫…詩娜…？』
我沒有理會璇的追問，默默回想：「就算佢係香港…未識我之前都會同朋友玩…但識左我之後…就再無搵佢打機既朋友……」
『然後呢…？』璇璇輕聲的問。
「過去一個月…LOL都成為左我同詩娜既相處方法…如果我無陪佢…佢係絕對唔會自己一個玩……」
『那不就簡單了嗎？』
璇璇擅自拿著我面前的滑鼠，指到詩娜的ID上按下右鍵，進入觀看模式。
『蠻多鑽石在她那邊的…運氣不錯嘛～』璇璇笑說。
「唔係…」
『嗯？』
「果啲唔係單排遇到既人……」我默默地吐出一句：「而係…佢以前係香港既朋友…」
『喔…原來是醬(這樣)呀～』璇璇喜孜孜地望著我：『不過鑽石又怎樣～？我的天哥哥好多了呢！』
「璇璇…」我歎了口氣道：「你唔洗安慰我……」
『天哥哥………』
「不如…」我木無表情地說：「對唔住呀……你可唔可以…比我一個人靜下……」
我叫璇璇離開既原因，並唔係因為我想一個人靜下，而係…
我唔想比女仔…見到我難過果一面。
一直以黎，我係女性朋友既心目中都係一個開朗健談既男仔，
從來都只會有女仔有心事唔開心去搵我…並無我唔開心要搵女仔開解。
男人有時間就係咁固執，唔想比人見到自己脆弱果一面……
當我見到詩娜搵返果班…係我眼中係狗公既男仔朋友時，唔知點解，我個心好痛…
痛到好似穿左個窿一樣…甚至…連呼吸都有點困難…
每當我吸一口氣，淚水就好似滿到就瀉一樣…眼淚不斷徘徊，隨時都會奪眶而出咁。
試想下…你最愛既人…而家身邊有幾個男仔圍住，而你卻咩都做唔到…就好似望住最心愛既人被人搶走一樣。
果種感覺…真係比死更難受。
『不行！』
「……」
『當然不行！』璇璇佯怒地睜大眼睛，罵道：『人家怎麼可能離開天哥哥…！』
「璇璇……」
『以前我難過的時候…天哥哥有離開過我嗎？』
「……」
『那憑什麼要我離開你？』璇璇鼓起臉蛋說：『我不走！』
「我…」我皺著眉，忍著淚水：「對唔住……璇璇…我唔係想趕你走……」
『天哥哥…』璇璇憐憫地看著我：『你不要難過好嗎…？』
「唔知點解…我個心好痛…」
我彷彿失去靈魂望望著璇璇，眼淚卻不自覺地流下。
璇璇沒有出聲…只係默默地站起…向我走近。
忽然間…我感到一股暖意包圍著我全身…
呢股溫暖…就好似親人攬住我一樣窩心。
『天哥哥…』璇璇也流著淚，撫著我的臉龐：『不要哭…好嗎？』
「我真係…好愛佢……」
『我知道…我真的知道，但…天哥哥你這樣…我也會很難過…』
「我唔可以無左佢呀…！」我拭著淚說：「璇璇…我應該點做先好…」
我一直都唔係一個眼淺既人，但呢種感覺我真係從來都未試過。
愛、傷心、妒忌、擔憂、內疚…一次過湧上心頭…眼淚真係會不自覺地流出黎。
原來愛一個人；當你知道將會失去佢時，係咁痛苦…