【苦】《英雄聯盟》 - 一件次世代既愛情工具: 《距離》
望住手上被Cut線既Iphone，收左線之後仍然顯示住一張女仔既自拍來電照，再加上腦海入面仍然迴響起一把高分貝到刺耳既娃娃音，令到我久久不能舉步而行。
因為作為一個男性，如果有返多少尊嚴既話，都唔會應一個女仔咁無禮貌既邀請。
再者佢都唔係邀請我去網吧，反而似係呼喝命令一隻狗一樣。
不過，回想起佢既身分，我多少都能夠理解點解佢會咁小姐脾氣。
原因好簡單；因為…佢係一個有錢女。
係呢一刻你可能又會問：屌大佬，有冇咁勁呀，打機打到又食女又識有錢女，你玩哂佢啦好嘛？
如果咁諗你就錯，我寧願由頭到尾都無識過呢條女。
原因係……呢條係我從來都未食過，而且仲要對佢唯命是從既大小姐黎！
試問我作為一個食女高手，無西屌既事我已經唔多想去做，更何況係無得屌既港女？
不過我又唔可以唔理佢喎！事關佢係我公司既客人黎，萬一佢投訴我既話…好似我呢啲讀書唔成既人想搵過份工都幾難！
至於我係點識佢既呢？咁就要由半年前講起。
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
記得係半年前……
『喂！衡仔，出去霸定位等倉車啦。』
「收到…」
呢個死死地氣被經理吩咐，著住套死人藍色制服既傻仔……就係我。
其實…我只係一個係超級市場做店務員既打工仔黎。
每日返工就係等放工，放工就係等出糧，月入得一萬既廢青打工仔。
上天係公平既，有咁多女比我食，自然會收走我唔少野。
呢一日中午，我如常地拎住部汽水車放係馬路旁霸位，等待送貨既倉車到臨。
「屌…又遲到……到未架…」當我等到不耐煩時。
『衡仔！』店內既超市經理走到門口對我大叫：『一陣有張單要你送啊！』
「單？」我好奇一問：「咩單啊。」
『琴日有個客買左兩千蚊野啊嘛，』經理擺出一副不屑的表情：『你一陣落完貨送過去啦。』
「哦…好。」我想了想後：「係邊頭架？」
『邊頭呀…睇下先…』經理手上拿住單據仔細地看後，皺著眉道：『果度係咩……銀湖…天峰喎，有錢人家，益哂你啦。』
「嘩…經理…多謝哂喎。」
老實講，我唔志在佢係咪有錢人家，反正都唔關我事，我在意既…只係距離到底遠唔遠！
於是，我落完貨後，就拎住一部汽水車，將一箱又一箱客人買左既貨放係車上，準備推過去。
『小心睇住呀，呢個熟客仔黎，次次都買好多野架！』
「得啦，我辦事你放心啦經理。」
我身處既呢個商場超市，四周圍都有好多有錢屋苑，所以經常都會有好多菲傭黎買野兼要求送貨。
畢業後工作左一年既我，已經記熟哂周圍既高級屋苑，而銀湖。天峰呢個地方可謂有錢中既有錢人居住，會所大不在話下，就連佢既電梯、大堂、甚至大門裝潢都非常豪華！
當我係大堂登記左後，幾經辛苦終於去到升降機內。
「呼……攰撚死…」
望住眼前有三箱堆疊而成既紙皮箱，令我不禁將佢地打開，睇下入面裝住既係啲咩黎。
「…紙巾…沐浴露…洗衣粉…」我繼續翻開：「飲品…ｍ巾…嘩，屌你，洗陰液都有？」
叮———
係我忍唔住吱一聲笑出黎既時候，電梯亦都到達所屬樓層。
抬頭望一望，原來已經去到32樓咁高。
「睇下先…3204室……」我邊拎住張單邊行到一戶前：「係呢度喇。」
叮咚——
咯咯咯——
「唔該，超市送貨架。」
…………
無人應機。
叮—叮—叮咚——
「送貨啊唔該！」
……………又無人應。
正當我準備拎出電話打之時。
『放係出面得啦～～～！』屋內突然傳來一把娃娃音既女仔聲。
「屌…你都要開門簽個名架…」我聽後哭笑不得，然後大叫：「唔該～！麻煩你都要簽一簽收呀！」
咔——咔嚓——
『妖！乜你咁煩架！』橡木製大門打開後，亮出一個嬌小身影：『都話放係出面得咯～！』
頃刻之間，我雙眼好似scanner咁掃瞄左眼前既女仔一番；
明明頭先聽到既係一把未戒奶既細路女聲音，但眼前竟然係一個亭亭玉立既少女！？
驟眼定睛一看眼前既呢個少女穿著一身輕便露臍Tee恤，著住一條粉紅色既hot pants，打開道門之後，佢一邊撥弄頭髮，一邊用不耐煩既眼神望住我…
令到我一時三刻好似被點穴一樣動彈不得。
『喂，你望夠未？』她一句妮聲嗔道。
「我……啊係，」我稍稍回過神來，從褲袋中拎出筆：「麻煩係度簽簽收……」
『邊度啊……』
語畢，呢個女仔忽然哄埋黎我前面！
雖然佢係望住張收據，但係我既角度簡直接近感覺到佢既體溫一樣…！
我諗…應該係佢頭髮上散發住果種洗頭水令我有一種錯覺…，正當我被她此舉搞到目眩神迷時…
『呢度……』她一手搶過我拿著的筆，在收據上潦動：『搞掂～』
「唔該…」我整個人彷如失去靈魂地呆站著。
『啊！』
忽然，她簽完名後將筆扔到地上，然後轉身跑到房間去。
「喂…！小姐！」我立即喝止。
『你幫我搬啲野入黎得架喇～』她邊走邊說著。
「唉…麻撚煩…」
我真係唔明，點解啲人明明咁有錢都唔請多幾個工人？
不過為免被投訴，我都只能遵從著她的指令去做。
然而當我將最後一箱貨搬到入屋，準備轉身離去時，我眼角餘光不經已地望到女仔間房既位置…
由於個女仔太衝忙趕返房，所以連房門都無關上。
而且，更重要一點令我無離開既原因就係……一首熟悉既聲音。
「Draft mode Ban & pick music」