【苦】《英雄聯盟》 - 一件次世代既愛情工具: 【酸篇】－《妹妹》

一個月後


『呵呵！』耳機傳來詩娜興奮的甜美聲線：『終於升到白金啦～』

「傻婆，」我專注地看著螢光幕：「今場你KDA一般，我建議下次可以出五速鞋去嘗試跑線幫下其他路，仲有Teamfight果時記得睇環境先開大技，仲有中段你可以出———」

『任—天—衡——』

「嗯？」我呆了一下。



『死人頭～！你咁認真做咩喎！』詩娜不耐煩地接著說：『人地岩岩升左Rank你都唔讚下人既？淨係識好似個阿伯咁依依哦哦！』

「呃…」我頓時支吾其詞，頓了頓後：「係…最叻你喇～」

『哼！你都唔係真心既！』詩娜淘氣地說：『唔好唔記得都係本小姐Carry你上去架咋～！無左我你而家仲係銀咋傻仔～！』

「哈哈…」我按捺不住笑容：「係啵…唔記得多謝你添。」

『你都係岩岩升到白金之嘛…扮哂野！』



「嗯嗯…」我望一望個鐘後續道：「你果邊…都夜喇…快啲去沖涼訓覺喇。」

『唔唔…唔制～』詩娜像孩子般扭計說：『難得任小朋友咁乖…獎你陪我傾多陣啦～！』

「我都想陪你傾多陣…」我立時嚴肅起來：「不過你果邊已經十二點喇，你又要返學，一陣捱病左點算？」

『唔制…唔制…唔制…』詩娜不斷地重複著。

「係咪唔聽話？」



『係～～嘻嘻～！』

「唉…」我無奈地歎了一口氣：「最多十分鐘架咋…」

『好野～』詩娜的聲線拉高，雀躍的道：『都係任天衡最好～～』

「嗯…」我立即找話題：「係呢…你係果邊過成點呀？有冇識到新朋友？」

『嗯嗯～有呀…仲識到幾個香港既女仔～』詩娜回答。

「咁男仔呢？」

『Errrr…』詩娜支支吾吾的說：『都有既～不過…我都無咩理佢地既～』



「真係？」我不禁好奇的問。

『真……』詩娜想了想後語氣一轉：『但關…關你咩事喎～！』

「哈，你而家塊面一定好紅啦？」我開了開玩笑。

『死人頭任天衡…！』詩娜佯怒地說：『又笑我！遲啲返香港一定打死你——』

「詩娜…」我打斷了她的說話。

『嗯？』

「無，有樣秘密…我想同你講左好耐。」

『咩秘密？』



「我……好掛住你。」

『妖…！好肉麻啊你！唔傾喇～人地要訓覺啦～！Byebye傻仔！』

「喂…！喂！」

嘟———

收左線……

每次詩娜一聽到我對住佢講肉麻既野，佢都會好怕醜好尷尬，甚至會傾兩句就收線咁。

所以，我一早已經十分了解詩娜既習慣，我望一望個鐘…已經差唔多早上八點半。



香港比英國快八個鐘，如果再同詩娜傾落去…恐怕傾到天光都未傾完。


不過話分兩頭，原來唔經唔覺…詩娜已經去左英國一個月。

係呢一個月時間入面，我真係體會左好多…

一開始，我真係每日都朝思暮想住詩娜…係佢落左機果晚，我甚至同佢傾skype到天光咁制。

起初我以為會好難接受，但原來…現今既通訊真係非常之發達。

無論我工作、食飯、甚至係訓覺時，我都可以同詩娜開Skype視像聯絡，無時無刻都可以見到佢…就好似…一直都無離開過我一樣。


不過，有一樣野…我同詩娜仍然未搞清楚，



就係我同佢之間既關係。

雖然我係機場表左白，但某程度上…詩娜仍然未答覆我，亦即係話…詩娜仲未係我女朋友。

其實我地兩個人都知道，假如要一開始就異地戀，恐怕呢段感情都會十分艱苦。

因為正常既拍拖，一開始果幾個月都係熱戀期，假如熱戀期開始已經無得見面，每日只能靠電話聯絡，咁…唔係比分手更痛苦嗎？

所以，我地都達成左共識，就當呢次異地相處係我地感情上既考驗，同時，亦可以當係互相了解多啲，等詩娜返返香港後再正式係埋一齊，咁樣既話…我覺得係比較好既決定。

若果要異地拍拖…我怕會我地互相每日都check住check住，每日都因緊張而提心吊膽，甚至猜疑對方做緊咩，懷疑同邊個係埋一齊等等，唔係「唔信任」，只係…「怕失去」。


