【苦】《英雄聯盟》 - 一件次世代既愛情工具: 《天晴》

翌日


旺角百佳酒店。

鈴鈴鈴鈴鈴——


「喂…？」



『請問需唔需要加鐘。』

「唔…」我望一望個鐘：「唔洗喇唔該。」


到左翌日十二點退房時，我就拖住條連名都未知既女離開酒店。

當我行到百佳酒店樓梯近門口果幅裸女畫前時。

『拿～～～』女仔撓住我隻手雀躍的說道：『咁今晚我就比我ACC你架喇～』



「呵欠…」我拖住佢打左個喊路：「哦…」


天光後我細心地打量左眼前呢條女一番。

呢個女仔留有一把中長既金啡色秀髮，梳住三七分界既瀏海；而且佢仲係我起身之前化左個基本妝容，戴左幅14MM既大眼仔，之後仲戴住一副無鏡片既粗框眼鏡。

至於身材就一般，經琴晚既「驗貨」後，我估佢頂多都係B CUP咁上下，不過勝在唔太黑，而且皮膚仲好白，我諗…係現今MK妹一貫都有既長處。



不過佢最殺食既地方，就係佢果雙粉嫩白皙既長腿，而且仲要係白裡透紅有線條果隻幼腿！

讀過經濟學都知，佢為左將呢個市場優勢最大化，佢用左一條基本上已經露左半邊股罅既牛仔熱褲，再配上一對厚底拖鞋黎配搭；加上佢本身修長既身形……係旺角呢個龍蛇混雜既地方，經過既男人十個有十個，無一不注視著呢個女仔既長腿之上。

三個字講哂；不撚得之了。



『嘻～』忽然，她自滿的笑了笑：『比我班Friend知道我上左白金，實嚇佢地一跳姐～』

突然間，我醒起一個問題。

「呀…係呢，」我隨口問道：「話時話…你叫咩名？」

『唔——？』她佯怒地皺著眉，橫了我一眼：『乜你咁架！連人地叫咩名都唔記得！』



「咁…咁…」我立即想了個籍口，尷尬地笑著：「我不嬲叫開你個game ID之嘛…哈…哈…』


老實講，我甚至連佢遊戲 ID係乜都唔記得。

屌，我知道你實笑緊架，但喂，咁好出奇老虎呀？

有時你返學都未必醒得起坐你隔離個同學叫咩名啦！而家區區一個GAME Friend有乜出奇？

『葉家晴～』她稚氣地看著我：『唔好叫我game名喇～～叫我家晴就得啦。』

「家晴…」我聽著有點尷尬：「一係我叫你阿晴喇，家晴…好似阿哥叫細妹咁。」

『隨便你～不過…嘻～』阿晴突然靠近看著我：『唔通你想我做你女朋友？』



「下…！」我聽著立即嚇一跳：「Er…呢層…呢層…」

『車～你肯我都唔制啦～！』阿晴輕挑地說：『其實我已經有男朋友，你冇機會架喇～』

「下！？」我聽到眼都凸埋：「你有男朋友…！？」

『唔～？』阿晴對我的驚訝卻是毫不意外：『好出奇咩？』

「但…！」我追問道：「你有男朋友仲同我…！？」

『怕咩喎，』阿晴毫不介懷的說：『我地又唔係做人世～況且我條仔都有出去蒲架啦，你估佢偷食我會唔知咩？』

「但係…」我始終驚比帽人戴會比人打死。



『其實都係各取所需姐～』阿晴莞爾一笑：『冇人同你講過…兩個人維繫愛情既最好方法，就係內疚咩？』

「咁…咁又真係好似無…」


老實講，我連一次拖都未拍過。


『哈哈～』阿晴見到我呆呆下個樣便開懷地笑起來：『小朋友～』

「挑…你扮咩，」我不服的道：「你得果十八歲，我明明大你兩年！」

『車～好叻咩～』阿晴陪我走出酒店後，看著馬路的另一方：『咁我走先喇。』

「下…？」我追問：「唔去食個lunch先？」



『你唔驚比人見到你同我一齊會比人打咩～』

估唔到阿晴波仔細細，一眼看穿我內心。

「…………」我尷尬地沈默。

『走先啦～』她輕撥長髮，轉身拋下一句：『記得今晚幫我呀～拜拜～』


伴隨著呢句後，我就呆企左係原地，望住佢既身影慢慢消失係視線之中。

老老竇竇，雖則我靠英雄聯盟呢個遊戲，兩年來大大話話都食過十幾條女，但今次食著條有男朋友既女都係第一次，唔怪得佢口技、騎功都係超一流；同一般食開既Mk妹完全唔同。

尤其係佢係第二獲比我口爆完之後，用佢果條柔軟既舌尖不斷係我龜頭上打轉，再一下含到最盡，將我整條巨龍吞噬吸吮埋最後一滴龍汁…再再展露一個滿足既微笑表情…！

果下感受真係我咁大個仔都未試過咁爽。呢啲情境簡直係ＡＶ情節入面先會出現咁滯！

願意口交既女仔已經唔多，肯口爆既更可謂少之有少，口爆完仲要識後戲既簡直係寥若晨星！

我仲好奇佢點解會識呢啲功夫時，原來佢有男朋友一直比佢當練習對象。

唔知點解，我對阿晴明明無咩特別好感，但我心入面卻忽然有種羨慕佢男朋友既感覺。

係我諗到入哂神之時……


［知不知你在濫用我的惻隱———］

你無估錯，係電話響。


「喂～？」我拿起電話，看到來電顯示後用一貫輕挑的語氣接聽：「咩料～？」

『任天衡！』聽筒另一方傳來一把刺耳的女聲：『你而家即刻黎I-ONE網吧！係咁！』

嘟—————


聽到自己好似狗一樣咁被呼之則來，我心諗…呢條女咩料啊？