同詩娜收左線之後，我都鬆一口氣，因為…佢完結左一日，而我卻岩岩開始新一日。

而家時間黎到九點鐘，我今日放假咁早起身，除左係因為想陪詩娜打機之外，另一個原因係要做parttime。


嘟——嘟嘟——

『喂～～』

「喂？」我用不純正的普通話說道：「＂天都嗎＂？」

『聽到喔…你呢？』

「禾耶天都，啦紀禾kai始選吧。」

『呃…那個…』另一方傳來尷尬的女聲：『你還是講回香港話吧～人家聽得懂啦。』

「Err…係…係呀…哈哈，唔好意思…阿璇。」

『沒關係吶～』女聲慷慨道：『天哥哥…你還是叫我璇璇吧～阿璇…好像哪裡怪怪的。』

「哦…好…璇璇…」

『那……』璇璇頓了頓：『今天你想要什麼客人？』

「你講黎聽下…」

『嗯～我在Skype發給你看看吧～』

「嗯，好，麻煩你。」

凳咚——

未幾，Skype就傳來一個長長的訊息，內容係…

NA銅一＞銀一，隱分銅三
TW銀四＞金五，隱分銅一
TW金三＞白金五，隱分金三
EU金一＞白金一，隱分金一

「無其他喇？」我看了訊息後問道。

『哎唷…我的天哥哥呀…』璇璇歎氣地說：『你知道你這陣子少接了多少了嗎？基本上其他的都被人搶走了！要不是我幫你留…你一單也接不到了呢。』

「呃…Sorry…麻煩你喇…璇璇…」

『哈～～沒關係的啦～』璇璇開朗的道：『怎麼樣～？要哪個～？』

「咁…」我想了想後決定：「第四個啦。唔該你。」


同我傾緊Skype既呢個女仔，佢係我同逸朗做緊果間LOL代打工作室既Agent；同一時間，璇璇亦係工作室既小老闆兼其中一位代打既選手。

每次佢接到job後，都會通知我地，睇下對邊個job有興趣就接落黎，然後佢就會比客人個acc同pw我地去打，然後開工，最後再交貨。



由於璇璇係台灣人，所以會透過8591既平台去同代練既買家交易，再將錢過數比我地。

我識左呢個女仔…大大話話都有兩年，如果唔係有一次係菁英區打rank羸左佢，我都唔會踏上代練搵錢呢條路。

不過，我同呢個女仔甚少傾電話，若非我呢排接少左job…為左顯示返多少誠意，我先親自打比佢。

『嘻嘻，不麻煩～』璇璇莞爾而笑地說：『對了天哥哥…為什麼…你這陣子會少接了那麼多呢～？』

「我…？」我尷尬地解釋：「因…因為……」

『找到女朋友了嗎？』璇璇一語道破。

「呃…又…唔可以咁講既…」

『呵呵～你不用隱瞞人家了啦…』璇璇嘲弄著我：『有一天我打算找你的本尊帳號去玩～沒想到邀請你竟然拒絕～一問之下才知道你用了菁英帳號去換銀牌的！』

「哈…唔記得同你講添…」

『哼，虧你還真笑得出來！』璇璇惋歎地說：『天哥哥…到底是為了什麼？你知道我那時真的氣死了嗎？』

「哦…無……」我驀地道歉：「我要同你講聲對唔住…唔記得同你講呢件事…」

『天哥哥…要不是我幫你…恐怕其他人會要你離開了呢…』

「要我離開…？點解？」

『菁英帳號就是實力的證明啊～』璇璇解釋說：『你沒了帳號等如失去了資格喔…不過放心吧～我已經用我的第二個菁英帳號取了你的名字了～』

「唔該哂你…璇璇…」我內疚地說。

『嘻嘻～沒有啦～～』璇璇接著道：『只要天哥哥多接一些工作，我就最開心了～～嘻。』

「點解…」我感到慚愧地說：『點解璇璇你要咁幫我…？」

『怎麼了嗎…？天哥哥…』璇璇好奇的問道：『因為工作室需要你嘛～！』

「但…」我想了想後分析道：「明明工作室有咁多人…大大話話都有幾十個菁英…點解…你要咁幫我…？」

『欸……你忘了嗎？』璇璇反問道。

「嗯？」我不以為意的說。

『我很記得……』璇璇回憶著：『記得那天…我生病的時候…是誰陪著我到天亮的…』

「果件事……」

『嘻～沒有啦！』璇璇嬌羞地說：『那那那…我待會發客人的帳號給你嚕～』

「好…唔該你…璇璇。」

『還有還有～』璇璇接著說：『記得下個禮拜是什麼日子嗎～？』

「下個禮拜？」我想了想後，終回想起來：「當然記得～你十九歲生日嘛。」

『嘻嘻…天哥哥最好了～～』璇璇撒嬌地說。

「梗係，我咩都唔叻…記日子最叻。」我自信的道：「想要咩生日禮物～？我寄比你喇。」

『唔唔…不用寄給人家了啦～』

「點解？你唔想要咩？」

『不是啦天哥哥……是因為…』璇璇支支吾吾地說：『因為我準備來香港慶祝喔～～』

「黎…香…香港…？？？」

『嗯嗯～』璇璇甜笑而道：『怎麼樣～？你不會丟下我一個人吧～？』

「你…自己一個黎…？你家人呢？」

『不是啦，我跟我姐姐一齊來～到時候…天哥哥帶我去玩～去吃好吃的好嗎～？』

「呃……」我腦海不斷閃過詩娜的臉龐：「咁…」

『我知道…天哥哥是不～會～拒～絕～的～』璇璇嗲聲嗲氣地說：『人家第一次來香港…還生日呢！』

「好…好啦…」

『就醬定嚕～到時候我可以跟你…還有逸朗哥哥一起吃飯～』璇璇興奮不已地說：『那麼…天哥哥專心工作吧～掰掰～』

「拜拜…」



雖然璇璇係我同客之間既中介人，但我都係見過佢Skype既相幾次，外表睇落去係幾可愛既，眼大大…微曲既純黑長髮，個樣無時無刻都好似楚楚可憐咁，同詩娜性格上既對比真係好大。

璇璇呢個時候突然話要黎香港真係嚇左我一跳，不過到時候唔淨止係我一個陪佢既…

到時除左我，仲有逸朗，或者仲有十幾個菁英玩家輪流陪佢，恐怕排隊排到去尖沙咀都未輪到我啦。

再者，我諗璇璇去到逸朗手上…已經被佢食左，所以我既擔心都係多餘。

其實我同璇璇既關係…就好似兄妹一樣。

記得有一晚我知道佢發燒唔舒服，我真係好擔心，擔心到工都唔返射波陪左佢成晚，但我勢估唔到…佢竟然咁都記得，仲要記到今時今日…

每次佢天哥哥前、天哥哥後咁叫我，我都會覺得有一種責任感係身上面咁，要對璇璇好啲，唔可以比佢唔開心。

可能果時我未試過鍾意一個人，對所有身邊既女仔都抱有一種慷慨既態度，對每一個都無微不至咁好。

但到左今日，我終於明白…原來我以前一直對女仔做既事都係錯。

某程度上，當年我對璇璇已經超出左朋友既關心…恐怕…我已經令佢誤會左都未定。

如果係咁既話…萬一詩娜有時問起應該點算？我應該坦白同詩娜講定抑或…